བློན་ཆེན་དང་ བློན་པོ་ ༤ གིས་ བློན་པོའི་གོ་གནས་ལས་ དགོངས་ཞུ་འབད་ནི་གི་ ཡི་གུ་བཙུགས་ཡོདཔ།
ཡིག་ཚང་ལས་བྱེདཔ། རྒྱལ་གཞུང་ཞི་གཡོག་ལྷན་ཚོགས་ཀྱིས་ ཞི་གཡོག་ལེགས་སྒྱུར་གྱི་ བཅའ་ཁྲིམས་དང་འཁྲིལ་ཏེ་ གཞུང་གི་ལྷན་ཁག་ ༡༠ ལས་ ལྷན་ཁག་ ༩ ལུ་ མར་ཕབ་འབད་ཡོདཔ་ལས་ བློན་པོ་ ༡ བློན་པོའི་གོ་གནས་ལས་ དགོངས་ཞུ་འབད་དགོ་པའི་ གནད་ལུ་བརྟེན་ཏེ་ བློན་ཆེན་དང་ བློན་པོ་གཞན་ ༤ གིས་ ཁས་བླངས་ཐོག་ལས་ དགོངས་ཞུ་འབད་ནི་གི་ ཡི་གུ་བཙུགས་ནུག།དེ་ཡང་ སྤྱི་ཟླ་ ༡ པའི་ཚེས་ ༢༠ ལུ་ གནས་ཚུལ་ཞལ་འཛོམས་ཅིག་ འཚོགས་པའི་སྐབས་ལུ་ མི་རྗེ་བློན་ཆེན་མཆོག་གིས་ གསུངས་ཡོདཔ་ད་ དེ་སྦེ་ བློན་པོའི་གོ་གནས་ལས་ དགོངས་ཞུ་འབད་ནི་ལུ་ དང་འདོད་བསྐྱེད་མི་ཚུ་ཡང་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་དང་ ཕྱི་འབྲེལ་དང་ ཕྱིར་ཚོང་བློན་པོ་ ཌོག་ཊར་རྟ་མགྲིན་རྡོ་རྗེ་ ནང་སྲིད་བློན་པོ་ ཨོ་རྒྱན་རྡོ་རྗེ་ ནུས་ཤུགས་དང་ རང་བཞིན་འཐོན་སྐྱེད་བློན་པོ་ ཡེ་ཤེས་དཔལ་འབྱོར་ བརྒྱུད་འབྲེལ་བློན་པོ་ ཀརྨ་རྡོ་གནོན་དབང་འདུས་ཚུ་ཨིན་པས།མི་རྗེ་བློན་ཆེན་མཆོག་གིས་ གསུངས་དོ་བཟུམ་འབད་བ་ཅིན་ བློན་པོ་ཚུ་གི་གྲས་ལས་ ༡ བློན་པོའི་གོ་གནས་ལས་ དགོངས་ཞུ་འབད་དགོཔ་བཞིན་དུ་ བདུན་ཕྲག་ ༣ […]