བི་བི་སི།
སྤྱི་ཟླ་ ༡ པའི་ཚེས་ ༡༣ ལུ་ དགོངས་ཞུ་འབད་མི་ མེ་བསད་ལས་བྱེདཔ་ རིཤ་སི་ནའི་ཌར་གྱིས་ ཡུ་ཨེཛ་གི་ཁྲོམ་སྡེ་ ལོཛ་ཨེན་ཇི་ལེཛ་ལས་ དར་ཁྱབ་འགྱོ་མི་ ནགས་ཚལ་མེ་རྐྱེན་དེ་གིས་ པེ་ས་ཌེ་ན་ ཁྲོམ་ལམ་ཁར་ ཁྱིམ་ཚང་ཅིག་ མེ་གིས་འཚིགས་མི་ ཁྱིམ་ནང་ལས་ སྲོག་སྐྱབས་འབད་ཡོདཔ་ད་ མི་དེ་ ཁྲོམ་ལམ་དེ་ཁར་སྡོད་དེ་ མི་ལོ་ ༣༠ ལྷགཔ་ཅིག་ སོང་ཡོདཔ་ཨིན་པས།
དེ་ཡང་ ཕྱི་རུ་ཁམས་ཅིག་ཁར་ རིཤ་སི་ནའི་ཌར་དེ་ ཁོ་རའི་ཁྱིམ་ནང་ གློག་རིག་ཀམ་པུས་ཊར་ ལེབ་ཊོབ་གུ་ ལཱ་འབད་སྡོདཔ་ད་ སྒོ་སྒྲིག་ནང་ལས་ མེ་སྦོམ་ཅིག་ འབར་སར་མཐོང་པའི་ཤུལ་ལུ་ དེ་འཕྲལ་ལས་ ཕྱི་ཁར་ཐོན་ཏེ་ ཁྱིམ་ཚང་ཚུ་ལུ་ ཉེན་བརྡ་འབད་ནུག།
དེ་ལས་ ལྡུམ་རའི་ནང་ཡོད་མི་ འགྱིབ་ཀྱི་ཆུ་དུང་ ལག་ལེན་འཐབ་སྟེ་ མེ་རྐྱེན་དེ་ བཀག་ཐབས་འབད་དེ་ སྡོད་པའི་བར་ན་ མེ་བསད་སྣུམ་འཁོར་ ཝེན་གཏང་མི་ཅིག་ཡང་ ས་གནས་དེ་ཁར་ ལྷོད་ཡོདཔ་ལས་ མེ་རྐྱེན་དེ་ ཚད་འཛིན་འབད་ཚུགས་ཡོདཔ་ཨིན་པས།
དེ་བསྒང་ ཁྱིམ་གཞན་མི་ ༢ ཡང་ མེ་གིས་འཚིགས་ཡོདཔ་མ་ཚད་ ཁྱིམ་གཞན་ཅིག་གི་ ཁྱིམ་ཏོག་ཡང་ འཚིགས་སོང་ནུག་ཟེར་ བཀོད་འདུག་པའི་གནས་ཚུལ།
འཇམ་དབྱངས་ཆོས་སྒྲོན།
