རྒྱ་གར་ཀེ་ར་ལའི་ ཨམ་སྲུ་ཅིག་ལུ་ རྒྱ་བོ་ཡོད་པའི་ངོམ་སྟོན།
བི་བི་སི།རྒྱ་གར་ཀེ་ར་ལའི་ ཨམ་སྲུ་ཅིག་ལུ་ རྒྱ་བོ་ཡོདཔ་ལས་ ཡོངས་འབྲེལ་ཐོག་ལུ་ མི་མང་གིས་ ངལ་རངས་བསྐྱེད་མི་དང་ བརྙས་བཅོས་འབད་མི་ ཟུང་སྦྲེལ་སྦེ་ ཐོན་ཡོད་རུང་ མོ་གི་སེམས་ཁར་ ཚ་གྱང་ལང་དགོཔ་ཅིག་ ག་ནི་ཡང་མིན་འདུག་ཟེར་བཤད་ནུག།དེ་ཡང་ སྐྱེས་ལོ་ ༣༥ འབད་མི་ ཤེ་ཇ་གིས་ མོ་རའི་རྒྱ་བོ་དེ་ དགའ་བས་ཟེར་ ཡོངས་འབྲེལ་ཝཱཛ་ཨེབ་ཐོག་ལས་ སླབ་ཡོདཔ་ཨིན་པས།ད་རུང་ མི་ཚུ་གིས་ ཡོངས་འབྲེལ་ཕེཛ་བུག་ནང་ མོ་གི་ངོ་པར་ མཐོང་མི་ཚུ་གིས་མ་ཚད་པར་ ངོ་འཛོམས་ཐོག་ལུ་ ཕྱད་མི་ཚུ་གིས་ཡང་ མོ་གིས་ རྒྱ་བོ་དེ་ ག་ཅི་སྦེ་ བཞགཔ་སྨོ་ཟེར་ ལོག་ཅི་ར་ འདྲི་བ་བཀོད་ནུག།དེ་ལུ་ ཤེ་ཇ་གིས་ རྒྱ་བོ་མེད་པར་ མནོ་བསམ་ར་ བཏང་མི་ཚུགས་པས་ཟེར་ཨིནམ་ད་ ནད་ཡམས་ཀོ་ཝིཌ་ ཐོན་ཞིནམ་ལས་ཚུར་ དུས་རྒྱུན་ར་ ཁ་རས་རྐྱབ་དགོ་མི་དེ་གིས་ མོ་གི་གདོང་བསུབ་པ་ལུ་བརྟེན་ཏེ་ ཁ་རས་རྐྱབ་ནི་དེ་ མི་དགའ་བས་ཟེར་ སླབ་ཡོད་པའི་སྐོར་ལས་ བཀོད་འདུག་པའི་གནས་ཚུལ།
