World News
མ་ཡེན་མར་གྱི་འགོ་ཁྲིདཔ་ ཨམ་སུ་ཀིའི་ གྲོས་དཔོན་བགྲེསཔ་ལུ་ ལོ་ངོ་ ༣ གྱི་བཙོན་ཁྲིམས།
བི་བི་སི།སྤྱི་ཟླ་ ༩ པའི་ཚེས་ ༢༩ ལུ་ མ་ཡེན་མར་ དམག་སྡེ་གཞུང་གིས་ འགོ་ཁྲིད་བགྲེསཔ་ ཨམ་ཨང་སན་སུ་ཀིའི་ གྲོས་དཔོན་ཨིན་མི་ ཨཱཛ་ཊེ་ལི་ཡའི་མི་ཁུངས་ སིན་ཊར་ནེལ་ལུ་ ལོ་ངོ་ ༣ གྱི་ བཙོན་ཁྲིམས་བཀལ་ནུག།དེ་ཡང་ སྤྱི་ལོ་ ༢༠༢༡ སྤྱི་ཟླ་ ༢ པའི་ནང་ དམག་སྡེ་གིས་ དམངས་གཙོའི་རིང་ལུགས་ནང་ བཙག་འཐུ་ལས་གྲུབ་པའི་ དམངས་གཙོའི་འགོ་ཁྲིདཔ་ ཨམ་ཨང་སན་སུ་ཀི་དེ་ གཞུང་གི་དབང་ཚད་ལས་ ཕྱིར་བཏོན་འབད་བའི་ཤུལ་ལུ་ གྲོས་དཔོན་བགྲེསཔ་ སིན་ཊར་ནེལ་ཡང་ དོ་དམ་འོག་ལུ་ བཞག་ཡོདཔ་ཨིན་པས།ཨིན་རུང་ ཨཱཛ་ཊེ་ལི་ཡ་གཞུང་གིས་ ཉེས་ཁྲིམས་དེ་ མ་ཡན་མར་ དམག་སྡེ་གཞུང་གིས་ དབང་ཚད་ཐོག་ལུ་ བཀལ་ཡོདཔ་ལས་ ངོས་ལེན་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།