རྒྱ་གར་གྱི་ རི་ཛབ་བེང་དང་ རྒྱལ་གཞུང་དངུལ་ལས་དབང་འཛིན་གྱི་བར་ན་ ཏི་རུ་བརྗེ་སོར་གྱི་ ཆིངས་ཡིག་གུ་མཚན་རྟགས།
ཡིག་ཚང་ལས་བྱེདཔ། སྤྱི་ཟླ་ ༡༡ པའི་ཚེས་ ༡༦ ལུ་ རྒྱ་གར་གྱི་ རི་ཛབ་བེང་ དངུལ་ཁང་དང་ རྒྱལ་གཞུང་དངུལ་ལས་དབང་འཛིན་གྱི་བར་ན་ ཟུང་ཕྱོགས་ཏི་རུ་བརྗེ་སོར་གྱི་ དུས་ཡུན་ཡར་སེང་ཐོག་ལུ་ ཆིངས་ཡིག་གུ་ མཚན་རྟགས་བཀོད་ནུག། དེ་ཡང་ གནས་ཚུལ་གསར་བཏོན་ཅིག་ནང་ བཀོད་དོ་བཟུམ་འབད་བ་ཅིན་ དུས་ཡུན་ཡར་སེང་འབད་མི་ མཐུན་རྐྱེན་ཐོག་ལས་ རྒྱལ་གཞུང་དངུལ་ལས་དབང་འཛིན་གྱིས་ ཏི་རུ་ཁ་སྐོང་ ཡུ་ཨེཛ་ཌོ་ལར་ས་ཡ་ ༢༠༠ འབདཝ་ད་ རྒྱ་གར་གྱི་ རུ་པི་བྱེ་བ་ ༡,༦༥༧ དང་ ཡང་ཅིན་ དངུལ་ཀྲམ་བྱེ་བ་ ༡,༦༥༧ ཚུན་ བརྗེ་སོར་འབད་ཚུགས་ཟེར་ཨིན་པས། ད་རེས་ ཆ་གནས་ཡོད་མི་ བརྗེ་སོར་མཐུན་རྐྱེན་ནང་ལས་ ཡུ་ཨེཛ་ཊོ་ལར་ས་ཡ་ ༢༠༠ བརྗེ་སོར་འབད་ནི་གི་ མཐུན་རྐྱེན་ཆིངས་ཡིག་ཡོད་མིའི་གུ་ ཁ་སྐོང་ཨིནམ་ད་ དེ་ཡང་ འབྲུག་གཞུང་གིས་ ཞུ་བ་འབདཝ་བཞིན་དུ་ རྒྱ་གར་གཞུང་གིས་ ཕན་གྲོགས་ཐོག་ལས་ རྒྱ་གར་གྱི་ རི་ཛབ་བེང་ནང་ལས་ བརྗེ་སོར་འབད་ནི་ཨིན་པས། དུས་ཡུན་ཡར་སེང་འབད་མི་ ཆིངས་ཡིག་གི་ ཆ་གནས་དུས་ཡུན་དེ་ སྤྱི་ལོ་ ༢༠༢༣ སྤྱི་ཟླ་ […]
