རྒྱ་གར་གྱི་མངའ་སྡེ་ ཨུ་ཊ་ར་ཁཱན་ལུ་ གནས་སྐོརཔ་ ༥ རྩིས་ཏེ་ མི་གྲངས་ ༦ འབག་མི་ གནམ་གྲུ་ཅིག་ལུ་ཐུག་རྐྱེན།

བི་བི་སི།
སྤྱི་ཟླ་ ༡༠ པའི་ཚེས་ ༣༠ ལུ་ རྒྱ་གར་གྱི་ བྱང་ཕྱོགས་མངའ་སྡེ་ ཨུ་ཊ་ར་ཁཱན་ལུ་ གནས་སྐོརཔ་ ༥ རྩིས་ཏེ་ མི་གྲངས་ ༦ འབག་ཐོག་ལས་ འཕུར་འགྲུལ་འབད་མི་ གནམ་གྲུ་ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་ནུག།
དེ་ཡང་ ཨུ་ཊ་ར་ཁཱན་གྱི་ གཙོ་འཛིན་བློན་པོ་ པུཤ་ཀར་སིང་ དྷ་མི་གིས་ བཤད་དོ་བཟུམ་འབད་བ་ཅིན་ གནམ་གྲུ་ཧེ་ལི་ཀོབ་ཊར་དེ་ ཅ་མོ་ལི་རྫོང་ཁག་ནང་ ཇོ་ཤི་མཱཐ་གཡུས་ཚན་གྱི་ ཉེ་འདབས་ལུ་ ཐུག་རྐྱེན་བྱུང་ནུག་ཟེར་ཨིན་པས།
གནམ་གྲུ་དེ་ ཧིན་དུའི་གནས་སྐོར་ས་གནས་ བཱ་དི་རི་ནཱཐ་ལས་ ཕྱི་རོ་ཁམས་ཅིག་ཁར་ འཕུར་འགྲུལ་འབད་ཡོདཔ་ད་ ཐུག་རྐྱེན་དེ་ ག་ཅི་ལུ་བརྟེན་ཏེ་ བྱུང་ཡོདཔ་ཨིན་ནའི་སྐོར་ལས་ མ་ཤེས་རུང་ ལུང་ཕྱོགས་དེ་ཁར་ ཆརཔ་མ་ཆདཔ་སྦེ་ར་ རྐྱབ་ནི་དེ་གིས་ མཐོང་གསལ་ཆེ་ཏོག་ཏོ་ མེདཔ་སྦེ་བཀོད་ནུག།
རྒྱ་ནག་དང་ ནེ་པཱལ་གྱི་ ས་མཚམས་ལུ་ཡོད་པའི་ ཧི་མ་ལ་ཡའི་མངའ་སྡེ་ ཨུ་ཊ་ར་ཁཱན་ལུ་ ཧིན་དུའི་ལྷ་ཁང་ཚུ་ཡོདཔ་ལས་ ལོ་བསྟར་བཞིན་དུ་ གནས་སྐོརཔ་ས་ཡ་ལས་བཅད་དེ་ འགྲུལ་སྐྱོད་འབད་དོ་ཡོདཔ་ཨིན་པས།
བཱ་ཌི་རི་ནཱཐ་དེ་ ཅར་དྷམ་གནས་སྐོར་གྱི་ མཐའ་འཁོར་ལུ་ཡོད་མི་ རྩ་ཆེ་བའི་ ས་ཁོངས་ ༤ གི་གྲས་ལས་ ༡ ཨིནམ་ད་ དེ་ཡང་ ཀེ་དར་ནཱཐ་དང་ གང་གོ་ཊི་རི་ དེ་ལས་ ཡ་མུ་ནོ་ཊི་རི་ཚུ་གིས་ བསྐོར་ཏེ་ཡོདཔ་སྦེ་བཀོད་ནུག།
ལྷ་ཁང་དེ་ཚུ་ ཧི་མ་ལ་ཡའི་ ལུང་གཤོང་ཚུ་ནང་ ཆགས་ཏེ་ཡོདཔ་ལས་ གནམ་དགུན་གྱི་སྐབས་ལུ་ ལམ་གྱི་གནས་སྟངས་ སྐྱོ་དྲགས་སྦེ་ཡོད་པའི་ གནས་ལུ་བརྟེན་ཏེ་ གནས་སྐོརཔ་ཚུ་གིས་ གནམ་གྲུ་ཧེ་ལི་ཀོབ་ཊར་གྱི་ ཞབས་ཏོག་ཚུ་ ལག་ལེན་འཐབ་ཐོག་ལས་ གནས་སྐོར་ལུ་ འགྱོཝ་ཨིན་པས་ཟེར་ བཀོད་འདུག་པའི་གནས་ཚུལ།