སྤྱི་ཟླ་ ༡༠ པའི་ཚེས་ ༢༨ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཐིམ་ཕུ་ཀུན་གསལ་ཕོ་བྲང་ལུ་ བེེ་རོ་ཙ་ནའི་ཡང་སྲིད་ ངག་དབང་འཇིགས་མེད་འཇིག་རྟེན་དབང་ཕྱུག་མཆོག་གིས་ གཞུང་གྲྭ་ཚང་དབུ་བརྙེས་ཏེ་ མི་ལོ་ ༤༠༠ འཁོར་བའི་ རྗེས་དྲན་དང་འབྲེལ་ཏེ་ མཐུ་ཆེན་ཆོས་ཀྱི་རྒྱལ་པོ་ དཔལ་ངག་དབང་རྣམ་རྒྱལ་མཆོག་ལུ་ བཀའ་དྲིན་རྗེས་དྲན་དང་ གུས་བཏུད་ཀྱི་དོན་ལས་ དཔར་རིས་དང་བཅསཔ་སྦེ་ གསར་བརྩམས་མཛད་མི་ དཔེ་དེབ་དེ་ གསར་བཏོན་མཛད་གནང་ཡོད་པའི་ གནས་ཚུལ་མདོར་བསྡུས།
སྤྱི་ཟླ་ ༡༠ པའི་ཚེས་ ༢༨ ལུ་ རྒྱལ་གཞུང་ཞི་གཡོག་ལྷན་ཚོགས་ཀྱིས་ ཤེས་རིག་ལྷན་ཁག་དང་ དངུལ་རྩིས་ལྷན་ཁག་ གསོ་བ་ལྷན་ཁག་ཚུ་ནང་ དྲུང་ཆེན་ངོ་ཚབ་ ༣ གསར་བསྐོས་འབད་ནུག།དེ་ཡང་ གསོ་བའི་ལྷན་ཁག་ ནང་སྨན་ལས་ཁུངས་ཀྱི་ ཡོངས་ཁྱབ་དྲུང་ཆེན་ སྤེན་པ་དབང་ཕྱུག་དེ་ གསོ་བའི་དྲུང་ཆེན་ངོ་ཚབ་དང་ ཕྱི་འབྲེལ་ལྷན་ཁག་ ལུང་ཕྱོགས་མཉམ་འབྲེལ་ལས་ཁུངས་ཀྱི་མདོ་ཆེན་ ཚེ་དབང་ཆོས་འཕེལ་རྡོ་རྗེ་དེ་ ཤེས་རིག་དྲུང་ཆེན་ངོ་ཚབ་ དངུལ་རྩིས་ལྷན་ཁག་གི་ དངུལ་རྩིས་མཁས་མཆོག་ ལས་སྐྱིད་དབང་མོ་དེ་ དངུལ་རྩིས་དྲུང་ཆེན་ངོ་ཚབ་སྦེ་ བསྐོ་བཞག་འབད་ཡོདཔ་ཨིན་པས།དྲུང་ཆེན་ངོ་ཚབ་སྦེ་ གསར་བསྐོས་འབད་མི་ཚུ་ཡང་ ཁོང་གིས་ འདས་པའི་ཟླཝ་དག་པ་ཅིག་གི་ནང་ ལཱ་གི་གྲུབ་འབྲས་དང་ མི་མང་ཞབས་ཏོག་ ལེགས་བསྒྱུར་གྱི་ལཱ་ ལུ་ སྡེ་ཚན་འགོ་ཁྲིད་དང་ རངསོའི་ལྕོགས་གྲུབ་ཚུ་ གསལ་སྟོན་འབད་མི་ལུ་ གཞིར་བཞག་སྟེ་ཨིན་ཟེར་ ཞི་གཡོག་ལྷན་ཚོགས་ལས་ གསར་བཏོན་འབད་མི་ གནས་ཚུལ་ཅིག་ནང་བཀོད་ནུག།དེ་སྦེ་ དྲུང་ཆེན་ངོ་ཚབ་སྦེ་ ལོ་ངོ་ ༡ གི་རིང་ལུ་ ཕྱག་ཞུ་བའི་ བརྟག་ཞིབ་དུས་ཡུན་ནང་ གཞུང་དྲུང་ཆེན་གྱི་ དགོས་མཁོ་འགྲུབ་པ་ཅིན་ དྲུང་ཆེན་སྦེ་ བསྐོ་བཞག་འབད་ནི་ཨིནམ་ལས་ དྲུང་ཆེན་ངོ་ཚབ་ཚུ་གིས་ ལས་སྡེ་བསྒྱུར་བཅོས་དང་ མནོ་ལུགས་ཡར་དྲག་ དེ་ལས་ མི་ཚུ་གི་ […]
