མི་སྡེ་བརྡ་བརྒྱུད་ཚུ་ནང་ ངོ་མིང་གསལ་སྟོན་མ་འབད་མི་ཚུ་ལུ་ ཉེས་ཁྲིམས་ལག་ལེན།
བི་བི་སི། ཝེཊ་ནམ་གཞུང་གིས་ མི་སྡེ་བརྡ་བརྒྱུད་ ལག་ལེན་འཐབ་མི་ཚུ་གིས་ རང་སོའི་ངོ་རྟགས་ཚུ་ གསལ་སྟོན་འབད་དགོཔ་ད་ དེ་ཡང་ ཡོངས་འབྲེལ་ཐོག་གི་ གཡོ་སྒྱུའི་ལཱ་ཚུ་ མེདཔ་བཟོ་ཐབས་ལུ་ཨིན་པའི་ གསལ་བསྒྲགས་འབད་ནུག།དེ་བཟུམ་མའི་ ལག་ལེན་དེ་གིས་ ཁྲིམས་འགལ་གྱི་ ལཱ་བྱ་འཐབ་མི་ཚུ་ བདའ་ཟུན་ཚུགས་ནི་དང་ ཕེཛ་བུག་ཚུ་བཟུམ་མའི་ རྒྱལ་ཁབ་ཕྱི་ནང་གི་ མི་སྡེ་བརྡ་བརྒྱུད་ཚུ་ནང་ ངོ་རྟགས་གསལ་སྟོན་མ་འབད་མི་ཚུ་གིས་ སྒྲིག་གཞི་གསརཔ་དེ་ལུ་ ཆ་གནས་འབད་དགོཔ་ཨིན་པས།ཐབས་ལམ་དེ་ སྤྱི་ལོ་ ༢༠༢༣ གྱི་ ལོ་མཇུག་ལུ་ བསྟར་སྤྱོད་འབད་ནི་ཨིནམ་ད་ མཐར་འཁྱོལ་གྱི་ཐེད་ཁར་ ངེས་པ་མེད་རུང་ གཞུང་འབྲེལ་བརྡ་བརྒྱུད་ནང་ དབང་འཛིན་ཚུ་གིས་ དེ་བཟུམ་མའི་ བརྡ་བརྒྱུད་ལག་ལེན་འཐབ་མི་ཚུ་ བལྟ་རྟོག་དང་ བཀག་ཆ་འབད་ནི་ཨིན་པས།སྤྱི་ལོ་ ༢༠༢༢ ལུ་ ཝེཊ་ནམ་གྱིས་ གནས་ཚུལ་རྫུན་མ་ཚུ་ དུས་ཡུན་ཆུ་ཚོད་ ༢༤ གི་ ནང་འཁོད་ལུ་ བཏོན་བཏང་དགོཔ་སྦེ་ བཟོ་ཡོདཔ་མ་ཚད་ གུ་གཱལ་དང་ ཕེཛ་བུག་ཚུ་བཟུམ་མའི་ འཕྲུལ་རིག་ལས་སྡེ་ཚུ་གིས་ བརྡ་བརྒྱུད་དེ་ཚུ་ ལག་ལེན་འཐབ་མིའི་ གནད་སྡུད་ཚུ་ བསགས་བཞག་དགོ་པའི་ ཁྲིམས་ལུགས་ཚུ་ཡང་ བཟོ་ནུག་ཟེར་ བཀོད་འདུག་པའི་གནས་ཚུལ།