སུ་དཱན་གཞུང་གི་ དམག་སྡེ་གིས་ ངོ་རྒོལ་དམག་སྡེ་ལས་ སྲིད་འཛིན་གྱི་ཕོ་བྲང་ ལོག་ལེན་ཡོདཔ།

སི་ཨེན་ཨེན།
སུ་དཱན་གྱི་ དྲག་པོའི་དམག་སྡེ་དང་ ངོ་རྒོལ་དམག་སྡེ་ རེ་པིཌ་ས་པོཊ་ཕོརཛ་གི་བར་ན་ དམག་འཁྲུག་ལང་སྟེ་ ལོ་ངོ་ ༢ སོང་ཡོདཔ་ད་ ད་རེས་ དྲག་པོའི་དམག་སྡེ་གིས་ ངོ་རྒོལ་དམག་སྡེ་ལས་ ཁཱར་ཊུམ་ལུ་ཡོད་མི་ སྲིད་འཛིན་གྱི་ ཕོ་བྲང་དེ་ སླར་ལོག་ལེན་ཚུགས་ཡོདཔ་ཨིན་པས།
དེ་ཡང་ སྤྱི་ལོ་ ༢༠༢༣ སྤྱི་ཟླ་ ༤ པའི་ནང་ ངོ་རྒོལ་དམག་སྡེ་གིས་ སུ་དཱན་སྲིད་འཛིན་གྱི་ ཕོ་བྲང་དང་སྦྲགས་ཏེ་ རྒྱལ་སའི་ས་ཁོངས་རྒྱ་སྦོམ་སྦེ་ར་ བཙན་དབང་འབད་མི་དེ་ འཕྲལ་ཁམས་ཅིག་ཁར་ གཞུང་གི་དམག་སྡེ་གིས་ མདུན་བསྐྱོད་ཐོག་ལས་ ཕོ་བྲང་ཁ་ཐུག་ལུ་ འཛུལ་ཞུགས་འབད་ནུག།
དུས་ཅི་གི་ལོ་ནང་ ངོ་རྒོལ་དམག་སྡེ་གིས་ རྒྱལ་ས་ཁཱར་ཊུམ་དང་ ཉེ་འདབས་ཀྱི་ས་གནས་ ཨོམ་དུར་མཱན་གྱིས་གཙོས་པའི་ སུ་དཱན་ནུབ་ཕྱོགས་ཀྱི་ ས་ཁོངས་ཚུ་ ཁོང་རའི་གཞུང་ཁོངས་སུ་བཙུགས་ཏེ་ རྒྱུན་སྐྱོང་འཐབ་ཡོདཔ་ཨིན་པས།
གལ་སྲིད་ གཞུང་གི་དམག་སྡེ་གིས་ རྒྱལ་ས་ཁཱར་ཊུམ་དེ་ དབང་ལེན་འབད་ཚུགས་པ་ཅིན་ སུ་དཱན་དབུས་ཕྱོགས་ཀྱི་ ས་ཁོངས་ཚུ་ཡང་ མགྱོགས་པ་ར་ དབང་ལེན་འབད་ཚུགས་ནི་མས་ཟེར་བཀོད་ནུག།
གཞུང་གི་དམག་སྡེ་དང་ ངོ་རྒོལ་དམག་སྡེ་གཉིས་ཆ་རའི་ཁ་ཐུག་ལས་ འཕྲོ་མཐུད་དེ་ར་ ཕྱད་མདའ་རྐྱབ་ནི་ལུ་ ཁས་ལེན་འབད་དེ་ ཞི་བདེའི་གྲོས་གླེང་གི་ བརྩོན་ཤུགས་ཚུ་ སྣང་མེད་བསྐྱུར་ཏེ་ བཞག་ཡོདཔ་ཨིན་པས།
ཕྱད་མདའ་དེ་ཡང་ རྒྱལ་ཁབ་ནང་ འགོ་དང་པ་ ཞི་བའི་སྲིད་སྐྱོང་ གཞི་བཙུགས་འབད་ནི་གི་ འཆར་གཞི་ཡོད་མི་དེ་ ལག་ལེན་མ་འཐབ་པའི་ སྔ་གོང་ལས་ གཞུང་གི་དམག་སྡེ་དང་ ངོ་རྒོལ་དམག་སྡེའི་བར་ན་ དབང་ཆའི་སྐོར་ལས་ མ་འགྲིགསཔ་ཐོན་ནུག་ཟེར་ བཀོད་འདུག་པའི་གནས་ཚུལ།