ཨཱཛ་ཊེ་ལི་ཡ་ལུ་ ཕོ་མོ་དང་འབྲེལ་བའི་ རྩུབ་སྤྱོད་ཀྱི་སྐོར་ལས་ ངོ་རྒོལ་འགྲེམ་སྟོན།
རོའི་ཊརