Category: འཕྲལ་གྱི་གནས་ཚུལ།

རྒྱལ་ཁབ་ནང་གི་ འབྲིང་རིམ་སློབ་གྲྭ་བར་མའི་ ཆོས་རྒྱུགས་ཀྱི་ གྲུབ་འབྲས་གསལ་སྟོན།

ལྷག་པ་གྲུབ་བ། སྤྱི་ཟླ་ ༢ པའི་ཚེས་ ༦ ལུ་ འབྲུག་གི་སློབ་གྲྭའི་ཆོས་རྒྱུགས་དང་ བརྟག་ཞིབ་ཚོགས་སྡེ་གིས་ སྤྱི་ལོ་ ༢༠༢༢ ཀྱི་ འབྲིང་རིམ་སློབ་གྲྭའི་ ལག་ཁྱེར་ཆོས་རྒྱུགས་ཀྱི་ གྲུབ་འབྲས་གསལ་བསྒྲགས་འབད་ཡི། སྤྱི་ལོ་ ༢༠༢༢ ལུ་ སློབ་རིམ་ ༡༠ པའི་ སྤྱིར་བཏང་མཐར་འཁྱོལ་ བརྒྱ་ཆ་ ༧༡.༥༨ ཐོན་མི་དེ་ སྤྱི་ལོ་ ༢༠༢༡ ལུ་ བརྒྱ་ཆ་ ༧༠.༡༢ ཐོབ་མི་དང་ཕྱདཔ་ད་ བརྒྱ་ཆ་ ༡.༤༦ ཡར་སེང་སོང་ནུག། སློབ་རིམ་ ༡༠ པའི་ ལག་ཁྱེར་ཆོས་རྒྱུགས་ཀྱི་དོན་ལུ་ གཞུང་གི་སློབ་གྲྭ་ ༡༣༢ དང་ སྒེར་གྱི་སློབ་གྲྭ་ ༡༢ འབདཝ་ད་ འབྲིང་རིམ་སློབ་གྲྭ་བར་མ་ ༡༤༤ ལས་ སློབ་ཕྲུག་ཡོངས་བསྡོམས་ ༡༠,༦༡༡ གིས་ ཐོ་བཀོད་འབད་ཡོད་རུང་ སློབ་ཕྲུག་ ༡༠,༥༠༥ གིས་མ་གཏོགས་ ཆོས་རྒྱུགས་མ་ཕུལཝ་ཨིན་པས། ཆོས་རྒྱུགས་དེ་ནང་ལས་ […]

རྒྱལ་ཁབ་ནང་གི་ གཞུང་ལམ་བདའ་སྟེ་ ཕྱགས་སྙིགས་བསྡུ་ནི་གི་ ལས་རིམ་འགོ་འབྱེད།

ནོར་བུ་བཟང་མོ། རྒྱལ་ཁབ་ནང་གི་ གཞུང་ལམ་ཚུ་ ཧིང་སང་ས་སྦེ་ བཞག་ནིའི་དོན་ལུ་ ལམ་འགྲུལ་སྐྱེལ་འདྲེན་ལས་ཁུངས་དང་ ཌཱན་ཊག་ལས་འགུལ་ ཀི་ལིན་བྷུ་ཊཱན་ལས་སྡེ་ ༣ མཉམ་འབྲེལ་ཐོག་ལས་ གཞུང་ལམ་བདའ་སྟེ་ ཕྱགས་སྙིགས་བསྡུ་ནི་གི་ ལས་རིམ་ཅིག་ འགོ་འབྱེད་འབད་ནུག། དེ་ཡང་ སྤྱི་ཟླ་ ༢ པའི་ཚེས་ ༥ ལུ་ མི་དབང་རྒྱལ་སྲས་རིན་པོ་ཆེ་ འཇིགས་མེད་རྣམ་རྒྱལ་དབང་ཕྱུག་མཆོག་ དགུང་ལོ་ ༧ བཞེས་པའི་ འཁྲུངས་སྐར་དུས་སྟོན་ བརྩི་སྲུང་དང་འབྲེལ་ཏེ་ འགོ་འབྱེད་འབད་ཡོདཔ་ད་ དེ་བསྒང་ ལས་རིམ་དེ་ ཐིམ་ཕུ་དང་ སྤ་རོ་ ཆུ་ཁ་ བསམ་གྲུབ་ལྗོངས་མཁར་ བཀྲིས་སྒང་ རྫོང་ཁག་ཚུ་ནང་ འགོ་འདྲེན་འཐབ་ནུག། ཌཱན་ཊག་ལས་འགུལ་གྱི་ བཟོ་རིག་གཙོ་འཛིན་འགོ་དཔོན་ མདོ་འཛིན་ཇཱཛ་ཝིན་དར་སིང་གིས་ བཤད་དོ་བཟུམ་འབད་བ་ཅིན་ གཞུང་ལམ་བདའ་སྟེ་ བལྟ་བཤལཔ་ཚུ་དང་ སྣུམ་འཁོར་ལེ་ཤ་ཅིག་ རྒྱུན་འབྲེལ་འཐབ་པའི་ཁར་ འབྲུག་གི་འཁོར་ལམ་ ཀི་ལོ་མི་ཊར་ ༦༠༠ དེ་ཅིག་ཡང་ ཌཱན་ཊག་ལས་འགུལ་གྱིས་ རྒྱུན་སྐྱོང་འཐབ་དོ་ཡོདཔ་ལས་ འཁོར་ལམ་ཚུ་ ཕྱགས་སྙིགས་མེདཔ་སྦེ་ བཞག་ཚུགས་པ་ཅིན་ འབྲུག་རྒྱལ་ཁབ་འདི་ […]

