སྤྱི་ཟླ་ ༡ པའི་ཚེས་ ༡ ལུ་ གཞུང་གྲྭ་ཚང་གི་ ལས་ཚོགས་སློབ་དཔོན་མཆོག་གིས་ དབང་འདུས་ཕོ་བྲང་རྫོང་གི་ ཞབས་དྲུང་སྟོང་སྐུའི་ ལྷ་ཁང་ནང་སྦེ་ ན་གཞོན་ནང་ཆོས་སློབ་སྦྱོང་ལས་རིམ་ནང་ གྲལ་གཏོགས་འབད་མི་ སློབ་ཕྲུག་བུ་དང་ བུམོ་ ༣༦༠ ལྷགཔ་ཅིག་ལུ་ ཚེ་འདི་ཕྱི་གཉིས་ལུ་ཕན་པའི་ བཀའ་སློབ་དང་ ལམ་སྟོན་བཟང་པོ་གིས་མ་དོ་བར་ སྐྱབས་འགྲོ་སེམས་བསྐྱེད་ཀྱི་ སྡོམ་པ་དང་ ཁ་ཐུན་དགེ་སྦྱོར་གྱི་ ལྗགས་ལུང་ཚུ་ཡང་ གནང་ཡོདཔ་མ་ཚད་ ནང་ཆོས་ཉམས་ལེན་གྱི་ དཔེ་དེབ་རེ་ཡང་ གནང་ཡོདཔཨིན་པས།
མཁན་སློབ་ཚུ་གིས་ ན་གཞོན་ཚུ་ བ་འཇོ་བཤད་གྲྭ་དང་ རྭ་བྲག་གནས་ཁང་གི་ཉེ་འདབས་ བྱེ་མེད་ཐང་ཁ་ དེ་ལས་ ཕལ་ཏ་ཚུ་ནང་ ཉིན་གྲངས་ ༡༤ གི་རིང་ལུ་ ནང་ཆོས་དང་འབྲེལ་བའི་ སློབ་སྟོན་ཚུ་ གནང་དོ་ཡོདཔ་ཨིན་པའི་ གནས་ཚུལ་མདོར་བསྡུས།