སྤྱི་ཟླ་ ༡༠ པའི་ཚེས་ ༢༦ ལུ་ རྒྱ་པཱན་གཞུང་གིས་ འཛམ་གླིང་སྤྱི་ཚོགས་ ཨ་ལོའི་མ་དངུལ་བརྒྱུད་དེ་ ཡུ་ཨེཛ་ཌོ་ལར་ ས་ཡ་ ༡.༤ གནས་མི་ སྨན་ཁབ་བཞག་སའི་ བསིལ་དྲོད་འཕྲུལ་ཆས་ཚུ་ གསོ་བའི་ལྷན་ཁག་ལུ་ རྩིས་སྤྲོད་འབད་ཡོདཔ་ད་ དེ་ཡང་ བསིལ་དྲོད་འཕྲུལ་ཆས་ ༢,༡༣༤ དང་ བསིལ་དྲོད་སྙོམས་འཕྲུལ་ ༥༠༠ དེ་ལས་ གློག་མེ་བཏོན་འཕྲུལ་ ༢ ཡོདཔ་ཨིན་པས།གསོ་བའི་ལྷན་ཁག་གི་ དྲུང་ཆེན་ངོ་ཚབ་ཀྱིས་ འབྲུག་ལུ་ ཀོ་ཝིཌ་-༡༩ གི་ སྨན་ཁབ་ཁྱབ་སྤེལ་ནང་ རྒྱ་པཱན་གཞུང་གིས་ གཏོང་ཕོད་ཅན་གྱི་ མ་དངུལ་གྱི་ རྒྱབ་སྐྱོར་ལུ་བརྟེན་ཏེ་ མཐར་འཁྱོལ་ཅན་ཅིག་ལུ་ གྱུར་ཏེ་ཡོད་པའི་ཁར་ འབྲུག་གི་ས་གནས་ མཐའ་དབུས་མེད་པར་ གསོ་བའི་མཐུན་རྐྱེན་ཚུ་ནང་ དགོས་མཁོ་ཡོད་མི་ སྨན་ཁབ་བཞག་སའི་ བསིལ་དྲོད་ཕྲུལ་ཆས་ཚུ་ཡང་ བཙུགས་ཚུགས་ནི་དེ་གིས་ མཐའ་ཟུར་གྱི་ མི་སྡེ་དང་ འབྲེལ་བ་འཐབ་ནི་ལུ་ ལཱ་ཁག་ཡོད་མི་ མི་རློབས་ལུ་ གལ་ཆེ་བའི་ སྨན་ཁབ་ཀྱི་ ཞབས་ཏོག་ཚུ་ཡང་ མཁོ་སྤྲོད་འབད་ནི་གི་ ལྕོགས་གྲུབ་ཡར་དྲགས་སོང་ཡི་ཟེར་ཨིན་པས།འབྲུག་ལུ་ འཛམ་གླིང་སྤྱི་ཚོགས་ […]
སྤྱི་ཟླ་ ༡༠ པའི་ཚེས་ ༢༣ དང་ ༢༤ ལུ་ མི་དབང་མངའ་བདག་རིན་པོ་ཆེ་མཆོག་གིས་ མགར་ས་རྫོང་ཁག་ ལ་ཡག་ལུ་ ས་ཁ་མཐོ་སའི་ རྒྱལ་འཛིན་དུས་སྟོན་ནང་ དབུ་བཞུགས་མཛད་གནང་ནུག། དེ་ཡང་ མི་དབང་མངའ་ཞབས་མཆོག་གིས་ ས་ཁ་མཐོ་སའི་ ལམ་སྲོལ་དང་ མཛེས་རྣམ་ཚུ་ འགྲེམ་སྟོན་གྱི་དོན་ལས་ སྤྱི་ལོ་ ༢༠༡༦ ལུ་ ལོ་བསྟར་གྱི་ དུས་སྟོན་ཅིག་སྦེ་ གཞི་བཙུགས་གནང་ཡོདཔ་ཨིན་པས། འབྲུག་ལུ་ གཞིས་ཆགས་ས་ཁ་མཐོ་ཤོས་ ལ་ཡག་ལུ་ འགོ་འདྲེན་འཐབ་མི་ དུས་སྟོན་དེ་ནང་ རྫོང་ཁག་ ༡༠ ལས་ ས་ཁ་མཐོ་སའི་ མི་སྡེ་ཚུ་གིས་ གཞན་དང་མ་འདྲ་བའི་ རང་སོའི་གྱོན་ཆས་དང་ ལམ་སྲོལ་ དེ་ལས་ ཐོན་སྐྱེད་ཚུ་ གསལ་སྟོན་འབད་ནུག། འབྲུག་གི་ས་ཁ་མཐོ་སའི་ མི་སྡེ་ཚུ་ རྒྱལ་ཁབ་ནང་ དུས་ཀྱི་འགྱུར་བའི་ དབང་ལུ་མ་ཐལ་བར་ ག་བ་ཡང་ སྒྲིང་སྒྲིང་སྦེ་ རང་བཞིན་གྱིས་ མཛེས་ཆ་དང་ལྡན་པའི་ ས་ཁ་མཐོ་སའི་ མཐའ་ཟུར་གཡུས་ཚན་ཚུ་ནང་ གཞིས་ཆགས་ཏེ་ སྡོད་དོ་ཡོདཔ་ཨིན་པས། ས་ཁ་མཐོ་སའི་ […]
སྤྱི་ཟླ་ ༡༠ པའི་ཚེས་ ༢༣ ལུ་ མི་དབང་མངའ་བདག་རིན་པོ་ཆེ་མཆོག་གིས་ ལ་ཡག་ལུ་ ས་ཁ་མཐོ་སའི་ རྒྱལ་འཛིན་དུས་སྟོན་ནང་ ཆིབས་བསྐྱོད་གནང་པའི་ཞོར་ཁར་ བསྟན་འཛིན་ཆོས་འཕེལ་དེ་ མགར་ས་རྫོང་བདག་སྦེ་ གསར་བསྐོས་ཐོག་ལུ་ བཀྲིས་ལེགས་དར་གནང་ནུག། དེ་གི་ཧེ་མར་ བསྟན་འཛིན་ཆོས་འཕེལ་གྱིས་ མགར་ས་ལུ་ གནས་སྐབས་ཀྱི་ རྫོང་བདག་སྦེ་ ཕྱག་ཞུ་ཡོད་པའི་གནས་ཚུལ།
ཡིག་ཚང་ལས་བྱེདཔ།སྤྱི་ཟླ་ ༡༠ པའི་ཚེས་ ༡༦ ལས་ ༢༡ ཚུན་ འབྲུག་གི་དོན་ལུ་ འཛམ་གླིང་སྤྱི་ཚོགས་ མི་རློབས་མ་དངུལ་གྱི་ ལེགས་སྨོན་སྐུ་ཚབ་ མི་དབང་རྒྱལ་ཡུམ་ སངས་རྒྱས་ཆོས་སྒྲོན་དབང་ཕྱུག་མཆོག་ མི་མང་འཕྲོད་བསྟེན་གྱི་ གཙོ་རིམ་དང་ མི་སྡེའི་གནད་དོན་ཚུ་དང་འབྲེལ་བའི་ ཆེ་མཐོའི་གནས་ཚད་ཐོག་ལུ་ གོ་བརྡའི་ལས་རིམ་གྱི་ ཆ་ཤས་ཅིག་སྦེ་ མགར་ས་རྫོང་ཁག་ ལུང་ནག་ནང་ལུ་ ཆིབས་བསྐྱོད་གནང་ནུག།མི་དབང་རྒྱལ་ཡུམ་མཆོག་གི་ ཕྱག་ཞུ་སྟེ་ མི་དབང་རྒྱལ་སྲསམོ་ ཨུཏྤལ་མ་ཆོས་སྒྲོན་དབང་ཕྱུག་མཆོག་དང་ གསོ་བའི་བློན་པོ་ བདེ་ཆེན་དབང་མོ་ དེ་ལས་ གསོ་བའི་ལྷན་ཁག་དང་ ཤེས་རིག་ལྷན་ཁག་གི་ དྲུང་ཆེན་ངོ་ཚབ་ མཉམ་འབྲེལ་འཐབ་མི་ ལྷན་ཁག་དང་ ལས་སྡེ་ཚུ་གི་ འགོ་དཔོན་ཚུ་ཡོདཔ་ཨིན་པས།གཟིགས་སྐོར་དེ་ཡང་ འཛམ་གླིང་སྤྱི་ཚོགས་ མི་རློབས་མ་དངུལ་དང་ གསོ་བའི་ལྷན་ཁག་ ཤེས་རིག་ལྷན་ཁག་ ཨམ་སྲུའི་ཆ་བཞག་དང་ ལྕོགས་གྲུབ་ཡར་སྐྱེད་ལས་སྡེ་ དེ་ལས་ རྒྱལ་ཡུམ་གྲོགས་རམ་ བློ་གཏད་མ་དངུལ་ཚུ་ མཉམ་འབྲེལ་ཐོག་ལུ་ འགོ་འདྲེན་འཐབ་ཅི་ཟེར་ རྒྱལ་ཡུམ་གྲོགས་རམ་ བློ་གཏད་མ་དངུལ་ ཡིག་ཚང་ལས་ གསར་བཏོན་འབད་མི་ གནས་ཚུལ་ཅིག་ནང་བཀོད་ནུག།མི་དབང་རྒྱལ་ཡུམ་མཆོག་གིས་ སྤྱི་ཟླ་ ༡༠ པའི་ཚེས་ ༡༧ […]
