དིལླི་གནམ་གྲུ་ཐང་གི་ ཐོག་གཡབ་ཅིག་ རམ་ཡར་སོངཔ་ལས༌ མི་ ༡ ལུ་ཤི་རྐྱེན།
སི་ཨེན་ཨེན།སྤྱི་ཟླ་ ༦ པའི་ཚེས་ ༢༨ ལུ་ རྒྱ་གར་དིལླིའི་ གནམ་གྲུ་ཐང་ནང་ ཆརཔ་ཤུགས་སྦེ་ རྐྱབ་ནི་དེ་གིས་ ཐོག་གཡབ་ཅིག་ རམ་ཡར་སོངཔ་ལས་ མི་ ༡ ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་དག་པ་ཅིག་ལུ་ཡང་ རྨ་སྐྱོན་བྱུང་ཡོདཔ་ཨིན་པས།ཐོག་གཡབ་དེ་ཡང་ དྲོ་པའི་ཆུ་ཚོད་ ༥ དེ་ཅིག་ཁར་ ཆརཔ་ལུ་བརྟེན་ཏེ་ རམ་ཡར་སོངམ་ལས་ འཛུལ་སྒོ་དང་པའི་ གནམ་ཐང་ནང་ལས་ གནམ་གྲུ་འཕུར་འགྲུལ་ཚུ་ གནས་སྐབས་ཅིག་ མཚམས་འཇོག་འབད་དགོཔ་བྱུང་ནུག།མེ་རྐྱེན་སྲུང་སྐྱོབ་ཀྱི་ ལས་རོགས་ཅིག་གིས་འབད་བ་ཅིན་ ཉེན་སྲུང་གི་ ལཱ་འབད་མི་ཚུ་གིས་ ཤི་རྐྱེན་བྱུང་མིའི་ཕུངམོ་དེ་ ཕྱི་ཁར་བཏོན་ནི་ལུ་ དུས་ཡུན་དུམ་གྲ་ཅིག་ འགོར་ཡོད་རུང་ རྨ་སྐྱོན་བྱུང་མི་ ༨ པོ་དེ་ ཕྱི་ཁར་བཏོན་ནི་ལུ་ སྐར་ཆ་ ༢༠ དེ་ཅིག་ལས་ མ་འགོར་ཟེར་ཨིན་པས།དེ་བཟུམ་སྦེ་ འདས་པའི་བདུན་ཕྲག་ནང་ཡང་ ཆརཔ་ཤུགས་སྦེ་ རྐྱབ་ནི་དེ་གིས་ འཁོར་ལམ་ཚུ་གུ་ ཆུ་འཁྱིལ་ཡོདཔ་ལས་ སྣུམ་འཁོར་ཚུ་ཡང་ ཆུ་ནང་ཐིམ་ནུག་ཟེར་ བཀོད་འདུག་པའི་གནས་ཚུལ།