པེ་ལིཛ་ཊིན་གྱི་ ག་ཟ་ཁྲོམ་ཁར་ ཨིཛ་རེལ་གྱིས་ གནོད་འཚུབ་ཐོག་ལས་ མི་ ༥༨ དམར་བསད།
ཨཱལ་ཇ་ཟི་ར།སྤྱི་ཟླ་ ༤ པའི་ཚེས་ ༡༨ ལུ་ པེ་ལིཛ་ཊིན་གྱི་ ག་ཟ་ཁྲོམ་ཁར་ ཨིཛ་རེལ་གྱིས་ གནོད་འཚུབ་བཀལ་ཏེ་ ཉིནམ་ ༡ གི་ནང་ར་ པེ་ལིཛ་ཊིན་གྱི་ མི་སེར་ ༥༨ དམར་བསད་འབད་ནུག།ཨིཛ་རེལ་གྱི་ དྲག་པོའི་དམག་སྡེ་གིས་ བཤད་དོ་བཟུམ་འབད་བ་ཅིན་ ཁོང་གིས་ ར་ཕཱའི་སྦོ་ལོགས་ཁར་ཡོད་མི་ ས་གནས་ཤ་བུ་ར་དང་ ཏཱལ་ཨ་སུལ་ཏཱན་ཟེར་སར་དང་ བྱང་ཕྱོགས་ག་ཟ་ལུ་ གནོད་འཚུབ་བཀལ་ཏེ་ ག་ཟ་ཁྲོམ་གྱི་ ཤར་ཕྱོགས་ཁ་ཐུག་ལས་ ས་ཆ་རྒྱ་ཆེ་ཏོག་ཏོ་ཅིག་ར་ བཙན་དབང་འབད་ཡི་ཟེར་ཨིན་པས།ཨིཛ་རེལ་གྱི་ སྲུང་སྐྱོབ་བློན་པོ་ ཨིཛ་རེལ་ཀཱཛ་གིས་ ཨིཛ་རེལ་གྱི་ཁ་ཐུག་ལས་ ད་རེས་ གནད་དོན་ག་རའི་ནང་ རྒྱལ་ཁབ་འཐོབ་ཐབས་འབད་དོ་ཡོདཔ་ད་ ཁོང་གི་དམིགས་གཏད་དེ་ཡང་ ག་ཟ་ལུ་ཡོད་མི་ དམག་སྡེ་ཧ་མཱཛ་ ཕམ་གཏང་ནི་དང་ ཧ་མཱཛ་གིས་ འཛིན་བཟུང་ཐོག་ལུ་ཡོད་མི་ ཨིཛ་རེལ་གྱི་ མི་སེར་ཚུ་ ལོག་ལེན་ནི་ཚུ་ཨིནམ་སྦེ་ གསལ་བཤད་འབད་ནུག།ཨིན་རུང་ ད་རེས་ ཡེ་ཤུའི་དུས་སྟོན་ ཨིཛ་ཊར་ཟེར་མིའི་ དུས་ཚོད་རན་དོ་ཡོདཔ་ལས་ ཡེ་ཤུའི་ཆོས་འབད་མི་ཚུ་གིས་ གནོད་འཚུབ་ལུ་ འཚེར་སྣང་མ་བསྐྱེད་པར་ སྤུངས་འཛོམས་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
