ཨཱཛ་ཊེ་ལི་ཡ་གིས་ རྒྱལ་སྤྱིའི་གནམ་གྲུ་ཚུ་ལུ་ དྲན་པ་བཏོན་དགོ་པའི་ཉེན་བརྡ།

ཨེ་བི་སི།
སྤྱི་ཟླ་ ༢ པའི་ཚེས་ ༢༡ ལུ་ ཨཱཛ་ཊེ་ལི་ཡ་གིས་ ཨཱཛ་ཊེ་ལི་ཡའི་ གནམ་ཐང་ཚུ་དང་ ནིའུ་ཛི་ལེན་གྱི་བར་ན་ འཕུར་འགྲུལ་འབད་མི་ རྒྱལ་སྤྱིའི་གནམ་གྲུ་ཚུ་ལུ་ རྒྱ་ནག་གིས་ མཚོ་དམག་གྲུ་ཟིང་ཚུ་གི་ཐོག་ལས་ ཏཱཛ་མེ་ནི་ཡ་ རྒྱ་མཚོའི་ནང་ དམག་སྦྱོང་འབད་དོ་ཡོདཔ་ལས་ དྲན་པ་བཏོན་དགོ་པའི་ ཉེན་བརྡ་འབད་ནུག།
དེ་ཡང་ ཨཱཛ་ཊེ་ལི་ཡའི་ ཤར་ཕྱོགས་མཚོ་འགྲམ་གྱི་ ཉེ་འདབས་ཚུ་ནང་ རྒྱ་ནག་གིས་ མཚོ་དམག་གྲུ་ཟིང་ ༣ གྱི་ཐོག་ལས་ དམག་སྦྱོང་ཚུ་འབད་དོ་ཡོདཔ་ལས་ ཚོང་འབྲེལ་མཁའ་འགྲུལ་ཚུ་ལུ་ ཉེན་བརྡ་སྤེལ་ཡོདཔ་ཨིན་པས།
དེ་མ་ཚད་ རྒྱལ་སྤྱིའི་གནམ་གྲུ་ དག་པ་ཅིག་ར་ འཕུར་འགྲུལ་འབད་ནི་ལས་ ཁ་བསྒྱུར་བཏང་ཡོདཔ་སྦེ་ ཨཱཛ་ཊེ་ལི་ཡའི་ ཕྱི་འབྲེལ་བློན་པོ་ པེན་ནེ་ཝོང་གིས་ གསལ་བཤད་འབད་ནུག།
མ་གཞི་ སྦྱོང་བརྡར་འབད་ནི་དེ་ དུས་རྒྱུན་གྱི་ ལཱ་ཅིག་ཨིན་རུང་ གྲུ་ཟིང་དང་ གནམ་གྲུ་གཞན་ཚུ་ལུ་ དེ་བཟུམ་མའི་ དམག་སྦྱོང་འབད་དོ་ཡོད་པའི་སྐོར་ལས་ གོ་བརྡ་སྤྲོད་དགོ་པ་ལུ་བརྟེན་ཏེ་ ད་རེས་ ཨཱཛ་ཊེ་ལི་ཡའི་ མཁའ་འགྲུལ་ཞབས་ཏོག་གིས་ དགོས་དོན་ཡོད་པའི་ ལཱ་ཚུ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།