World News
ཨི་ཇིབ་ཀྱིས་ ག་ཟའི་ས་མཚམས་བདའ་སྟེ་ རྩིགཔ་རྐྱབ་དོ་ཡོདཔ།
སི་ཨེན་ཨེན། སྤྱི་ཟླ་ ༢ པའི་ཚེས་ ༡༥ ལུ་ ཨིཛ་རེལ་གྱིས་ ས་གནས་ར་ཕཱ་ལུ་ དམག་རྐྱབ་ནི་གི་ འཆར་གཞི་བརྩམ་མི་ལུ་བརྟེན་ཏེ་ ཚ་གྱང་ཐོག་ལས་ ཨི་ཇིབ་ཀྱིས་ ལྷོ་ཕྱོགས་ག་ཟའི་ ས་མཚམས་བདའ་སྟེ་ བར་གླིང་བཞག་ཐོག་ལས་ རྩིགཔ་རྐྱབ་དོ་ཡོདཔ་ཨིན་པས།ས་གནས་ར་ཕཱ་ཟེར་མིའི་ནང་ ག་ཟའི་མི་རློབས་ཕྱེད་ཀ་དེ་ཅིག་ སྐྱབས་བཅོལ་ཐོག་ལུ་ཡོདཔ་ད་ འཕྲུལ་སྐར་གྱིས་ བསྡུ་ལེན་འབད་མི་ དཔར་ཚུ་ནང་ ཨིཇིབ་དང་ ག་ཟའི་བར་ན་ཡོད་མི་ འཁོར་ལམ་ཚུ་ཡང་ རྩིགཔ་རྐྱབ་ནི་གི་དོན་ལས་ བརྡལ་སར་མཐོངམ་ཨིན་པས།གལ་སྲིད་ ག་ཟའི་ས་མཚམས་ལས་ མེ་ཌི་ཊེ་རི་ནི་ཡཱན་ རྒྱ་མཚོ་ཚུན་ རྩིགཔ་རྐྱབ་པ་ཅིན་ བར་གླིང་དེ་གིས་ ཨི་ཇིབ་དང་ ག་ཟའི་བར་ན་ ས་མཚམས་རྒལ་སའི་ ས་གོ་མེདཔ་ འགྱོ་ནི་ཨིན་པས།མཐོ་ཚད་མི་ཊར་ ༥ འབད་མི་ རྩིགཔ་དེ་ཡང་ ཨི་ཇིབ་དྲག་པོའི་དམག་སྡེ་གིས་ གཞི་བཙུགས་འབད་ནུག་ཟེར་ བཀོད་འདུག་པའི་གནས་ཚུལ།