World News
མ་ལེ་ཤི་ཡ་ལུ་ སུལ་ཏཱན་ཨི་བར་ཧིམ་དེ་ ཤུལ་མའི་རྒྱལཔོ་སྦེ་བཙག་འཐུ།
རོའི་ཊརཛ།མ་ལེ་ཤི་ཡའི་ སྐུ་འཁོར་ཚུ་གིས་ ལྷོ་ཕྱོགས་ཀྱི་ས་གནས་ ཇོ་ཧོར་ཟེར་ས་ལས་ཨིན་མི་ དབང་ཤུགས་དང་ ཡོངས་གྲགས་ཅན་གྱི་མི་ངོམ་ སུལ་ཏཱན་ཨི་བར་ཧིམ་ སུལ་ཏཱན་ཨིཛ་ཀཱན་དར་དེ་ ཤུལ་མའི་རྒྱལཔོ་སྦེ་ བཙག་འཐུ་གྲུབ་ཡོདཔ་ཨིན་པས།དེ་ཡང་ སྤྱི་ཟླ་ ༡༠ པའི་ཚེས་ ༢༧ ལུ་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ སུལ་ཏཱན་ཨི་བར་ཧིམ་གྱིས་ སྤྱི་ལོ་ ༢༠༢༤ སྤྱི་ཟླ་ ༡ པའི་ཚེས་ ༣༡ ལུ་ ད་རེས་ཀྱི་རྒྱལཔོ་ ཨཱལ་སུལ་ཏཱན་ ཨབ་དུ་ལ་ལས་ རྒྱལ་པོའི་ཕྱག་འགན་ཚུ་ རྩིས་བཞེས་ནི་ཨིན་པས་ཟེར་བཀོད་ནུག།མ་ལེ་ཤི་ཡའི་ རྩ་ཁྲིམས་ཆེན་མོ་དང་འཁྲིལ་བ་ཅིན་ རྒྱལཔོ་མཆོག་ལུ་ གྲོས་ཐག་བཅད་ནི་གི་ དབང་ཚད་ཉུང་སུ་ཅིག་ལས་མེདཔ་ལས་ རྒྱལ་ཁབ་ཀྱི་ ཕྱག་ལཱ་གནང་དགོཔ་ཚུ་ བློན་ཆེན་དང་ ལྷན་རྒྱས་གཞུང་ཚོགས་ཀྱི་ བསླབ་བྱ་ཚུ་དང་ བསྟུན་དགོཔ་ཨིན་པས་ཟེར་ བཀོད་འདུག་པའི་གནས་ཚུལ།