ར་ཤི་ཡའི་ ཕྱད་མདའི་རྒྱབ་འགལ་ལུ་ ཡུ་རོབ་རྒྱལ་ཁབ་ཚུ་ མཉམ་འབྲེལ་ཐོག་ལུ་ར་ གནས་དགོ་པའི་བརྡ་བསྐུལ།
རེའུ་ཊརཛ།སྤྱི་ཟླ་ ༡༡ པའི་ཚེས་ ༢༥ ལུ་ ཡུ་ཀེ་རེན་གྱི་སྲིད་འཛིན་ ཝོལ་ཌི་མིར་ ཟེ་ལེནཛ་ཀི་གིས་ ར་ཤི་ཡའི་ ཕྱད་མདའི་རྒྱབ་འགལ་ལུ་ ཡུ་རོབ་རྒྱལ་ཁབ་ཚུ་གིས་ མཉམ་འབྲེལ་ཐོག་ལུ་ར་ གནས་དགོ་པའི་ཁར་ ར་ཤི་ཡའི་ ས་སྣུམ་གྱི་ གོང་ཚད་དེ་ཡང་ ཚབས་ཆེན་སྦེ་ར་ ཚད་འཛིན་འབད་དགོ་པའི་ བརྡ་བསྐུལ་འབད་ནུག།ཟེ་ལེནཛ་ཀི་གིས་ ལི་ཐུ་ནི་ཡ་ལུ་ ཞལ་འཛོམས་གནང་སར་ མཐུད་སྦྲེལ་འབད་དེ་ཡོད་མི་ རྒྱང་མཐོང་ཡོངས་འབྲེལ་ཐོག་ལས་ ཡུ་རོབ་ཀྱི་མི་ སེར་ཚུ་ ཁ་མ་ཕྱེ་བར་ཡོད་མི་དེ་ ཉམས་སྲུང་འབད་དགོ་ཟེར་ཨིན་པས།དེ་སྦེ་ ཉམས་སྲུང་འབད་དགོ་མི་དེ་ དུས་ཅི་གི་ལོ་ལུ་ ང་བཅས་ཀྱི་ དམིགས་དོན་དང་པ་ཨི་ཟེར་ བཤད་པའི་ཁར་ ཡུ་རོབ་དེ་གིས་ རང་གིས་རང་ལུ་ གྲོགས་རམ་འབདཝ་ཨིནམ་སྦེ་ཡང་ གསལ་བཤད་འབད་ནུག།ར་ཤི་ཡའི་ རྒྱབ་འགལ་སྦེ་ ཡུ་ཀེ་རེན་ལུ་ གྲོགས་རམ་འབདཝ་མིན་པར་ ར་ཤི་ཡའི་ བཙན་འཛུལ་གྱི་ རྒྱབ་འགལ་ལུ་ ཡུ་རོབ་རང་ལུ་ གྲོགས་རམ་འབདཝ་ཨིན་ཟེར་ བཤད་ཡོད་ལུགས་ཚུཡང་ བཀོད་འདུག་པའི་གནས་ཚུལ།
