རྒྱལ་ཁབ་ནང་ སྣུམ་འཁོར་འབྲེལ་འཐབ་མི་ཚུ་གིས་ སྔོ་ལྗང་གི་ཁྲལ་ འཐེབ་ལེན་ཡོད་མི་ཚུ་ ལོག་སྤྲོད་དགོ་པའི་བཀའ་རྒྱ།
འོང་འབབ་དང་ ཅ་དམ་ལས་ཁུངས་ཀྱིས་ བསྐྱར་ཞིབ་འབད་བའི་སྐབས་ལུ་ རྒྱལ་ཁབ་ནང་ སྣུམ་འཁོར་ཚོང་འབྲེལ་འཐབ་མི་ ༡༡ གིས་ སྣུམ་འཁོར་ཉོ་མི་ ༤,༣༤༥ ལས་ སྔོ་ལྗང་གི་ཁྲལ་ དངུལ་ཀྲམ་ས་ཡ་ ༣༠.༩ དེ་ཅིག་ འཐེབ་ལེན་ཡོདཔ་ལས་ འཕྲལ་མགྱོགས་ར་ ལོག་སྤྲོད་དགོ་པའི་ བཀའ་རྒྱ་གནང་ནུག།དེ་ཡང་ འབྲུག་ཚོང་འབྲེལ་ལས་འཛིན་དང་ སེངྒེ་ཚོང་སྡེ་ གཟིམ་སྒྲ་མོ་ཊརཛ་ གཟིམ་སྦིས་མོ་ཊརཛ་ བྷུ་ཊཱན་ཨི་སུ་ཛུ་ ཊི་སི་ཌི་མོ་ཊརཛ་ ཤིང་མཁར་ཨོ་ཊོ་ བྷུ་ཊཱན་ཧུན་ཌ་ཡེ་ ལེགས་སཱོལ་མོ་ཊརཛ་ བསམ་ལྡན་ཝེ་ཀཱལཛ་ ཕི་རི་ཌོམ་མོ་ཊརཛ་ ལས་སྡེ་ཚུ་ཨིན་པས།དེ་སྦེ་ ཁྲལ་འཐེབ་ལེན་མི་ཚུ་ ལོག་སྤྲོད་དགོ་མི་ཚུ་ཡང་ འབྲུག་ཚོང་འབྲེལ་ལས་འཛིན་གྱིས་ སྣུམ་འཁོར་ཉོ་མི་ ༨༥༧ ལུ་ དངུལ་ཀྲམ་ས་ཡ་ ༡༤.༣༣ དང་ སེངྒེ་ཚོང་སྡེ་གིས་ སྣུམ་འཁོར་ཉོ་མི་ ༡༨༥ ལུ་ དངུལ་ཀྲམ་ས་ཡ་ ༩.༦༡ ལོག་སྤྲོད་དགོ་ནི་ཨིན་པས།དེ་བཟུམ་སྦེ་ གཟིམ་སྒྲ་མོ་ཊརཛ་གིས་ སྣུམ་འཁོར་ཉོ་མི་ ༡,༡༢༠ ལུ་ དངུལ་ཀྲམ་ས་ཡ་ ༤.༩༩ དང་ གཟིམ་སྦིས་མོ་ཊརཛ་གིས་ སྣུམ་འཁོར་ཉོ་མི་ […]
