བྱང་ཀོ་རི་ཡའི་ སྲིད་འཛིན་གྱིས་ རིག་རྩལ་བཅོས་མའི་ རང་འགུལ་གནམ་གྲུ་ཆུང་བ་ཚུ་ལུ་བརྟག་དཔྱད།
ཨཱལ་ཇ་ཟི་ར། སྤྱི་ཟླ་ ༣ པའི་ཚེས་ ༢༧ ལུ་ བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ རྒྱལ་ཁབ་ནང་ རིག་རྩལ་བཅོས་མའི་ རང་འགུལ་མཁའ་དམག་ གནམ་གྲུ་ཆུང་བ་ཌཱོན་ཚུ་ བརྟག་དཔྱད་དང་ བལྟ་རྟོག་མཛད་ནུག།དེ་བསྒང་ ཁོ་གིས་ གསང་ཞིབ་ཀྱི་དོན་ལུ་ དྲག་པོའི་དམག་སྡེ་དེ་ དེང་དུས་ཀྱི་ གནས་ཚད་ཁར་ གོང་འཕེལ་གཏང་ཐབས་ཀྱི་ འཆར་གཞི་ཚུ་ནང་ རིག་རྩལ་བཅོས་མ་ལུ་ གཙོ་བོར་བཟུང་དགོཔ་སྦེ་ གསུངས་ཡོདཔ་ཨིན་པས།དེ་ཡང་ མཁའ་དབྱིངས་འཕྲུལ་རིག་ལས་ཁང་གིས་ བཟོ་བསྐྲུན་འབད་དེ་ཡོད་མི་ གསང་ཞིབ་ཀྱི་ ཌྲཱོན་མ་འདྲཝ་ཚུ་གི་ བརྟག་དཔྱད་ཚུ་ནང་ སྲིད་འཛིན་གྱིས་ བལྟ་རྟོག་མཛད་ནུག།བྱང་ཀོ་རི་ཡའི་ རིག་རྩལ་བཅོས་མའི་ ཌྲཱོན་ཚུ་གིས་ ས་ཐོག་དང་ མཚོ་ཐོག་གི་ ཐབས་བྱུས་ཅན་གྱི་ དམིགས་གཏད་དང་ བྱང་ཕྱད་ཀྱི་ལས་དོན་ཚུ་ འཚོལ་ཞིབ་དང་ བལྟ་ཞིབ་འབད་ཚུགས་པའི་ ལྕོགས་གྲུབ་ཡོདཔ་མ་ཚད་ གནོད་འཚུབ་ཀྱི་དོན་ལུ་ཡང་ ལག་ལེན་འཐབ་ཚུགས་ནི་ཨིན་པས།བྱང་ཀོ་རི་ཡ་གིས་ སྔོན་བརྡའི་གནམ་གྲུ་ཚུ་ཡང་ བཟོ་བསྐྲུན་འབད་ནི་ལུ་ བརྩོན་ཤུགས་བསྐྱེད་དོ་ཡོདཔ་ད་ དེ་ཡང་ ལོན་ཌཱོན་ལུ་ཡོད་མི་ རྒྱལ་སྤྱི་ཐབས་བྱུས་ཞིབ་འཇུག་གཙུག་སྡེ་གིས་ དེ་བཟུམ་མའི་ སྔོན་བརྡའི་གནམ་གྲུ་དེ་གིས་ བྱང་ཀོ་རི་ཡའི་ ས་ཐོག་སྔོན་བརྡའི་རིམ་ལུགས་ལུ་ ཕན་ཐོགས་འབྱུང་ནི་ཨིན་པས་ཟེར་ སྙན་ཞུའི་ནང་བཀོད་ནུག།.སྲིད་འཛིན་མཆོག་ […]
