World News
ཕིན་ལེན་གྱིས་ ར་ཤི་ཡ་དང་གཅིག་ཁར་ ས་མཚམས་སྒོ་ར་ ༤ སྒོ་བསྡམས་ཡོདཔ།
བི་བི་སི། སྤྱི་ཟླ་ ༡༡ པའི་ཚེས་ ༡༨ ལུ་ ཕིན་ལེན་གྱིས་འབད་བ་ཅིན་ ཁོང་གི་ས་མཚམས་སྒོ་ར་ཚུ་ནང་ སི་རི་ཡ་དང་ ཡེ་མེན་ ཨི་རག་ཚུ་ལས་ སྐྱབས་བཅོལ་བ་ལྷོད་མི་ཚུ་ ར་ཤི་ཡ་གིས་ རྒྱུད་བསྐུལ་འབད་མི་དང་འཁྲིལ་ཏེ་ཨིནམ་སྦེ་ ཁ་ཉེས་བཀལཝ་ལས་ ཕིན་ལེན་གྱིས་ ར་ཤི་ཡ་དང་གཅིག་ཁར་ མཐུད་སྦྲེལ་ཡོད་མི་ ས་མཚམས་སྒོ་ར་ ༤ སྒོ་བསྡམས་ཡོདཔ་ཨིན་པས།དེ་ཡང་ ཕིན་ལེན་གྱིས་ བྱང་ཨེཊ་ལེན་ཊིག་ ཆིངས་ཡིག་ཚོགས་པའི་ནང་ འཐུས་མི་སྦེ་ འཛུལ་ཞུགས་འབད་ཡོགཔ་ལས་ ར་ཤི་ཡ་དེ་ ངལ་མ་རངས་པར་ ཁ་ཉེས་བཀལཝ་ཨིན་པས་ཟེར་བཀོད་ནུག།ར་ཤི་ཡ་གིས་ བཤད་དོ་བཟུམ་འབད་བ་ཅིན་ ཕིན་ལེན་གྱིས་ ས་མཚམས་སྒོ་ར་ཚུ་ སྒོ་བསྡམས་ནི་དེ་ འཛོལ་བ་སྦོམ་ཅིག་ཨིནམ་ལས་ ཟུང་ཕྱོགས་མཐུན་འབྲེལ་ མེདཔ་གཏང་ནི་གི་ གཞི་ཅིག་ལུ་ འགྱུར་ཡོདཔ་སྦེ་ཨིན་པས།.བདུན་ཕྲག་འདི་ནང་ར་ ཕིན་ལེན་ལུ་ སྐྱབས་བཅོལ་བ་ མི་གྲངས་ ༣༠༠ དེ་ཅིག་ ལྷོད་ནུག་ཟེར་ བཀོད་འདུག་པའི་གནས་ཚུལ།