རྒྱ་གར་གྱི་ གློག་བརྙན་འཁྲབ་རྩེདཔ་དང་ བཀོད་ཁྱབ་མདོ་ཆེན་བགྲེསཔ་ མ་ནོཇ་ཀུ་མར་གྱོངས་ཡོདཔ།
བི་བི་སི། སྤྱི་ཟླ་ ༤ པའི་ཚེས་ ༤ ལུ་ རྒྱ་གར་གྱི་ དངུལ་འབྲེལ་ལྟེ་བ་ མུམ་བཱའི་ལུ་ ཡོངས་གྲགས་ཅན་ཅིག་ཨིན་མི་ རྒྱ་གར་གྱི་ གློག་བརྙན་འཁྲབ་རྩེདཔ་དང་ བཀོད་ཁྱབ་མདོ་ཆེན་བགྲེསཔ་ མ་ནོཇ་ཀུ་མར་དེ་ སྐྱེས་ལོ་ ༨༧ གྱི་ཐོག་ལུ་ གྱོངས་སོངཔ་ཨིན་པས།དེ་ཡང་ ལོ་ཚད་དང་འབྲེལ་བའི་ གསོ་བའི་གནད་དོན་ལུ་བརྟེན་ཏེ་ ཤི་རྐྱེན་བྱུང་ཡོདཔ་སྦེ་ ཀོ་ཀི་ལ་བེན་ དྷི་རུ་བཱའི་ ཨམ་བ་ནི་ སྨན་ཁང་གི་ཌོག་ཊར་ སཱན་ཏོཤ་ཤེ་ཊི་གིས་ བཤད་ཡོདཔ་མ་ཚད་ ཁོ་རའི་བུ་ ཀུ་ནཱལ་གོ་སྭ་མི་གིས་ཡང་ གསོ་བའི་གནད་དོན་ཚུ་ དུས་ཡུན་རིངམོ་སྦེ་ར་ ལག་ལེན་འཐབ་སྟེ་ སྡོད་ཡོདཔ་སྦེ་བཤད་ནུག།མ་ནོཇ་ཀུ་མར་གྱིས་ སྤྱི་ལོ་ ༡༩༦༠ རེ་གྲངས་དང་ ༡༩༧༠ དོན་གྲངས་ལུ་ ཤ་ཞེན་ཅན་གྱི་ གློག་བརྙན་ཚུ་ནང་ ཡོངས་གྲགས་སྦོམ་སྦེ་ར་ ཐོན་ཡོདཔ་ཨིན་པས།ཁོ་ལུ་ དགའ་མི་དང་ སྲིད་དོན་པ་ཚུ་གིས་ མི་སྡེ་བརྡ་བརྒྱུད་ཐོག་ལས་ མྱ་ངན་འབད་བའི་ཁར་ རྒྱ་གར་གྱི་བློན་ཆེན་ ན་རེན་ད་ར་ མོ་དི་གིས་ཡང་ ཁོ་ལུ་ རྒྱ་གར་གྱི་ གློག་བརྙན་ནང་ དཔྱེ་སྟོན་བཏུབ་པའི་ མི་ངོམ་ཅིག་ཨིནམ་སྦེ་ གསུངསམ་ཨིན་པས་ཟེར་ […]
