BBC News: Japanese officials may further relax border controls for foreign travellers as a way to boost its economy, local reports say. Deputy Chief Cabinet Secretary Seiji Kihara told local TV a weak yen was “most effective in attracting inbound tourism”. The yen slid to its lowest point against the US dollar in 24 years […]
ཡིག་ཚང་ལས་བྱེདཔ།སྤྱི་ཟླ་ ༩ པའི་ཚེས་ ༩ ལུ་ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་ ༢ ཀྱིས་ བསམ་རྩེ་ལུ་ ཡུ་ནའེ་ཊེཌ་ ཀིང་ཌོམ་གི་ མི་དབང་རྒྱལ་མོ་ ཨེ་ལི་ཟ་བེཐ་ ༢ པ་ ཞིང་ཕེབས་མིའི་དོན་ལུ་ མར་མེ་སྟོང་མཆོད་ ཕུལ་གནང་ནུག།དེ་བསྒང་ དམིགས་བསལ་གྱི་ མར་མེ་སྨོན་ལམ་གནང་སར་ མི་རྗེ་བློན་ཆེན་དང་ གཞུང་གི་འགོ་དཔོན་ཚུ་ དེ་ལས་ བསམ་རྩེའི་མི་སེར་ སྟོང་ཕྲག་ལས་བཅད་མི་ཚུ་གིས་ གྲལ་གཏོགས་འབད་ཡོདཔ་ད་ དུས་སྐབས་རྩ་ཅན་དེ་ཁར་ བྱིན་གྱིས་བརླབས་ཐབས་ལུ་ གུ་རུ་རིན་པོ་ཆེ་དང་ ཞབས་དྲུང་རིན་པོ་ཆེའི་ མཐོང་གྲོལ་ཚུ་ཡང་ མཇལ་ཁ་གནང་ཡོདཔ་ཨིན་པས།ཐིམ་ཕུ་ལུ་ མི་དབང་འབྲུག་རྒྱལ་བཞི་པ་མཆོག་དང་ མི་དབང་སྐུ་འཁོར་ལྷན་རྒྱས་ཚུ་གིས་ བཀྲིས་ཆོས་རྫོང་གི་ ཀུན་རྭ་ཆེན་མོའི་ནང་ མར་མེ་སྟོང་མཆོད་དང་ སྨོན་ལམ་ཚུ་ གནང་ཡོདཔ་མ་ཚད་ གཞུང་གི་དཔོན་ཁག་ཚུ་དང་ འབྲུག་ལུ་ཡོད་མི་ ཕྱི་རྒྱལ་གྱི་ འགོ་དཔོན་ཚུ་གིས་ཡང་ གྲལ་གཏོགས་འབད་ནུག།མི་དབང་རྒྱལམོ་ ཞིང་ཕེབས་ལུ་ གུས་བཏུད་ཞུནིའི་དོན་ལས་ འབྲུག་གི་རྒྱལ་དར་དེ་ཡང་ ཕྱེད་ཀ་སྦེ་ འཕྱར་ཡོདཔ་ད་ མི་དབང་མཆོག་གི་ བཀའ་རྒྱ་ལྟར་དུ་ རྒྱལ་ཁབ་མཐའ་དབུས་ཀྱི་ རྫོང་གཞི་དང་ ལྷ་ཁང་དང་ […]