མི་རྗེ་བློན་ཆེན་མཆོག་གིས་ ཨེ་ཤི་ཡ་དང་ པེ་སི་ཕིག་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་དང་མཇལ་ཕྲད།

སྤྱི་ཟླ་ ༢ པའི་ཚེས་ ༡ ལུ་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ ཨེ་ཤི་ཡ་དང་ པེ་སི་ཕིག་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་ ཌེ་ཝིཌ་ ཝི་ལི་ཡམ་ མེག་ལ་ཀེ་ལན་ཀཱར་དང་གཅིག་ཁར་ མཇལ་ཕྲད་མཛད་ནུག།དེ་བསྒང་ མི་རྗེ་བློན་ཆེན་མཆོག་གིས་ ད་རེས་ནངས་པར་ རྒྱལ་ཁབ་ནང་ གཙོ་རིམ་ཅན་གྱི་ ལེགས་སྒྱུར་གྱི་སྐོར་ལས་དང་ རྒྱལ་ཁབ་ཀྱི་ དཔལ་འབྱོར་གནས་སྟངས་ཚུ་གི་སྐོར་ལས་ གསུངས་ཡོདཔ་ཨིན་པས།དེ་བཟུམ་སྦེ་ འཛམ་གླིང་སྤྱི་ཚོགས་ གོང་འཕེལ་མཉམ་འབྲེལ་ཡིག་ཚང་གི་ ལུང་ཕྱོགས་མདོ་ཆེན་གྱིས་ཡང་ རྒྱལ་ཁབ་ཀྱི་ གནས་སྟངས་དང་བསྟུན་ཏེ་ གྲོགས་རམ་དང་ རྒྱབ་སྐྱོར་འབད་ནི་ལུ་ ངོས་ལེན་འབད་ཡོད་པའི་ གནས་ཚུལ་མདོར་བསྡུས།

རྡོ་རྗེ་སློབ་དཔོན་མཆོག་གིས་ དགེ་འདུན་སྤེལ་ཁང་གི དབུ་འཛིན་ ༢ གསར་བསྐོས་ཐོག་ལུ་ བཀྲིས་ལེགས་དར།