ལྷག་པ་གྲུབ་པ།ཐིམ་ཕུ་ལུ་ དགོངས་རྫོགས་མཆོད་རྟེན་ནང་ ལོ་བསྟར་བཞིན་དུ་ གནང་སྲོལ་ཡོད་མི་ ཕུར་པའི་སྒྲུབ་ཆེན་དེ་ བར་མཚམས་བླམ་ ཨྱོན་རྣམ་གྲོལ་ དབུ་བཞུགས་ཐོག་ལུ་ སྒོམ་ཆེན་དང་ དགེ་སློང་ཞལ་གྲངས ༥༠ དེ་ཅིག་གིས་ ཉིན་གྲངས་ ༡༠ གི་རིང་ལུ་ གནང་དོ་ཡོདཔ་ཨིན་པས།དེ་ཡང་ སྤྱི་ཟླ་ ༡༠ པའི་ཚེས་ ༡༦ ལས་ འགོ་བཙུགས་ཡོདཔ་ད་ སྒྲུབ་ཆེན་འདི་ ལོ་བསྟར་བཞིན་དུ་ གཞུང་གྲྭ་ཚང་གི་ འགོ་འདྲེན་་ཐོག་ལས་ སྤྱིར་འཛམ་གླིང་དང་ལྷག་པར་དུ་ རྒྱལ་ཁབ་འདི་ནང་ ནད་ཡམས་མུ་གེ་དང་ དམག་འཁྲུག་ཚུ་ ཞི་ཐབས་ལུ་ཨིན་ཟེར་ བར་མཚམས་སྒོམ་སྡེའི་སྐུ་དྲུང་ སློབ་དཔོན་ཚེ་དབང་བཀྲིས་ཀྱིས་ བཤདཔ་ཨིན་པས།སྒྲུབ་ཆེན་འདི་ བདུད་འཇོམས་རིན་པོ་ཆེ་ སྐྱབས་རྗེ་འཇིགས་འབྲལ་ཡེས་ཤེས་རྡོ་རྗེའི་ གཏེར་ཆོས་ལས་ཨིན་མི་ ཕུར་པ་གནམ་ལྕགས་སྤུ་གྲིའི་ སྒྲུབ་ཆེན་ཨིནམ་ལས་ ག་ནི་བ་ རྩ་ཆེ་བའི་ཁར་ བྱིན་རླབས་ཆེ་ཤོས་ཅིག་ཡང་ཨིན་པས།དེ་མ་ཚད་ དགོངས་རྫོགས་མཆོད་རྟེན་འདི་ སྐྱབསརྗེ་འཇིགས་འབྲལ་ཡེས་ཤེས་རྡོ་རྗེ་མཆོག་གི་ ལུང་བསྟན་དང་འཁྲིལ་ཏེ་ གདུང་སྲས་འཕྲིན་ལས་ནོར་བུ་དང་ བླམ་བསོད་ནམས་བཟང་པོ་ ༢ དབུ་ཞུགས་ཐོག་ལུ་ མི་དབང་ཞིང་གཤེགས་དམ་པ་ འབྲུག་རྒྱལ་ ༣ པའི་ རྗེས་དྲན་ལུ་ བཞེངས་གནང་ནུག།སྒྲུབ་ཆེན་དེ་ […]
སྤྱི་ཟླ་ ༡༠ པའི་ཚེས་ ༢༠ རང་ཟླ་ ༨ པའི་ཚེས་ ༢༥ ལུ་ མར་ངོའི་དུས་བཟང་གི་ཉིན་མར་ སྐྱབས་རྗེ་རིན་པོ་ཆེ་མཆོག་གིས་ ཀུན་གསལ་ཕོ་བྲང་ལུ་ ཀུན་མཁྱེན་བཀའ་འབུམ་གྱི་ ལྗགས་ལུང་གནངམ་དང་འབྲེལ་ཏེ་ རྗེས་དྲན་དུས་ཀྱི་སྦྲང་ཆར་ཟེར་མི་ དུས་དེབ་ཅིག་ འགོ་འབྱེད་མཛད་གནང་ནུག།དེ་ཡང་ གཞུང་གྲྭ་ཚང་ དབུ་བརྙེས་ཏེ་ མི་ལོ་ ༤༠༠ འཁོར་བའི་ དུས་དྲན་དང་ ཐིམ་ཕུ་བདེ་ཆེན་ཕོ་བྲང་ དགེ་འདུན་སློབ་གྲྭ་ གཞི་བཙུགས་གནང་སྟེ་ མི་ལོ་ ༥༠ འཁོར་བའི་ དུས་དྲན་བརྩི་སྲུང་ལུ་དམིགས་ཏེ་ཨི
