རོའི་ཊརཛ།
སྤྱི་ཟླ་ ༡༠ པའི་ཚེས་ ༢༩ ལུ་ བོཛ་ནི་ཡ་དང་ ཧར་ཛེ་གོ་ཝི་ན་ལུ་ ཡུ་རོབ་མཐུན་ཚོགས་ཀྱི་ ཞི་བདེ་སྲུང་སྐྱོབ་དང་གཅིག་ཁར་ ལག་ལེན་འཐབ་མི་ ཨི་ཊ་ལི་དམག་སྡེའི་ གནམ་གྲུ་ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་ཡོདཔ་ལས་ མི་ ༤ ལུ་ ཤི་རྐྱེན་དང་ གཞན་མི་ ༡༡ ལུ་ རྨ་སྐྱོན་བྱུང་ནུག།
དེ་བསྒང་ ཤི་རྐྱེན་བྱུང་མི་ཚུ་ཡང་ ཨི་ཊ་ལི་དམག་སྡེའི་ འཐུས་མི་ ༢ དང་ ཨི་ཊ་ལི་ཉེན་སྒྲོལ་གྱི་ ཁས་བླངས་དམག་མི་ ༢ ཨིནམ་ད་ རྨ་སྐྱོན་བྱུང་མི་ ༡༡ པོ་ག་ར་ལུ་ སྨན་བཅོས་འབད་དོ་ཡོདཔ་ལས་ ཚེ་སྲོག་ལུ་ ཉེན་ཁ་མེད་ཟེར་ཨིན་པས།
དམག་མི་སྐྱེལ་འདྲེན་འབད་མི་ གནམ་གྲུ་ཧེ་ལི་ཀོབ་ཊར་དེ་ བཱར་ཀོ་རྫོང་ཁག་གི་ གོ་རི་སི་གཡུས་ཚན་ནང་ མར་འབབ་ནི་དང་འབྲེལ་ཏེ་ ཐུག་རྐྱེན་བྱུང་ཡོདཔ་སྦེ་བཀོད་ནུག།
གནམ་གྲུ་དེ་ ཡུ་རོ་པིན་ མཉམ་འབྲེལ་དམག་སྡེ་གིས་ འགོ་འདྲེན་འཐབ་མི་ ཨཱལ་ཐི་ཡའི་ ལག་ལེན་ཆ་ཤས་ཅིག་སྦེ་ བགོ་བཀྲམ་འབད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།
Leave a Reply