World News
རླུང་འཚུབ་དོག་སུ་རི་ཟེར་མི་གིས་ རྒྱ་ནག་ལུ་ གནོད་སྐྱོན་སྦོམ་བྱུང་ཡོདཔ།
ཨེ་བི་སི། སྤྱི་ཟླ་ ༨ པའི་ཚེས་ ༡ ལུ་ རླུང་འཚུབ་དོག་སུ་རི་ཟེར་མི་གིས་ རྒྱ་ནག་བྱང་ཕྱོགས་ལུ་ ཆརཔ་ཤུགས་སྦེ་ རྐྱབ་ཡོདཔ་ལས་ མི་གྲངས་ ༢༠ ལུ་ ཤི་རྐྱེན་དང་ གཞན་མི་ ༢༢ འཚོལ་མ་ཐོབ་པར་ཡོདཔ་མ་ཚད་ སྣུམ་འཁོར་ཚུ་ཡང་ ཕྱགས་བདའ་ཡོདཔ་ཨིན་པས།རྐྱེན་ངན་དེ་ནང་ འཁོར་ལམ་ཚུ་ གཙང་ཆུ་བཟུམ་ལུ་གྱུར་ཏེ་ མི་བརྒྱ་ལས་བཅད་མི་ཚུ་ ཕན་ཚུན་འགྱོ་མ་ཚུགས་པར་ཡོདཔ་ད་ གཞན་མི་སྟོང་ཕྲག་ལས་བཅད་མི་ཚུ་ ས་ཁོངས་གཞན་ཁར་ བསྐྱལ་དགོཔ་ཐོན་ནུག།རྒྱ་ནག་གི་སྲིད་འཛིན་ ཛི་ཇིན་པིང་གིས་ འབྲེལ་ཡོད་དབང་འཛིན་ཚུ་ལུ་ མི་འཚོལ་མ་ཐོབ་མི་ཚུ་ འཚོལ་ཞིབ་འབད་ནི་དང་ དཀའ་ངལ་ནང་ཚུད་མི་ཚུ་ལུ་ ཉེན་སྐྱོབ་ཀྱི་ལཱ་ཚུ་ ཞུན་དག་འབད་དགོ་པའི་ བཀའ་རྒྱ་གནང་པའི་ཁར་ རྐྱེན་ངན་སྔོན་འགོག་དང་ འཚོ་བའི་གནས་སྟངས་ཚུ་ཡང་ སྔར་ཤུལ་ལུ་ བསྐྱར་གསོ་འབད་ནི་ཨིན་པའི་ བཀའ་རྒྱ་ཡང་ གནང་ནུག་ཟེར་ བཀོད་འདུག་པའི་གནས་ཚུལ།