འཛམ་གླིང་དགའ་སྐྱིད་སྙན་ཞུའི་ནང་ ཕིན་ལེན་དེ་ དགའ་སྐྱིད་ཀྱི་ བརྡ་སྟོན་གནས་ཚད་ ཨང་དང་པ་ཐོན་ཡོདཔ།
ཨཱལ་ཇ་ཟི་ར། འཛམ་གླིང་དགའ་སྐྱིད་སྙན་ཞུ་ ༢༠༢༥ ཅན་མའི་ནང་ བཀོད་དོ་བཟུམ་འབད་བ་ཅིན་ སྲིད་དོན་དང་ མི་སྡེའི་འབྲེལ་ཟིང་ལུ་བརྟེན་ཏེ་ ཡུ་ཨེཛ་གི་ དགའ་སྐྱིད་བརྡ་སྟོན་གནས་ཚད་དེ་ མར་ཉམས་ཡོདཔ་ལས་ ཕིན་ལེན་དང་ ནོར་ཌིག་ལུང་ཕྱོགས་ཀྱི་ རྒྱལ་ཁབ་ཚུ་ གནས་ཚད་མཐོ་ཤོས་ནང་ ཚུད་དེ་ཡོདཔ་ཨིན་པས།དེ་ཡང་ སྤྱི་ཟླ་ ༣ པའི་ཚེས་ ༢༠ ལུ་ ཨོགཛ་ཕོརཌ་གཙུག་ལག་སློབ་སྡེའི་ དལ་ཉམས་ཞིབ་འཚོལ་ལྟེ་བ་གིས་ ག་ལུབ་དང་ འཛམ་གླིང་སྤྱི་ཚོགས་ ཡུན་བརྟན་གོང་འཕེལ་ ཡོངས་འབྲེལ་དང་གཅིག་ཁར་ མཉམ་འབྲེལ་ཐོག་ལས་ སྙན་ཞུ་དཔར་བསྐྲུན་འབད་མི་དེ་གིས་ འཕྲོད་བསྟེན་དང་ དལ་དབང་ སྦྱིན་གཏོང་གི་གནས་ཚད་ ངན་ལྷད་ལ་སོགས་པའི་ ཁྱད་ཆོས་ཚུ་དང་འབྲེལ་ཏེ་ སྤྱིར་བཏང་གི་ དགའ་སྐྱིད་ཚད་འཇལ་འབད་དོ་ཡོདཔ་ད་ དེ་ཡང་ བརྡ་དོན་ཚུ་ རང་སོའི་བརྟག་དཔྱད་ཚུ་ལུ་ གཞི་བརྟེན་ཏེ་ འཛམ་གླིང་རྒྱལ་ཁབ་ ༡༤༧ ལས་ བསྡུ་ལེན་འབད་ནུག།དུས་ཅི་གི་ལོ་ནང་ ཨང་དང་པ་དེ་ འཕྲོ་མཐུད་དེ་ར་ ཕིན་ལེན་ཐོན་ཡོདཔ་ད་ དེ་གི་འོག་ལས་ར་ ཌེན་མཱག་དང་ ཨ་ཡིཛ་ལེན་ སུའི་ཌེན་ ནེ་དར་ལེན་ ཀོཛ་ཊ་རི་ཀ་ ནོར་ཝེ་ ཨིཛ་རེལ་ ལག་ཟེམ་བཱག་ […]