མི་དབང་མངའ་བདག་རིན་པོ་ཆེ་མཆོག་ ལྷོ་མཚམས་རྫོང་ཁག་ཚུ་ནང་ གཟིགས་སྐོར་ལུ་ ཆིབས་བསྐྱོད་གནང་ཡོདཔ་ད་ དེ་བསྒང་ མི་དབང་རྒྱལ་བཙུན་མཆོག་དང་ མི་དབང་རྒྱལ་སྲས་ འཇིགས་མེད་རྣམ་རྒྱལ་དབང་ཕྱུག་ མི་དབང་རྒྱལ་སྲས་ ཨྱོན་དབང་ཕྱུག་ཚུ་ཡང་ ཕྱག་ཞུ་སྟེ་ བྱོན་ཡོདཔ་བཞིན་དུ་ སྤྱི་ཟླ་ ༩ པའི་ཚེས་ ༧ ལུ་ ཕུན་ཚོགས་གླིང་ལུ་ ཕེབས་གནང་ནུག།དེ་ལས་ མི་དབང་མངའ་བདག་རིན་པོ་ཆེ་མཆོག་དང་ མི་དབང་སྐུ་འཁོར་ཚུ་ ཕུན་ཚོགས་གླིང་ལུ་ བྱོན་པའི་ལམ་ཁར་ དགེ་འདུ་ཚོང་རིག་ མཐོ་རིམ་སློབ་གྲྭའི་ནང་ གཟིགས་སྐོར་གནང་ཡོདཔ་མ་ཚད་ ཚན་རིག་དང་ འཕྲུལ་རིག་མཐོ་རིམ་སློབ་གྲྭའི་ནང་ཡང་ གཟིགས་སྐོར་གནང་ཡོདཔ་ཨིན་པས།མཐོ་རིམ་སློབ་གྲྭ་དེ་ཚུའི་ནང་ སློབ་ཚོགས་དང་ སློབ་ཕྲུག་ཚུ་དང་ མཇལ་ཕྲད་མཛད་གནང་པའི་སྐབས་ལུ་ མི་དབང་མངའ་ཞབས་མཆོག་གིས་ ང་བཅས་རའི་ མཐོ་རིམ་སློབ་གྲྭ་ཁག་གི་ མདུན་ལམ་དེ་ སློབ་ཕྲུག་ཚུ་ འཛམ་གླིང་ནང་ གྲ་སྒྲིགས་ཡོདཔ་ བཟོ་ནི་དང་ དེ་ཡང་ སློབ་ཕྲུག་ཚུ་ ལོངས་སྤྱོད་དང་ལྡནམ་ བཟོ་ཐབས་ལུ་ རྒྱལ་སྤྱིའི་ཚོང་ལམ་ནང་ དོ་འགྲན་འབད་ཚུགསཔ་ བཟོ་ནི་དེ་ཨིན་ཟེར་ གསུངས་གནང་ནུག།ང་བཅས་རའི་ སློབ་ཕྲུག་ཚུ་ ཁྱད་དུ་འཕགསཔ་ འགྱུར་ཚུགས་ནིའི་དོན་ལས་ གོ་སྐབས་དང་ གནས་སྟངས་ཚུ་ གསར་བཏོད་འབད་བའི་བསྒང་ཡོད་རུང་ གཙོ་བོ་ […]
རྡོ་རྗེ་དབང་ཕྱུག།རྒྱལ་པོའི་ཡིག་ཚང་གི་ འགོ་འདྲེན་ཐོག་ལུ་ འབྲུག་རྒྱལ་ཁབ་ནང་ གི་རེཌ་བི་རི་ཊིན་དང་ བྱང་ཕྱོགས་ཨར་ལེན་གྱི་ མི་དབང་རྒྱལམོ་ ཨེ་ལི་ཟ་བེཐ་ ༢ པ་གཤགས་མིའི་ མྱ་ངན་བརྩི་སྲུང་དང་འབྲེལ་ཏེ་ རྫོང་ཁག་རའི་ནང་ དཀར་མེ་སྟོང་མཆོད་ཕུལ་ཏེ་ སྨོན་ལམ་གནང་ཡོདཔ་མ་ཚད་ འབྲུག་གི་རྒྱལ་དར་ཡང་ ཕྱེད་ཀར་ཕབ་སྟེ འཕྱར་ཡོདཔ་ཨིན་པས།བཀྲིས་ཆོས་རྫོང་ནང་ དཀར་མེ་སྟོང་མཆོད་ཕུལ་བའི་ ལས་རིམ་ནང་ མི་དབང་འབྲུག་རྒྱལ་བཞི་པ་མཆོག་གིས་ དབུ་གཙོས་པའི་ མི་དབང་སྐུ་འཁོར་ལྷན་རྒྱས་དང་ བློན་པོ་ལྷན་རྒྱས་་ གཞུང་གི་ཆེ་མཐོའི་འགོ་དཔོན་ཚུ་ དེ་ལས་ ཐིམ་ཕུ་ལུ་ཡོད་མི༌ འཛམ་གླིང་སྤྱི་ཚོགས་ཀྱི་ འཐུས་མི་ཚུ་གིས་ བཅའ་མར་གཏོགས་ནུག།དེ་ལས་ སེམས་རྟོགས་ཁ་དང་ ལྕང་སྒང་ཁའི་ལྷ་ཁང་ནང་ དཀར་མེ་སྟོང་མཆོད་ཕུལ༌བའི༌ ལས་རིམ་ནང༌ཡང་ བློན་པོ་ལྷན་རྒྱས༌དང་ གཞུང་གི་ཆེ་མཐོའི༌འགོ་དཔོན་ཚུ་གིས་ བོཅའ་མར་གཏོགས་ཡོདཔ་ཨིན་པས།མི་དབང་རྒྱལམོ༌ ཨེ་ལི་ཟ་བེཐ་མཆོག་ དགུང་ལོ་ ༩༦ ལུ་ སི་ཀོཊ་ལེན་གྱི་ བཱལ་མོ་རཱལ་གྱི་ བཙན་རྫོང་ནང་ལུ་སྦེ་ སྤྱི་ཟླ་ ༩ པའི་སྤྱི་ཚེས་ ༨ ལུ་ མི་ལོ་ ༧༠ རྒྱལ་ཁབ་སྐྱོང་བའི་ཤུལ་ལས་ གཤགས་ཡོད་པའི་གནས་ཚུལ།
རྡོ་རྗེ་དབང་ཕྱུག།སྤྱི་ཟླ་ ༩ པའི་སྤྱི་ཚེས་ ༦ ལུ་ ངང་ལམ་དང་ བདེ་བ་ཐང་གི་བར་ན་ འཁོར་ལམ་ཀི་ལོ་མི་ཊར་ ༦༨ འབད་མི་ བསལ་ནིའི་དོན་ལས་ ཌན་ཊག་ལས་འགུལ་གྱི་ འགོ་འདྲེན་ཐོག་ལུ་ ངང་ལམ་ལུ་སྦེ་ འགོ་འབྱེད་རྟེན་འབྲོལ་ བརྩི་སྲུང་འབད་ནུག།དེ་སྦེ་ འབྲུག་གི་ཤར་ཕྱོགས་ཁ་ཐུག་ལུ་ ག་ནི་བ་ གནད་གལ་ཆེ་བའི་ ལས་འགུལ་འདི་ནང་ འཁོར་ལམ་ཀི་ལོ་མི་ཊར་ ༢༤ དེ་ཅིག་གི་ལཱ་དེ་ འཕྲལ་མགྱོགས་ར་ འགོ་བཙུགས་ནིའི་དོན་ལུ་ སྔོ་ལྗང་དང་ལྡན་པའི་ ས་གཞི་ཚུ་ནང་ འཕྲང་ལམ་གྱི་དོན་ལུ་ འཕྲུལ་ཆས་བསྐྱལ་ནི་ཚུ་ཡང་ འགོ་བཙུགས་ཡོདཔ་ཨིན་པས།དེ་བསྒང་ སྐུ་མགྲོན་གཙོ་བོ་སྦེ་ ལས་གཡོག་བློན་པོ་ ཀརྨ་རྡོ་རྗེ་དང་ ཌན་ཊག་ལས་འགུལ་གྱི་ བཟོ་རིག་གཙོ་འཛིན་འགོ་དཔོན་ མདོ་འཛིན་ཇཱཛ་ཝིན་ཌར་ སིང་གིས་གཙོས་པའི་ ལས་གཡོག་ལྷན་ཁག་ནང་ལས་ འགོ་དཔོན་ ༣༠ དེ་ཅིག་གིས་ གྲལ་གཏོགས་འབད་ཡོདཔ་ད་ བླམ་གནས་བརྟན་མཆོག་གིས་ བཞུགས་གྲལ་ཕུན་སུམ་ཚོགས་པའི་སྒོ་ལས་ ས་བླངས་རྟེན་འབྲེལ་མཛད་ནུག།འགོ་འབྱེད་རྟེན་འབྲེལ་དེ་ ཌན་ཊག་ལས་འགུལ་གྱི་ བཟོ་རིག་གཙོ་འཛིན་འགོ་དཔོན་གྱིས་ བཀྲིན་ལེགས་སོའི་ གསལ་བཤད་དང་བཅསཔ་སྦེ་ མཇུག་བསྡུ་ཡོད་པའི་གནས་ཚུལ།