ནོར་བུ་བཟང་མོ། སྤྱི་ཟླ་ ༡ པའི་ཚེས་ ༣༠ ལུ་ སྤུངས་ཐིམ་གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ དགེ་འདུན་སྤེལ་ཁང་གི་ དབུ་འཛིན་ ༢ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།དེ་ཡང་ ཀྲོང་གསར་རྫོང་ཁག་ སྟང་སི་སྦྱིས་རྒེད་འོག་ལས་ སྐྱེས་ལོ་ ༤༣ འབད་མི་ སློབ་དཔོན་བསོད་ནམས་རིན་ཆེན་དེ་ ཐིམ་ཕུ་ལུ་ཡོད་མི་ མི་འཁྲུག་པའི་ལྷ་ཁང་གི་ སློབ་གྲྭའི་དབུ་འཛིན་སྦེ་ བསྐོ་བཞག་གནང་ཡོདཔ་ད་ གོ་གནས་འདི་ མ་བཞེས་པའི་ཧེ་མར་ གཞུང་གྲྭ་ཚང་གི་ སྐུ་དྲུང་འཚོ་ཆེན་སྦེ་ ཕྱག་ཞུ་ཡོདཔ་ཨིན་པས།ཁོ་གིས་ སྐྱེས་ལོ་ ༡༣ ལས་ བདེ་ཆེན་ཕོ་བྲང་ དགེ་འདུན་སློབ་གྲྭའི་ནང་ འཛུལ་ཞུགས་འབད་བའི་ཤུལ་ལུ་ སྤུ་ན་ཁ་ ལེགས་བཤད་འབྱུང་གནས་ བཤད་གྲྭའི་ནང་ལས་ ཤེས་ཡོན་ཚུ་ མཐར་འཁྱོལ་ཡོདཔ་མ་ཚད་ སྤུ་ན་ཁ་ སྤང་དཀར་སྒྲུབ་སྡེའི་ནང་ ལོ་གསུམ་ཕྱོགས་གསུམ་ཡང་ བཅད་ཡོདཔ་ཨིན་མས།དེ་ལས་ སྤུ་ན་ཁ་ བརཔ་རྒེད་འོག་ལས་ སྐྱེས་ལོ་ ༣༥ འབད་མི་ བླམ་ཀུན་དགའ་ནོར་བུ་དེ་ སྤ་རོ་ལམ་གོང་རྒེད་འོག་ནང་ཡོད་མི་ བསྟན་ཆེ་དགོན་པའི་ ཨ་ཎིམོ་གྲྭ་ཚང་གི་ དབུ་འཛིན་སྦེ་ གསར་བསྐོས་གནང་ནུག།ཁོ་གིས་ གོ་གནས་འདི་ […]

སྤྱི་ལོ་ ༢༠༢༢ ལོའི་ འབྲུག་གི་འབྲིང་རིམ་སློབ་གྲྭ་གོང་མ་དང་ འབྲིང་རིམ་སློབ་གྲྭ་འོག་མའི་ ཆོས་རྒྱུགས་ཀྱི་གྲུབ་འབྲས།

རྒྱལ་ཡོངས་ཚོགས་སྡེའི་ བཙག་འཐུའི་དོན་ལུ་ འདེམས་ངོ་ ༡༣༠ གིས་ཐོ་བཀོད།

ལྷག་པ་གྲུབ་བ།དུས་ཅི་ སྤྱི་ལོ་ ༢༠༢༣ ལུ་ རྒྱལ་ཡོངས་ཚོགས་སྡེའི་ བཙག་འཐུའི་ནང་ དོ་འགྲན་འབད་ནིའི་དོན་ལས་ ད་ཚུན་གྱི་བར་ན་ རྫོང་ཁག་ ༢༠ ལས་ འདེམས་ངོ་ ༡༣༠ ལྷགཔ་ཅིག་གིས་ ཐོ་བཀོད་འབད་ནུག།དེ་ཡང་ འབྲུག་གི་བཙག་འཐུ་ལྷན་ཚོགས་ཀྱིས་ རྒྱལ་ཡོངས་ཚོགས་སྡེའི་ བཙག་འཐུའི་དོན་ལུ་ ཚེ་གྲངས་གཏན་འཁེལ་ མ་བཟོ་ནི་དེ་གིས་ དང་འདོད་ཅན་གྱི་ འདེམས་ངོ་ཚུ་གིས་ ཐོ་བཀོད་འབད་བའི་བསྒང་ར་ཡོདཔ་ལས་ འདེམས་ངོའི་གྱངས་ཁ་དེ་ ཡར་སེང་འགྱོ་ནི་ཨིན་པས།རྒྱལ་ཁབ་ནང་ རྒེད་འོག་ ༢༠༥ ཡོད་ས་ལས་ ད་ཚུན་གྱི་ ནང་འཁོད་ལུ་ རྒེད་འོག་ ༩༦ ལས་ མོ་ ༨ དང་ ཕོ་ ༡༢༢ འབདཝ་ད་ འདེམས་ངོ་བསྡོམས་ ༡༣༠ དེཅིག་གིས་ ཐོ་བཀོད་འབད་ནུག།འདེམས་ངོ་ཚུ་ཡང་ གསར་སྤང་རྫོང་ཁག་ལས་ འདེམས་ངོ་ ༡༩ གིས་ ཐོ་བཀོད་འབད་མི་དེ་ མཐོ་ཤོས་ཅིག་ཨིནམ་ད་ མགར་ས་དང་ བུམ་ཐང་ བཀྲིས་གཡང་རྩེ་ ཧཱ་རྫོང་ཁག་ ༤ ལས་ […]

