National News
སྤ་རོ་ལུ་ ཞེ་ཆེན་ཐེག་མཆོག་ཆོས་ཀྱི་དགའ་ཚལ་ནང་ གཉགས་ལུགས་རྡོ་རྗེ་ཕུར་པའི་སྒྲུབ་ཆེན།
སྒྲོལ་མ་ཡེ་ཤེས་དང་བདེ་སྐྱིད་ཆོས་སྒྲོན།རང་ཟླ་ ༣ པའི་ཚེས་ ༣༠ སྤྱི་ཟླ་ ༥ པའི་ཚེས་ ༣༠ ལུ་ སྤ་རོ་ཞེ་ཆེན་ཐེག་མཆོག་ཆོས་ཀྱི་དགའ་ཚལ་ནང་ ཉིན་ཞག་ ༧ གྱི་རིང་ལུ་ འཚོགས་གནང་མི་ གཉགས་ལུགས་རྡོ་རྗེ་ཕུར་པའི་སྒྲུབ་ཆེན་འདི་ དངོས་གྲུབ་བླངས་བ་དང་བཅསཔ་སྦེ་ འགྲོལ་གནང་ནི་ཨིན་པས།དེ་ཡང་ ཨ་འཛོམས་རྒྱལ་སྲས་རིན་པོ་ཆེ་དང་ སྤྲུལ་སྐུ་རྡོ་རྗེ་ཉི་མ་མཆོག་ དབུ་བཞུག་ཐོག་ལུ་ མཁན་པོ་ ༢ དང་ སློབ་དཔོན་ ༢༠ གིས་གཙོས་པའི་ དགེ་སློང་ཞལ་གྲངས་ ༤༠ དེ་ཅིག་གིས་ སྤྱི་ཟླ་ ༥ པའི་ཚེས་ ༢༣ ལས་ ༢༩ ཚུན་ ཉིན་ཞག་ ༧ གྱི་རིང་ལུ་ འཚོགས་གནངམ་ཨིན་པས།དེ་བཟུམ་མའི་ སྒྲུབ་ཆེན་གནང་མི་འདི་ སྤྱིར་འཛམ་གླིང་ནང་ ཞི་བདེ་འབྱུང་ཐབས་ལུ་དང་ ལྷག་པར་དུ་ འབྲུག་རྒྱལ་ཁབ་འདི་ནང་ ཀོ་ཝིཌ་-༡༩ གིས་གཙོས་པའི་ ནད་ཡམས་མུ་གེ་ཚུ་ག་ར་ཞི་སྟེ་ བདེ་སྐྱིད་ཀྱི་ངང་ལུ་ གནས་ཐབས་ལུ་ཨིན་ཟེར་ སློབ་དཔོན་ཀརྨ་གིས་ བཤདཔ་ཨིནཔའི་གནས་ཚུལ།