རྡོ་རྗེ་དབང་ཕྱུག།རྒྱ་པཱན་གཞུང་གིས་ བློན་པོ་དར་མགོ་ཚེ་རིང་ལུ་ རའི་ཛིང་སཱན་གཱོལ་ ཨེན་ སིལ་ཝར་སི་ཊར་ཟེར་མི་ གཟེངས་བསྟོད་རྟགས་མ་ གནང་ཡོད་མི་དེ་ སྤྱི་ཟླ་ ༩ པའི་ཚེས་ ༦ ལུ་ ཐིམ་ཕུར་སྦེ་ འབྲུག་ལུ་ རྒྱ་པཱན་གཞུང་ཚབ་ ས་ཏོ་ཤི་ སུ་ཟུ་ཀི་གིས་ འབྲུག་གཞུང་གི་ ཆེ་མཐོའི་འགོ་དཔོན་ཚུ་ འཛོམས་ཐོག་ལུ་སྦེ་ རྩིས་སྤྲོད་འབད་ནུག།དེ་ཡང་ བློན་པོ་དར་མགོ་ཚེ་རིང་མཆོག༌ རྒྱ་པཱན་ལུ་ འབྲུག་གི་གཞུང་ཚབ་སྦེ་ ཕྱག་ཞུ་བའི་སྐབས་ལུ་ འབྲུག་དང་ རྒྱ་པཱན་གྱི་བར་ན་ མཐུན་ལམ་དམ་ཟབ་སྦེ་ གཞི༌བཙུགས༌འབད་བའི༌ བཀྲིན་དགའ༌ཚོར༌ རྗེས་སུ་དྲན༌ནིའི༌དོན༌ལས་ སྤྱི་ལོ་ ༢༠༢༡ སྤྱི་ཟླ་ ༤ པའི་ནང་ གནང་ནི་སྦེ་ཨིན༌རུང༌ ནད་ཡམས་ཀོ་ཝིཌ་-༡༩ ལུ་བརྟེན་ཏེ་ ལུས༌ཡོདཔ༌ད་ རྒྱ་པཱན་གཞུང་གིས་ འབྲུག་མི་ལུ་ དེ༌བཟུམ༌མའི་ གཟེངས་བསྟོད་རྟགས་མ་ གནང་མི་དེ་ འགོ་དང་པ་ཨིན་པས།རྟགས་མ་དེ་ རྒྱ་པཱན་གྱི་ རྒྱལ་ཆེན་མཆོག་གིས་ རྒྱ་པཱན་གྱི་ ནང་མི་དང་ རྒྱལ་ཁབ་གཞན་གྱི་མི་ གཟེངས་ཐོན་བྱུང་མི་དང་ ལཱ་མཆོག༌ཏུ༌འགྱུར༌པ༌འབད༌མི༌ཚུ༌ལུ༌ གནང་སྲོལ་ཡོདཔ་ཨིན༌པས།བློན་པོ་དར་མགོ་ཚེ་རིང་འདི་ རྒྱ་པཱན་ལུ་ […]
ཨེ་བི་སི།སྤྱི་ཟླ་ ༩ པའི་ཚེས་ ༡༠ ལུ་ ར་ཤི་ཡའི་ སྲུང་སྐྱོབ་བློན་པོ་གིས་ ཡུ་ཀེ་རེན་གྱི་ ཤར་ཕྱོགས་མངའ་སྡེ་ ཁར་ཀིབ་ཟེར་ས་ལས་ ར་ཤི་ཡའི་ དམག་མི་ཚུ་ ཕྱིར་གཏོན་འབད་ནི་ཨིན་པའི་ གསལ་བསྒྲགས་འབད་ནུག།དེ་ཡང་ ཡུ་ཀེ་རེན་གྱི་ ལྷོ་ཁ་ཐུག་ལུ་ཡོད་མི་ ཁྲོམ་སྡེ་སྦོམ་ཤོས་ ༢ པ་ ཁར་ཀིབ་དེ་ ར་ཤི་ཡ་གིས་ བཙན་དབང་འབད་དེ་ ཟླཝ་ ༧ མ་ལངམ་ཅིག་ཁར་ ཡུ་ཀེན་གྱི་ དམག་མི་ཚུ་གིས་ ལོག་ལེན་ནི་ལུ་ མཐར་འཁྱོལ་བྱུང་ནི་དེ་གིས་ཨིན་པས།དེ་མ་ཚད་ ཡུ་ཀེ་རེན་གྱི་ ཌོ་ནེཊཛ་མངའ་སྡེའི་ བ་ལ་ལི་ཡ་དང་ ཨིཛ་ཡུམ་ས་གནས་ནང་ ར་ཤི་ཡའི་ དམག་མི་ཚུ་ ལོག་སྟེ་ར་ སྡེ་ཚན་བཟོ་ཐབས་ལུ་ཨིན་པས་ཟེར་ བཀོད་འདུག་པའི་གནས་ཚུལ།