དབང་འདུས་ཕོ་བྲང་དང་ དར་དཀར་ནང་གི་ ཕྲང་ལམ་སྒོ་འབྱེད།

ལྷག་པ་གྲུབ་བ། སྤྱི་ཟླ་ ༡ པའི་ཚེས་ ༢༧ ལུ་ གཞི་རྟེན་མཁོ་ཆས་དང་ སྐྱེལ་འདྲེན་ལྷན་ཁག་གི་བློན་པོ་ རྡོ་རྗེ་ཚེ་རིང་གིས་ དར་དཀར་ནང་དང་ དབང་འདུས་བར་ནའི་ ཕྲང་ལམ་གསརཔ་དེ་ གཞུང་འབྲེལ་ཐོག་ལུ་ སྒོ་འབྱེད་མཛད་ནུག།ཧེ་མར་ རྫོང་ཁག་ ༢ ཀྱི་བར་ན་ སཱུན་ཀོཤ་བརྒྱུད་དེ་ འགྱོ་དགོ་ནི་དེ་གིས་ ཀི་ལོ་མི་ཊར་ ༡༦༨ ཡོད་རུང་ ཕྲང་ལམ་དེ་ལུ་བརྟེན་ཏེ་ ཀི་ལོ་མི་ཊར་ ༣༦ དེ་ཅིག་ མར་བབས་སོང་ཡོདཔ་ལས་ ལམ་འགྲུལཔ་ཚུ་ལུ་ ཁེ་ཕན་སྦོམ་སྦེ་ར་ འབྱུང་ཡོདཔ་མ་ཚད་ དུས་ཡུན་ཆུད་ཚོད་ ༦ མ་ལངམ་ཅིག་ འགོར་མི་དེ་ ད་རེས་ནངས་པར་ དུས་ཡུན་ཆུ་ཚོད་ ༢ དེ་ཅིག་ ཐུང་ཀུ་སོང་ཡོདཔ་ཨིན་པས།ཕྲང་ལམ་དེ་གི་ དབང་འདུས་ཕོ་བྲང་ དར་དཀར་རྒེད་འོག་ འོ་རྒྱལ་ནང་ གཡུས་ཚན་དང་ དར་དཀར་བརྩེ་ཟ་རྒེད་འོག་ ལབ་རྩྭ་དཀར་ཅུང་ གཡུས་ཚན་ཚུ་དང་ཡང་ མཐུད་འབྲེལ་འབད་ཡོདཔ་ལས་ རྒྱུན་འགྲུལ་འཐབ་མི་གིས་མ་ཚད་ དར་དཀར་རྒེད་འོག་གི་ མཐའ་ཟུར་གཡུས་ཚན་ཅིག་སྦེ་ ངོས་འཛིན་འབད་མི་ ཀ་མི་ནང་གི་ གཡུས་མི་ལུ་ཡང་ ཁེ་ཕན་བྱུང་ནུག།ཕྲང་ལམ་དེ་ཡང་ སྤྱི་ལོ་ […]

ཐིམ་ཕུ་ལུ་ འོང་འབབ་ཆུང་བ་ཚུ་གི་དོན་ལས་ རྒྱལ་ཡོངས་ཁྱིམ་བཟོ་གོང་འཕེལ་ལས་འཛིན་གྱིས་ སྡོད་ཁྱིམ༌རྐྱབ༌ནི།

