ལྷོ་ཀོ་རི་ཡའི་སྲིད་འཛིན་ ཡུན་སུག་ཡོལ་དེ་ སྲིད་འཛིན་གྱི་ གོ་གནས་ལས་ཕྱིར་དབྱུང་།

བི་བི་སི།
སྤྱི་ཟླ་ ༤ པའི་ཚེས་ ༤ ལུ་ ལྷོ་ཀོ་རི་ཡའི་སྲིད་འཛིན་ ཡུན་སུག་ཡོལ་དེ་ རྩ་ཁྲིམས་ཅན་གྱི་ ཁྲིམས་འདུན་གྱིས་ སྲིད་འཛིན་གྱི་ གོ་གནས་ལས་ ཕྱིར་བཏོན་འབད་ནུག།
དེ་སྦེ་ ཕྱིར་བཏོན་གྱི་ འཁྲུན་ཆོད་ནང་ བཀོད་དོ་བཟུམ་འབད་བ་ཅིན་ རྒྱལ་ཁབ་ཀྱི་ རྩ་ཁྲིམས་ཆེན་མོའི་ དགོངས་དོན་དང་འཁྲིལ་ཏེ་ ཉིན་གྲངས་ ༦༠ གི་ ནང་འཁོད་ལུ་ སྲིད་འཛིན་བཙག་འཐུ་འབད་དགོ་ཟེར་ཨིན་པས།
དེ་འབདཝ་ལས་ སྲིད་འཛིན་གསརཔ་ བཙག་འཐུ་འབད་མ་ཚར་གྱི་རིང་ལུ་ བློད་ཆེན་ཧཱན་ཌག་སུ་གིས་ སྲིད་འཛིན་ངོ་ཚབ་སྦེ་ ཕྱག་ཞུ་དགོཔ་སྦེ་ཨིནམ་ད་ སྲིད་འཛིན་ཡུན་དེ་ ན་ཧིང་ སྤྱི་ཟླ་ ༡༢ པའི་ནང་ སྤྱི་ཚོགས་ནང་ལས་ ཕྱིར་དབྱུང་འབད་ནུག།
སྐྱེས་ལོ་ ༦༤ འབད་མི་ སྲིད་འཛིན་བགྲེསཔ་ ཡུན་སུག་ཡོལ་དེ་ སྤྱི་ཟླ་ ༡ པའི་ཚེས་ ༡༥ ལུ་ འཛིན་བཟུང་འབད་མི་དེ་ ཁྲིམས་འདུན་ལས་ སྤྱི་ཟླ་ ༣ པའི་ནང་ ལོག་བཏང་ཡོད་རུང་ རྒྱལ་ཁབ་ནང་ དམག་སྡེའི་ཁྲིམས་ལུགས་ གཞི་བཙུགས་ཀྱི་ གསལ་བསྒྲགས་འབད་བའི་ ཉེས་འཛུགས་ཐོག་ལུ་ སྲོག་ཐོག་གི་ ཉེས་ཁྲིམས་དང་ ཡང་ཅིན་ ཚེ་བཙོན་ཕོག་ནི་ཨིན་པས་ཟེར་ བཀོད་འདུག་པའི་གནས་ཚུལ།