ཡུ་ཨེཛ་གིས་ ཡུ་ཀེ་རེན་ལུ་ དམག་སྡེའི་གྲོགས་རམ་མཚམས་འཇོག།
རོའི་ཊརཛ། སྤྱི་ཟླ་ ༣ པའི་ཚེས་ ༢ ལུ་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་དང་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་ ༢ ཀྱི་བར་ན་ མ་འགྲིགསཔ་བྱུང་པའི་ཤུལ་ལས་ སྲིད་འཛིན་ཊཱམ་གྱིས་ ཡུ་ཀེ་རེན་ལུ་ དམག་སྡེའི་གྲོགས་རམ་ཚུ་ མཚམས་འཇོག་འབད་ནུག། དེ་ཡང་ སྤྱི་ཟླ་ ༡ པའི་ནང་ སྲིད་འཛིན་ཊཱམ་གྱིས་ ཡུ་ཀེ་རེན་དང་ ར་ཤི་ཡའི་བར་ན་ ཡུ་ཨེཛ་གི་ སྲིད་བྱུས་བསྒྱུར་བཅོས་ཐོག་ལས་ ཞི་བདེ་ལུ་ གཙོ་བོར་བཏོན་ཏེ་ མཐུན་སྒྲིག་འབད་ནི་ཨིནམ་སྦེ་ བཤད་པའི་ཤུལ་ལས་ཨིན་པས། སྤྱི་ཟླ་ ༣ པའི་ཚེས་ ༤ ལས་ དེ་སྦེ་ མཚམས་འཇོག་འབད་མི་དེ་ དམག་སྡེའི་གྲོགས་རམ་གྱི་ ཁྱབ་ཚད་དང་ གནོད་སྐྱོན་ ཕན་ཐོགས་ཡོད་མེད་ཚུ་ བརྟག་ཞིབ་འབད་ཐབས་ལུ་ཨིན་ཟེར་ ཡུ་ཨེཛ་གི་ འགོ་དཔོན་ཅིག་གིས་ གསལ་བཤད་འབད་ནུག། ཨིན་རུང་ ཡུ་ཀེ་རེན་གྱི་ སྲིད་འཛིན་གྱི་ ཡིག་ཚང་ལས་ ལེགས་ཉེས་ག་ནི་ཡང་ བཤད་མ་བཏུབ་པའི་གུ་ ཝ་ཤིང་ཊཱོན་ལུ་ཡོད་མི་ ཡུ་ཀེ་རེན་གྱི་ གཞུང་ཚབ་ཡིག་ཚང་ལས་ཡང་ […]
