རྒྱ་གར་གྱི་ གློག་བརྙན་འཁྲབ་རྩེདཔ་ ས་ཨིཕ་ཨ་ལི་ཁཱན་ལུ་ གྱི་གསོབ་བྱིན་ཡོདཔ།
བི་བི་སི། སྤྱི་ཟླ་ ༡ པའི་ཚེས་ ༡༦ ལུ་ རྒྱ་གར་གྱི་ གློག་བརྙན་འཁྲབ་རྩེདཔ་ ས་ཨིཕ་ཨ་ལི་ཁཱན་ལུ་ མུམ་བཱ་ཡེ་ ཁྲོམ་ཁར་ཡོད་མི་ ཁོ་རའི་ཁྱིམ་ནང་སྦེ་ གྱི་གསོབ་བྱིན་པའི་ཤུལ་ལུ་ སྨན་ཁང་ནང་བསྐྱལ་ཏེ་ གཤག་བཅོས་འབད་ཡོདཔ་ལས་ གནས་སྟངས་ལེགས་ཤོམ་སྦེ་ར་ཡོད་ཟེར་ཨིན་པས།དེ་ཡང་ ཁྲིམས་སྲུང་འགག་སྡེ་གིས་ བཤད་དོ་བཟམ་འབད་བ་ཅིན་ ནུབ་ཕྱེད་དེ་ཅིག་ཁར་ མི་ངོ་མ་ཤེསཔ་ཅིག་ ཁོ་གི་ཁྱིམ་ནང་ ཧམ་འཛུལ་འབད་དེ་ འོང་མི་ཅིག་དང་ འཐབ་འཛིང་བྱུང་པའི་ཤུལ་ལུ་ གྱི་གསོབ་བྱིན་ནུག་ཟེར་ཨིནམ་ད་ གནད་དོན་དེ་ དབྱེ་ཞིབ་ཀྱི་དོན་ལས་ ཁྲིམས་སྲུང་སྡེ་ཚན་ཅིག་ བཟོ་དོ་ཡོདཔ་སྦེ་བཤད་ནུག།ས་ཨིཕ་ཨ་ལི་ཁཱན་གྱིས་ རྒྱ་གར་གྱི་ གློག་བརྙན་འཁྲབ་རྩེདཔ་མོ་ ཀ་རི་ན་ ཀ་པུར་ ཁཱན་དང་གཅིག་ཁར་ གཉེན་རྐྱབ་ཡོདཔ་ལས་ ཁོང་ ༢ ལུ་ ཨ་ལོ་ ༢ ཡོདཔ་ད་ ཁོ་གི་བཟའ་ཚང་གི་ ཁ་ཐུག་ལས་ ག་ནི་ཡང་ མ་སླབ་སྟེ་འབད་རུང་ ཁཱན་གྱི་སྡེ་ཚན་གྱིས་ ཁོང་ཆ་ཁྱབ་ ཉེན་སྲུང་དང་ལྡནམ་སྦེ་ར་ཡོད་ཟེར་ཨིན་པས།མུམ་བཱ་ཡེ་ ལི་ལ་ཝ་ཏི་ སྨན་ཁང་ལས་ ས་ཨིཕ་ཨ་ལི་ཁཱན་ལུ་ རྨ་སྐྱོན་ཁག་ ༦ དེ་ཅིག་ བྱུང་པའི་ནང་ལས་ […]
