ཨཱཛ་ཊེ་ལི་ཡའི་མངའ་སྡེ་ ཀུ་ཡིནཛ་ལེན་ལུ་ ཆུ་རུད་ཀྱིས་གནོད་སྐྱོན།
སི་ཨེན་ཨེན། ཨཱཛ་ཊེ་ལི་ཡའི་མངའ་སྡེ་ ཀུ་ཡིནཛ་ལེན་ལུ་ སྔོན་ཆད་མ་བྱུང་པའི་ ཆར་ཤུགས་ལུ་བརྟེན་ཏེ་ ས་ཆ་ལེ་ཤ་ཅིག་ར་ ཆུ་གིས་གང་སྟེ་ཡོདཔ་ལས་ སྣུམ་འཁོར་ཚུ་ འགྲུལ་བསྐྱོད་འབད་མ་ཚུགས་པའི་ དཀའ་ངལ་ཡོདཔ་ཨིན་པས། .ཆར་ཆུ་དེ་གིས་ གཙང་ཆུ་ཚུ་བྲེས་ཏེ་ གཙང་ཆུའི་སྦོ་ལོགས་ཁར་ སྡོད་མི་ཚུ་ སྤོ་འགྱོ་དགོཔ་ བྱུང་ཡོདཔ་མ་ཚད་ མངའ་སྡེའི་འགོ་དཔོན་ཚུ་གིས་ ས་ཞིང་དང་ སྒོ་ནོར་ ལོ་ཐོག་ཚུ་ལུ་ གནོད་པ་འབྱུང་ནི་ཨིན་པའི་སྐོར་ལས་ ཉེན་བརྡ་ཚུ་ཡང་སྤེལ་ནུག།སྤྱི་ཟླ་ ༣ པའི་ཚེས་ ༢༨ ལུ་ ཀུ་ཡིནཛ་ལེན་གྱི་ གཙོ་འཛིན་བློན་པོ་ ཌེ་བིཌ་ ཀི་རིཛ་ཕུ་ལི་གིས་ དུས་ཚོད་མིན་པའི་ ཆར་ཤུགས་ལུ་བརྟེན་ཏེ་ ཇཱན་ཌ་དང་ སི་ཊཱོན་ཧེན་ཇི་ ཝིན་ཌོ་ར་ཟེར་མི་ ཁྲོམ་སྡེ་ཚུ་ནང་ དཀའ་ངལ་ཐོན་ཏེ་ཡོད་པའི་ཁར་ སོ་ནམ་ཞིང་ལཱ་ལུ་ཡང་ གནོད་པ་ཡོདཔ་ལས་ མངའ་སྡེའི་ཁ་ཐུག་ལས་ རྒྱབ་སྐྱོར་ཚུ་འབད་ནི་ལུ་ ཁས་ལེན་ཡོདཔ་སྦེ་ བཤད་ཡོདཔ་ཨིན་པས།དེ་བཟུམ་མའི་ ཆར་རླུང་དང་ ཆར་ཤུགས་ཚུ་ ས་སྣུམ་སྤྱོད་མི་ལས་ཐོན་པའི་ བཙོག་རླུང་གིས་ འཛམ་གླིང་ནང་ དྲོད་ཤུགས་ཡར་སེང་ འགྱོ་དོ་ཡོདཔ་ལས་ གནམ་གཤིས་གནས་སྟངས་ཀྱི་ དཀའ་ངལ་ཡང་ ཚད་ལས་རྒལ་ཏེ་ འཐོན་དོ་ཡོདཔ་སྦེ་ བཀོད་འདུག་པའི་གནས་ཚུལ།
