ཧིན་དུཛ་ཏཱན།
ལྷོ་ཀོ་རི་ཡ་ལུ་ རང་སྲོག་གཅད་མིའི་ ཚད་གཞི་དེ་ ན་ཧིང་ ནད་ཡམས་ཐོན་པའི་སྐབས་ལུ་ ཡར་འཕར་སོང་ཡོདཔ་བཞིན་དུ་ རྒྱལ་ཁབ་གོང་འཕེལ་ འགྱོ་མི་ཚུ་གི་ གྲས་ལས་ ཚད་གཞི་མཐོ་ཤོས་ཅིག་སྦེ་ར་ གནས་ཏེ་ཡོདཔ་ཨིན་པས།
དེ་ཡང་ ལོ་ ༡ གི་ནང་ ལྷོ་ཀོ་རི་ཡ་ལུ་ མི་ ༡༣,༣༠༠ དེ་ཅིག་གིས་ རང་སྲོག་བཅད་མི་དེ་ མི་འབོར་ ༡༠༠,༠༠༠ གི་ནང་ལས་ མི་ ༢༦ རེ་གིས་ རང་སྲོག་བཅད་ཡོདཔ་སྦེ་ སྤྱི་ཟླ་ ༩ པའི་ཚེས་ ༢༧ ལུ་ རྒྱལ་ཡོངས་གནས་སྡུད་ཡིག་ཚང་ལས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དེ་ཡོདཔ་ཨིན་པས།
དེ་སྦེ་ རང་སྲོག་བཅད་མི་དེ་ སྤྱི་ལོ་ ༢༠༢༠ ལུ་ མི་ ༢༥.༧ དེ་རེ་གིས་ རང་སྲོག་བཅད་ཡོདཔ་ལས་ ལོ་དེ་དང་ཕྱད་པ་ད་ དུས་ཅི་ ཨ་ཙི་ཅིག་ ཡར་སེང་འགྱོ་མི་དེ་ དཔལ་འབྱོར་ཡར་འཕར་འགྱོ་མི་ རྒྱལ་ཁབ་ཚུ་ལས་ རང་སྲོག་བཅད་འབད་མི་ མཐོ་ཤོས་ཅིག་སྦེ་ཐོན་ནུག།
དེ་བཟུམ་མའི་ གནས་སྟངས་ཐོན་མི་དེ་ཡང་ ནད་ཡམས་ལུ་བརྟེན་ཏེ་ དཔལ་འབྱོར་གྱི་གནས་སྟངས་ སྐྱོ་དྲགས་འགྱོ་ནི་དེ་གིས་ འོང་ནི་ཨིན་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
