National News
འབྲུག་དང་ བང་ལ་དེཤ་གི་ ཕྱི་འབྲེལ་ཡིག་ཚང་གི་བར་ན་ གྲོས་སྟུན་ཐེངས་བཞི་པ།
ཕྱི་འབྲེལ་དང་ ཕྱིར་ཚོང་ལྷན་ཁག་ལས་ གསར་བཏོན་འབད་མི་ གནས་ཚུལ་དང་འཁྲིལཝ་ད་ འབྲུག་དང་ བང་ལ་དེཤ་གི་ ཕྱི་འབྲེལ་ཡིག་ཚང་གི་བར་ན་ གྲོས་སྟུན་ཐེངས་བཞི་པ་དེ་ སྤྱི་ཟླ་ ༨ པའི་ཚེས་ ༡༨ ལུ་ དྷ་ཀ་ལུ་སྦེ་ འགོ་འདྲེན་འཐབ་ཡོདཔ་ཨིན་པས། དེ་བསྒང་ འབྲུག་གི་ཕྱི་འབྲེལ་དྲུང་ཆེན་ པདྨ་ལེགས་གྲུབ་རྡོ་རྗེ་དང་ བང་ལ་དེཤ་གི་ ཕྱི་འབྲེལ་དྲུང་ཆེན་ ཨ་སཱད་ཨ་ལམ་སི་ཡམ་ ༢ ཀྱིས་ མཉམ་འབྲེལ་གྱི་ ཁྲི་འཛིན་འབད་ནུག། གྲོས་བསྟུན་ཞལ་འཛོམས་ནང་ལས་ ཟུང་ཕྱོགས་མཐུན་འབྲེལ་གྱི་ གནད་དོན་ཡོངས་རྫོགས་སྐོར་ལས་ ཕན་ཚུན་མཛའ་བཤེས་ཅན་གྱི་ གནས་སྟངས་ནང་ བསྐྱར་ཞིབ་ཚུ་འབད་ཡོདཔ་ད་ མཐའ་དོན་གཅིག་པའི་ གནད་དོན་ཚུ་དང་འབྲེལ་ཏེ་ ལུང་ཕྱོགས་དང་ རྒྱལ་སྤྱིའི་མཉམ་འབྲེལ་ཚུ་དང་འབྲེལ་ཏེ་ཡང་ བསམ་འཆར་ཚུ་ བརྗེ་སོར་འབད་ཡོདཔ་ཨིན་པས།
