འབྲུག་གི་བརྡ་བརྒྱུད་གནས་སྟངས་ བསྐྱར་ཞིབ་སྙན་ཞུ།
སྤྱི་ཟླ་ ༡༡ པའི་ཚེས་ ༢༩ ལུ་ རྒྱལ་ཡོངས་ཚོགས་སྡེའི་ བཞུགས་རིམ་ ༡༡ པའི་ནང་ མི་སྡེ་དང་ ལམ་སྲོལ་ཚོགས་ཆུང་གི་ཁྲི་འཛིན་ ཁྱད་ལྡན་གྱི་འཐུས་མི་ སྐལ་བཟང་ཆོས་སྐྱིད་རྡོ་རྗེ་གིས་ འབྲུག་གི་བརྡ་བརྒྱུད་གནས་སྟངས་ བསྐྱར་ཞིབ་སྙན་ཞུ་གུ་ ངོ་སྤྲོད་གསལ་ཞུ་ ཕུལ་ཡོདཔ་ཨིན་པས།དེ་ཡང་ འབྲུག་གི་བརྡ་བརྒྱུད་གནས་སྟངས་ བསྐྱར་ཞིབ་འབད་དགོ་པའི་ རྒྱབ་ཁུངས་དང་ དམིགས་དོན་ རྩོམ་རིགས་ཐབས་བྱུས་དང་ ཤེས་རྟོགས་ དེ་ལས་ བརྡ་བརྒྱུད་ལས་ཁང་དང་ བརྡ་བརྒྱུདཔ་ཚུ་གི་ དཀའ་ངལ་དང་ གདོང་ལན་ གྲོས་འདེབས་ཚུ་འབདཝ་ད་ དོན་ཚན་ཁག་ ༡༠ དེ་ཅིག་ ཡོངས་སུ་རྫོགསཔ་སྦེ་ གསལ་ཞུ་ཕུལ་ནུག།དེ་གི་ཤུལ་ལས་ ཚོགས་གྲལ་འཐུས་མི་ཚུ་གིས་ བསམ་འཆར་དང་ དོགས་པ་ཚུ་ བཀོད་ཡོདཔ་བཞིན་དུ་ ཚོགས་ཆུང་གི་ འབྲེལ་ཡོད་འཐུས་མི་ཚུ་གིས་ དོགས་སེལ་དང་ ལན་གསལ་ཚུ་ ཞུ་ཡོདཔ་ཨིན་པས།དེ་མ་ཚད་ སྙན་ཞུའི་དོན་ཚན་དང་ གྲོས་འདེབས་རེ་རེ་བཞིན་དུ་ལུ་ གསུང་གྲོས་ཞིབ་ཞིབ་སྦེ་ གནང་པའི་ཤུལ་ལས་ གྲོས་འདེབས་ ༡ ནང་འཁོད་ཞལ་འཛོམས་ནང་ ལེགས་བཅོས་ཀྱི་དོན་ལུ་ གནང་ཡོད་རུང་ གྲོས་འདེབས་མང་ཤོས་ཅིག་ ཆ་འཇོག་གྲུབ་ཡོད་པའི་གནས་ཚུལ།
