ར་ཤི་ཡའི་ སྲིད་འཛིན་གྱིས་ རྒྱལ་སྤྱིའི་རྡུལ་ཕྲན་ནུས་ཤུགས་ བརྟག་དཔྱད་བཀག་དམ་ཆིངས་ཡིག་ ཆ་མེད་ཀྱི་དོན་ལུ་ དཔྱད་ཡིག་གུ་མཚན་རྟགས།
ཨེ་བི་སི། སྤྱི་ཟླ་ ༡༡ པའི་ཚེས་ ༢ ལུ་ ར་ཤི་ཡའི་སྲིད་འཛིན་ ཝེལ་ཌི་མིར་ པུ་ཊིན་གྱིས་ རྒྱལ་སྤྱིའི་རྡུལ་ཕྲན་ནུས་ཤུགས་ བརྟག་དཔྱད་བཀག་དམ་ཆིངས་ཡིག་ ཆ་སྦྱོར་ཆ་མེད་གཏང་ནིའི་དོན་ལས་ དཔྱད་ཡིག་ཅིག་གུ་ མཚན་རྟགས་བཀོད་ཡོདཔ་ད་ དེ་ཡང་ ཡུ་ཨེཛ་དང་གཅིག་ཁར་ དོ་འགྲན་མཉམ་པའི་ གནས་སྟངས་བཟོ་ནི་ལུ་ དགོས་མཁོ་ཡོད་ནི་དེ་གིས་ཨིན་པས།པུ་ཊིན་གྱིས་ རྡུལ་ཕྲན་ནུས་ཤུགས་ཀྱི་ བཀག་དམ་ཆིངས་ཡིག་ ཆ་མེད་གཏང་དགོ་མི་དེ་ ཡུ་ཨེཛ་གི་ཁ་ཐུག་ལས་ ཆིངས་ཡིག་གུ་ མཚན་རྟགས་བཀོད་དེ་འབད་རུང་ ཆ་སྦྱོར་མ་འབད་བར་ཡོད་ནི་དེ་གིསཨིན་ཟེར་ བཤད་ཡོདཔ་ཨིན་པས།འདས་པའི་ཟླཝ་ནང་ ར་ཤི་ཡའི་ སྤྱི་ཚོགས་ཀྱི་ ཚོགས་ཁང་གོང་འོག་གཉིས་ཆ་ར་གིས་ ཆིངས་ཡིག་དེ་ ཆ་སྦྱོར་ཆ་མེད་བཏང་དགོཔ་སྦེ་ ཚོགས་རྒྱན་བསྐྱུར་ནུག།སྤྱི་ལོ་ ༡༩༩༦ ལོ་ལུ་ ཆ་འཇོག་འབད་མི་ རྡུལ་ཕྲན་ནུས་ཤུགས་ཀྱི་ བཀག་དམ་ཆིངས་ཡིག་དེ་གིས་ འཛམ་གླིང་ག་ཏེ་ཨིན་རུང་ རྡུལ་ཕྲན་ནུས་ཤུགས་ གས་བཅུག་ནི་དེ་ བཀག་དམ་འབདཝ་ཨིན་རུང་ ཆིངས་ཡིག་དེ་ ཡོངས་རྫོགས་སྦེ་ ལག་ལེན་མ་འཐབ་པར་ཡོདཔ་ཨིན་པས།ཆིངས་ཡིག་དེ་ རྒྱ་ནག་དང་ རྒྱ་གར་ པ་ཀིཛ་ཏཱན་ བྱང་ཀོ་རི་ཡ་ ཨིཛ་རེལ་ དེ་ལས་ ཨི་ཇིབ་རྒྱལ་ཁབ་ཚུ་གིས་ཡང་ ཆ་སྦྱོར་མ་འབད་བར་ཡོདཔ་ཨིན་པས།ད་རེས་ ནུབ་ཕྱོགས་རྒྱལ་ཁབ་ཚུ་གིས་ ཡུ་ཀེ་རེན་ལུ་ […]