ནོར་བུ་བཟང་མོ། དུས་ཅི་ལས་ ཐིམ་ཕུ་ལུ་ རྒྱལ་ཡོངས་ཁྱིམ་བཟོ་ གོང་འཕེལ་ལས་འཛིན་གྱིས་ བཟའ་ཚང་ ༡༠༠ ལྷགཔ་ཅིག་ཤོང་པའི་ སྒྲིང་ཁྱིམ་རྐྱབ་ནི་ཨིནམ་ལས་ ཁང་གླ་ཆུང་ཀུ་འབད་མི་ སྡོད་ཁྱིམ་ཚུ་ འཐོབ་ཚུགས་ནི་ཨིན་པས།དེ་ཡང་ ཐིམ་ཕུ་ལུ་ སྡོད་ཁྱིམ་མ་ལང་པའི་ དཀའ་ངལ་སེལ་ཐབས་ལུ་དང་ ཁང་གླ་མཐོ་བའི་ བྱ་སྟབས་མ་བདེཝ་ཚུ་ བསལ་ནི་གི་དོན་ལས་ཨིནམ་ད་ གཞི་རྟེན་མཁོ་ཆས་དང་ སྐྱེལ༌འདྲེན་ལྷན་ཁག་ལས་ བཤད་དོ་བཟུམ་འབད་བ་ཅིན་ ཐིམ་ཕུ་ལུ་ སྡོད་ཁྱིམ་ ༢,༠༠༠ དེ་ཅིག་ ལང་མ་ཚུགས་པར་ཡོད༌ཟེར་ཨིན་པས།སྤྱི་ལོ་ ༢༠༠༦ ལུ་ གཞུང་གིས་ ཐིམ་ཕུ་ལྕང་ཇི་ཇི་ལུ་ སྡོད་ཁྱིམ་ཚུ་ རྐྱབ་པའི་ཤུལ་ལས་ ཐིམ་ཕུ་ལུ་ མི་མང་གི་དོན་ལས་ སྡོད་ཁྱིམ་རྐྱབ་ནི་དེ་ བཀག་དམ་འབད་ཡོད་རུང་ སྡོད་ཁྱིམ་དགོ་མི་ མང་སུ་ཐོན་མི་དང་ ཅ་ཆས་ཀྱི་ གོང་ཚད་ཚུ་ ཡར་སེང་འགྱོ་ནི་དེ་གིས་ ཁང་གླ་ཚུ་ཡང་ ཡར་སེང་སོང་ནུག།དེ་འབདཝ་ལས་ སྤྱི་ལོ་ ༢༠༢༠ ལུ་ གཞུང་གིས་ རྒྱལ་ཡོངས་ཁྱིམ་བཟོའི་ སྲིད་བྱུས་འདི་ ཆ་འཇོག་ཐོག་ལས་ རྒྱལ་ཡོངས་ཁྱིམ་བཟོ་ གོང་འཕེལ་ལས་འཛིན་གྱིས་ ཐིམ་ཕུ་ལུ་ སྡོད་ཁྱིམ་རྐྱབ་ཆོག་པའི་ གནང་བ་གནང་ཡོདཔ་ཨིན་པས།ཐིམ་ཕུ་ལུ་ […]

གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ བླམ་དང་ དབུ་འཛིན་ དེ་ལས་ དྲུང་ཆེན་དང་ རྒྱ་གླིང་སློབ་དཔོན་ཚུ་ གསར་བསྐོས་ཐོག་ལུ་ བཀྲིས་ལེགས་དར།

