ཡུ་ཨེཛ་གིས་ ཡུ་ཀེ་རེན་ལུ་ མི་ཛ་ཡེལ་ ༥༠༠ བཙོང་ནི་སྦེ་ ཆ་འཇོག་འབད་ཡོདཔ།

བི་བི་སི།
ཡུ་ཨེཛ་གིས་ ཡུ་ཀེ་རེན་ལུ་ ར་ཤི་ཡ་ལས་ སྲུང་སྐྱོབ་འབད་ནིའི་དོན་ལུ་ གལ་ཆེ་བའི་གོ་མཚོན་ མི་ཛ་ཡེལ་ ༥༠༠ བཙོང་ནི་སྦེ་ ཆ་འཇོག་འབད་ཡོད་རུང་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱེལ་འདྲེན་གྱི་དོན་ལས་ ལོ་ངོ་དག་པ་ཅིག་ འགོར་ནི་ཨིན་པའི་ གསལ་བཤད་འབད་ནུག།
ཡུ་ཨེཛ་གིས་ བཤད་དོ་བཟུམ་འབད་བ་ཅིན་ མི་ཛ་ཡེལ་དེ་ཚུ་ལུ་ རིན་གོང་ཌོ་ལར་འཐེར་འབུམ་ ༢.༡ དེ་ཅིག་ གནས་ནི་ཨིན་ཚུ་ག་ར་ ཡུ་རོབ་དང་ ཀེ་ན་ཌ་ལུ་ཡོད་མི་ ཡུ་ཀེ་རེན་གྱི་ མཐུན་ཕྱོགས་ཚུ་གིས་ བྱིན་འོང་ཟེར་ཨིན་པས།
སྤྱི་ཟླ་ ༡༠ པའི་ཚེས་ ༣༠ གི་ཕྱི་རུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ ཡུ་ཨེཛ་ལུ་ ར་ཤི་ཡ་དང་གཅིག་ཁར་ ཕྱད་མདའ་རྐྱབ་ནིའི་དོན་ལས་ ནུས་ཤུགས་ཅན་གྱི་ གོ་མཚོན་ཚུ་ གང་མགྱོགས་སྦེ་ གཏང་དགོ་པའི་ ཞུ་བ་འབད་ནུག།
ཡུ་ཀེ་རེན་དང་ ར་ཤི་ཡའི་བར་ན་ དམག་འཁྲུག་ལང་མི་དེ་ཡང་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ ར་ཤི་ཡ་གིས་ ཡུ་ཀེ་རེན་གྱི་ས་གནས་ ཀི་རི་མི་ཡ་དང་ ཌཱོན་བཱཛ་ཚུ་ནང་ བཙན་འཛུལ་འབད་བའི་ཤུལ་ལས་ཨིན་པས་ཟེར་ བཀོད་འདུག་པའི་གནས་ཚུལ།