ར་ཤི་ཡ་དང་ རྒྱ་ནག་གིས་ བྱང་ཀོ་རི་ཡའི་ དམག་གི་འགྲེམ་སྟོན་ནང་གྲལ་གཏོགས།
རོའི་ཊརཛ། སྤྱི་ཟླ་ ༧ པའི་ཚེས་ ༢༨ ལུ་ བྱང་ཀོ་རི་ཡའི་ དམག་གི་འགྲེམ་སྟོན་ བསྐྱར་ཞིབ་འབདཝ་ད་ རྒྱ་ནག་དང་ ར་ཤི་ཡའི་ འགོ་དཔོན་ཚུ་ བྱང་ཀོ་ཡའི་སྲིད་འཛིན་ ཀིམ་ཇོང་ཨཱན་དང་གཅིག་ཁར་ གྲལ་གཏོགས་འབད་ནུག།དེ་ཡང་ བྱང་ཀོ་རི་ཡའི་རྒྱལ་ས་ པི་ཡོང་ཡང་ལུ་ ཀོ་རི་ཡའི་ ཕྱད་མདའ་མཇུག་བསྡུ་སྟེ་ མི་ལོ་ ༧༠ འཁོར་བའི་ དུས་སྟོན་དེ་ དམག་གི་འགྲེམ་སྟོན་ཐོག་ལས་ བརྩི་སྲུང་འབད་ཡོདཔ་ཨིན་པས།སྤྱི་ལོ་ ༡༩༩༡ ལུ་ སོ་བིཏ་ཡུ་ནི་ཡཱན་དེ་ རྒྱལ་ཁབ་སོ་སོར་ ཁ་གྱེས་པའི་ཤུལ་ལུ་ མོཛ་ཀོཝ་ལས་ སྲུང་སྐྱོབ་འགོ་དཔོན་ མཐོ་ཤོས་ཨིན་མི་ ར་ཤི་ཡའི་ སྲུང་སྐྱོབ་བློན་པོ་ སེར་གེ་ཤོའི་གུ་གིས་ བྱང་ཀོ་རི་ཡ་ལུ་ བལྟ་སྐོར་འབད་ཡོདཔ་ད་ དེ་བཟུམ་སྦེ་ རྒྱ་ནག་གི་ ཁ་ཐུག་ལས་ཡང་ ཀོ་ཝིཌ་-༡༩ ཐོན་ཞིནམ་ལས་ཚུར་ བལྟ་སྐོར་འབད་མི་ ཐེངས་དང་པ་ཨིན་པས།ད་རེས་ རྒྱ་ནག་དང་ ར་ཤི་ཡའི་ འགོ་དཔོན་ཚུ་ བྱང་ཀོ་རི་ཡའི་ དུས་སྟོན་ནང་ ལྷོད་མི་དེ་ ཧེ་མ་ འཛམ་གླིང་སྤྱི་ཚོགས་ སྲུང་སྐྱོབ་ལྷན་ཚོགས་ཀྱིས་ བྱང་ཀོ་རི་ཡའི་ […]