ལྷག་པ་གྲུབ་བ།སྤྱི་ཟླ་ ༡ པའི་ཚེས་ ༢༤ ལུ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ དགོན་སྡེ་ཁག་གི་ བླམ་དང་ དབུ་འཛིན་ གཞུང་གྲྭ་ཚང་གི་དྲུང་ཆེན་ དེ་ལས་ རྒྱ་གླིང་སློབ་དཔོན་ཚུ་ གསར་བསྐོས་ཐོག་ལུ་ བཀྲིས་ལེགས་དར་ གནང་ཡོདཔ་ཨིན་པས།དེ་ཡང་ དབང་འདུས་རྫོང་ཁག་ དྭངས་ཆུ་ལས་ སྐྱེས་ལོ་ ༣༩ འབད་མི་ སློབ་དཔོན་འཇིགས་མེད་དེ་ གཞུང་གྲྭ་ཚང་གི་ ལམ་དཔོན་གསརཔ་སྦེ་ བསྐོ་བཞག་ཐོག་ལུ་ བཀྲིས་ལེགས་དར་གནང་ནུག།སློབ་དཔོན་འཇིགས་མེད་ཀྱིས་ ད་ལྟོའི་གོ་གནས་འདི་ མ་བཞེས་པའི་ཧེ་མ་ གཞུང་སྦུག་གྲལཔ་སྦེ་ བཞུགས་ཡོདཔ་ད་ ཁོ་གིས་ སྐྱེས་ལོ་ ༡༡ ལས་ དགེ་སློང་ནང་ འཛུལ་ཞུགས་འབད་བའི་ཤུལ་ལས་ ལོ་གསུམ་ཕྱོགས་གསུམ་ཚུ་ ཐིམ་ཕུ་སྤྱི་ཞི་དགོན་པ་ལུ་ བཅད་ཡོདཔ་ཨིན་པས།དབང་འདུས་རྫོང་ཁག་ ཉི་ཤོ་རྒེད་འོག་ལས་ སྐྱེས་ལོ་ ༤༥ འབད་མི་ སློབ་དཔོན་ཕུརཔ་རྡོ་རྗེ་དེ་ འཆི་མེད་ལྷ་ཁང་གི་ བླམ་གསརཔ་སྦེ་ བསྐོ་བཞག་ཐོག་ལུ་ བཀྲིས་ལེགས་དར་གནང་ནུག།བླམ་དེ་གིས་ ད་ལྟོའི་གོ་གནས་འདི་ མ་བཞེས་པའི་ཧེ་མ་ གཞུང་གྲྭ་ཚང་གི་ སྐུ་སྒེར་དྲུང་ཆེན་སྦེ་ ཕྱག་ཞུ་ཡོདཔ་ད་ ཁོ་གིས་ བདེ་ཆེན་ཕོ་བྲང་ […]

འབྲུག་ཀུན་མཉམ་ཚོགས་པ་དེ་ སྲིད་དོན་ཚོགས་པའི་ ཐོ་བཀོད་ནང་ལས་ཕྱིར་བཏོན།

སྤྱི་ཟླ་ ༡ པའི་ཚེས་ ༢༤ ལུ་ འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་ཀུན་མཉམ་ཚོགས་པ་དེ་ སྲིད་དོན་ཚོགས་པའི་ ཐོ་བཀོད་ནང་ལས་ ཕྱིར་བཏོན་འབད་ཡོད་པའི་ གསལ་བསྒྲགས་འབད་ཡི། དེ་ཡང་ སྤྱི་ཟླ་ ༡ པའི་ཚེས་ ༢༠ ལུ་ འབྲུག་ཀུན་མཉམ་ཚོགས་པ་གིས་ ཐོ་བཀོད་ནང་ལས་ ཕྱིར་བཏོན་འབད་དགོ་པའི་ ཞུ་ཡིག་ཕུལ་མི་དང་འཁྲིལ་ཏེ་ འབྲུག་གི་བཙག་འཐུ་ལྷན་ཚོགས་ཀྱིས་ ངོས་ལེན་ཐོག་ལུ་ ཕྱིར་བཏོན་འབད་ནུག། འབྲུག་ཀུན་མཉམ་ཚོགས་པ་དེ་ སྤྱི་ལོ་ ༢༠༡༣ ལུ་ སྲིད་དོན་ཚོགས་པ་ ༣ པ་སྦེ་ ཐོ་བཀོད་གྲུབ་ཡོདཔ་ད་ སྤྱི་ལོ་ ༢༠༡༨ ཀྱི་ བཙག་འཐུ་སྐབས་ལུ་ ཚོགས་རྒྱན་ཡོངས་བསྡོམས་ བརྒྱ་ཆ་ ༩.༧༨ ལས་ མ་ཐོབ་ཨིན་པས། འབྲུག་གི་མི་དམངས་བཙག་འཐུའི་ མ་དངུལ་གྱི་ བཅའ་ཁྲིམས་ ༢༠༠༨ ཅན་མ་དང་འཁྲིལཝ་ད་ ཤུལ་མའི་བཙག་འཐུའི་ནང་ གཞུང་ཞབས་ལས་ མ་དངུལ་གྱི་ རྒྱབ་སྐྱོར་འཐོབ་དགོ་པ་ཅིན་ ཚོགས་རྒྱན་ཉུང་ཤོས་ར་ བརྒྱ་ཆ་ ༡༠ ཐོབ་དགོཔ་ཨིན་པའི་གནས་ཚུལ།