འབྲུག་ལུ་ རྒྱ་གར་གཞུང་གི་ བློན་པོ་ཅིག་ གཟིགས་སྐོར་ལུ་བྱོན་ཡོདཔ།

མི་རྗེ་བློན་ཆེན་ དྲག་ཤོས་ཚེ་རིང་སྟོབས་རྒྱས་ཀྱིས་ མགྲོན་བརྡ་གནངམ་བཞིན་དུ་ རྒྱ་གར་གཞུང་གི་ སྤྱི་ཚོགས་ལས་དོན་དང་ མི་རིགས་གྲངས་ཉུང་ལས་དོན་བློན་པོ་ ཤྲཱི་ཀི་རེན་རི་ཇི་ཇུ་གིས་ སྤྱི་ཟླ་ ༡༡ པའི་ཚེས་ ༡ ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་ལུ་ བྱང་ཆུབ་མཆོད་རྟེན་ ༡༠༨ གསར་བཞེངས་ཀྱི་དུ ས་སྟོན་ནང་ གྲལ་གཏོགས་མཛད་ནི་ཨིན་པས།
དེ་མ་ཚད་ བློན་པོ་ཀི་རེན་རི་ཇི་ཇུ་གིས་ མི་དབང་མངའ་བདག་རིན་པོ་ཆེ་ དཔལ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ དགོངས་བཞེད་འགྲུབ་ཐབས་ལུ་ རྒྱ་གར་གྱི་བློན་ཆེན་ ན་རེན་ད་ར་ མོ་དི་གི་ ཁས་ལེན་དང་ རྒྱ་གར་གྱི་ རྒྱབ་སྐྱོར་ལུ་ ཆེད་དུ་བསྔོ་བའི་ སྨོན་འདེབས་ཚུ་ཡང་ ཕུལ་ནི་ཨིན་པས་ཟེར་ གནས་ཚུལ་གསར་བཏོན་ནང་བཀོད་ནུག།
ཤྲཱི་ཀི་རེན་རི་ཇི་ཇུ་གི་ གཟིགས་སྐོར་དེ་གིས་ འབྲུག་དང་ རྒྱ་གར་གྱི་བར་ན་ཡོད་པའི་ ཡུན་གནས་མཐུན་ལམ་དང་ བློན་ཆེན་ན་རེན་ད་ར་ མོ་དི་དང་ རྒྱ་གར་གཞུང་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ དགོངས་འཆར་གྲུབ་གནས་ལུ་ འགྱུར་བ་མེད་པའི་ རྒྱབ་སྐྱོར་གྱི་ བརྡ་མཚོནམ་ཨིན་པའི་གནས་ཚུལ།