ཨཱལ་ཇ་ཟི་ར།སྤྱི་ཟླ་ ༩ པའི་སྤྱི་ཚེས་ ༩ ལུ་ ཨཱཛ་ཊེ་ལི་ཡར་ཡོད་མི་ སྐྱབས་བཅོལ་བ་ཚུ་གིས་ ཟླ་ངོ་ ༣ ལས་ མ་འགྱོ་མི་ གཞུང་གསར་པའི་བློན་ཆེན་ ཨེན་ཐོ་ནི་ ཨཱལ་བ་ནེཛ་ལུ་ གཏན་འཇགས་ཀྱི་ སྐྱོད་ཐམ་བྱིན་དགོ་པའི་ ཨུ་ཚུགས་སྐྱེད་ཡོདཔ་ཨིན་པས།དེ་ཡང་ བློན་ཆེན་གྱིས་ ཟླ་ངོ་ ༣ གྱི་ཧེ་མར་ ཁྱེད་ཆ་ཁྱབ་ དཔེ་ཆ་ལྷབ་ཞིནམ་ལས་ ལཱ་འབད་དེ་ མི་ཚེ་སྐྱིད་ཏོང་ཏོ་སྦེ་ སྐྱོང་ཐབས་ལུ་ གཏན་འཇགས་ཀྱི་ སྐྱོད་ཐམ་བྱིན་ནི་ཟེར་ ཁས་བླངས་འབད་མི་དེ་ སྒྲུབ་དགོཔ་སྦེ་ཨིན་པས།དེ་བསྒང་ སྐྱབས་བཅོལ་བ་ ༡,༠༠༠ ལྷགཔ་ཅིག་དང་ རྩོད་ཚབ་པ་ དེ་ལས་ སྲིད་བྱུས་དང་ མི་སྡེའི་འགྱུར་བ་ལུ་ བརྩོན་ཤུགས་སྐྱེད་མི་ཚུ་ ཚོགས་ཁང་གི་གདོང་ཁར་ སྤུངས་འཛོམས་འབད་དེ་ ཨུ་ཚུགས་རྐྱབ་ནུག་ཟེར་ བཀོད་འདུག་པའི་གནས་ཚུལ།
ཨེ་བི་སི།སྤྱི་ཟླ་ ༩པའི་ཚེས་ ༡༠ ལུ་ ཡུ་ཨེཛ་གིས་ ཤྲཱི་ལངྐ་ལུ་ ལུད་དང་ གཞན་ཡང་ སོ་ནམ་ལུ་ དགོས་མཁོ་ཆེ་བའི་རིགས་ ཉོ་ནིའི་དོན་ལས་ ཌོ་ལར་ས་ཡ་ ༤༠ གྲོགས་རམ་སྦེ་ བྱིན་ནི་ཨིན་པའི་སྐོར་ལས་ གསལ་བསྒྲགས་འབད་ནུག།དེ་ཡང་ ཤྲཱི་ལངྐ་ལུ་ དཔལ་འབྱོར་གྱི་ གནས་སྟངས་སྐྱོ་དྲགས་ཐལ་ཏེ་ བཟའ་འཐུང་དང་ ས་སྣུམ་ སྨན་ལ་སོགས་པ་ ཉོ་འདྲེན་འབད་ནིའི་དོན་ལུ་ ཕྱི་དངུལ་མེད་པའི་ དཀའ་ངལ་ཐོན་ནི་དེ་གིས་ཨིན་པས།དེ་འབདཝ་ལས་ རྒྱལ་ཁབ་དེ་ནང་ དབང་འཛིན་ཚུ་གིས་ ནང་འདྲེན་འབད་ནི་ བཀག་དམ་འབད་བ་ལུ་བརྟེན་ཏེ་ ནམ་དུས་ ༢ ཀྱི་རིང་ལུ་ སོ་ནམ་གྱི་ ལཱ་འབད་མ་ཚུགས་པར་ ལུས་སོང་ནུག་ཟེར་ བཀོད་འདུག་པའི་གནས་ཚུལ།