སྤྱི་ཟླ་ ༡༠ པའི་ཚེས་ ༢༡ ལུ་ མི་དབང་མངའ་བདག་རིན་པོ་ཆེ་མཆོག་གིས་ རྒྱལ་པོའི་ཞིང་ལུ་ གཟིགས་སྐོར་གནངམ་དང་འབྲེལ་ཏེ་ བཀྲིས་དབང་མོ་དེ་ བསམ་གྲུབ་ལྗོངས་མཁར་གྱི་ རྫོང་བདག་གསརཔ་སྦེ་ བསྐོ་བཞག་ཐོག་ལུ་ བཀྲིས་ལེགས་དར་གནང་ནུག།དེ་ཡང་ བཀྲིས་དབང་མོ་གིས་ དུས་ཅི་ སྤྱི་ཟླ་ ༣ པའི་ནང་ལས་ བསམ་གྲུབ་ལྗོངས་མཁར་ལུ་ གནས་སྐབས་ཀྱི་ རྫོང་བདག་སྦེ་ ཕྱག་ཞུ་ཡོད་པའི་གནས་ཚུལ།
རྡོ་རྗེ་དབང་ཕྱུག་དང་ལྷག་པ་གྲུབ་པ།སྤྱི་ཟླ་ ༡༡ པའི་ ཚེས་ ༡༢ ལུ་ རྒྱལ་གཞུང་ཞི་གཡོག་ལྷན་ཚོགས་ཀྱི་ གཞི་བཀོད་དང་འཁྲིལ་ཏེ་ འོས་འབབ་ཅན་གྱི་ འགོ་ཁྲིདཔ་བཙག་འཐུའི་དོན་ལས་ འཛིན་སྐྱོང་ཁྱད་རིག་ ༡ པའི་ནང་ཡོད་མི་ འགོ་དཔོན་ཚུ་གི་ བརྟག་ཞིབ་ཆོས་རྒྱུགས་ ལེན་ནི་ཨིན་རུང་ མཐར་མ་འཁྱོལ་མི་ཚུ་ གཞུང་གཡོག་ནང་ལས་ གཏོན་མི་གཏང་ནི་ཨིན་པས།དེ་ཡང་ རྒྱལ་གཞུང་ཞི་གཡོག་ལྷན་ཚོགས་ལས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ བཀོད་ཁྱབ་གནས་རིམ་གྱི་དོན་ལུ་ བློ་འདོད་ཡོད་མི་ འཛིན་སྐྱོང་ཁྱད་རིག་ ༡ པའི་ འགོ་དཔོན་ཚུ་གིས་ བརྟག་ཞིབ་ཆོས་རྒྱུགས་ནང་ གྲལ་གཏོགས་འབད་གནང་ཟེར་ཨིན་པས།དེ་བཟུམ་མའི་ བརྟག་ཞིབ་ལས་རིམ་འདི་ བཀོད་ཁྱབ་གནས་རིམ་ནང་ གོ་གནས་ཡར་སེང་གི་དོན་ལས་ ཨ་རྟག་ར་ འགོ་འདྲེན་འཐབ་དོ་ཡོདཔ་ད་ དུས་ཅི་ འགོ་ཁྲིདཔ་བརྟག་ཞིབ་དེ་ གནད་དོན་ཁག་ ༤ གི་ཐོག་ལུ་ འགོ་འདྲེན་འཐབ་ནི་ཨིན་ཟེར་ གནས་ཚུལ་གནས་བཏོན་ནང་བཀོད་ནུག།དེ་ཡང་ སྤྱི་ཟླ་ ༡༡ པའི་ཚེས་ ༡༢ ལུ་ ཉིན་མའི་ཆུ་ཚོད་ ༢ ལས་ ཕྱི་རོའི་ཆུ་ཚོད་ ༨ ཀྱི་ ནང་འཁོད་ལུ་ […]