ཨཱལ་ཇ་ཟི་ར།རྒྱ་གར་དང་ རྒྱ་ནག་གི་ ས་མཚམས་སྲུང་སྐྱོབ་འབད་མི་ དམག་སྡེ་ ༢ ཉེན་སྲུང་ལྟ་རྟོག་འབད་ས་ གོག་ར་ཚ་ཆུ་འི་ ས་གོ་ནང་ལས་ འཐོན་འགྱོ་ནི་ འགོ་བཙུགས་ནུག།དེ་ཡང་ སྤྱི་ལོ་ ༢༠༢༠ སྤྱི་ཟླ་ ༤ པ་ལས་ འགོ་བཙུགས་ཏེ་ རྒྱལ་ཁབ་ ༢ ཀྱི་ ས་སྲུང་དམག་མི་ཚུ་ གདོང་ཐུག་འབད་ཆོག་ཆོག་གི་ གནས་སྟངས་འཚུབ་དྲགས་ཅིག་ནང སྡོད་ཡོདཔ་ཨིན་པས།དེ་སྦེ་ འཐོན་འགྱོ་མི་དེ་ སྤྱི་ལོ་ ༢༠༢༢ སྤྱི་ཟླ་ ༩ པའི་ཚེས་ ༨ ལུ་ རྒྱ་གར་དང་ རྒྱ་ནག་གི་བར་ན་ དམག་སྡེའི་འགོ་དཔོན་གྱི་ གནས་ཚད་ཁར་ ཞལ་འཛོམས་ཐེངས་ ༡༦ པའི་ནང་ ཁ་འཆམ་བྱུང་མི་དང་འཁྲིལ་ཏེ་ཨིན་པས།དེ་འབདཝ་ལས་ རྒྱ་གར་དང་ རྒྱ་ནག་གི་ དམག་སྡེ་གཉིས་ཆ་ར་ གོག་ར་ཚ་ཆུ་འི་ ས་གོ་ནང་ལས་ འོས་མཐུན་ཐོག་ འཐོན་འགྱོ་ནི་ འགོ་བཙུགས་པ་ལུ་མརྟེན་ཏེ་ རྒྱ་དཀར་ནག་ ༢ ཀྱི་ ས་མཚམས་ཁར་ ཞི་བདེ་དང་ བག་ཕེབས་ཏོག་ཏོ་ འབྱུང་ནི་ཨིན་པས་ཟེར་ བཀོད་འདུག་པའི་གནས་ཚུལ།
བི་བི་སི།འཛམ་གླིང་ནང་ འགྱུར་བ་སྦོམ་སྦེ་ འབག་འོང་ཚུགས་པའི་ ནུས་པ་ཅན་གྱི་ ཚད་ནད་ཀྱི་ སྨན་ཁབ་དེ་ ཨོགཛ་ཕོརཊ་ གཙུག་ལག་སློབ་སྡེའི་ མཚན་རིག་མཁས་པ་ཚུ་གིས་ བཟོ་ཡོདཔ་ཨིན་པས།མཚན་རིག་སྡེ་ཚན་གྱིས་ བཤད་དོ་བཟུམ་འབད་བ་ཅིན་ ཁོང་གིས་བཟོ་མི་ སྨན་ཁབ་དེ་གིས་ མོ་བཏབ་སྐབས་ལུ་ ཚད་ནད་འདྲོག་སི་སི་ལས་ བརྒྱ་ཆ་ ༨༠ ཕན་ནུས་ཡོད་པའི་ གྲུབ་འབྲས་ཐོན་ཡོདཔ་ལས་ ལོ་ཤུལ་མའི་ནང་ བཀྲམ་སྤེལ་འབད་ཚུགས་པའི་ རེ་བ་ཡོད་ཟེར་ཨིན་པས།གནད་འགག་ཅན་གྱི་ སྨན་ཁབ་དེ་ ཁེ་ཏོག་ཏོ་སྦེ་ བཀྲམ་སྤེལ་འབད་ཚུགས་པའི་ཁར་ ལོ་བསྟར་བཞིན་དུ་ སྨན་ཁབ་ས་ཡ་ ༡༠༠ ལྷགཔ་རེ་ བཟོ་བསྐྲུན་འབད་ཚུགས་ ཟེར་ཨིན་པས།ཚད་ནད་བཀག་ཐབས་ཀྱི་ གྲོགས་རམ་ཚོགས་པ་གིས་ ལས་འགུལ་དེ་ལུ་བརྟེན་ཏེ་ ཨ་ལོ་ཚད་ནད་ཀྱིས་སྦེ་ ཤི་རྐྱེད་བྱུང་མི་ཚུ་ གཏང་ཚུགས་པའི་ རེ་བ་ཡོད་ལུགས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
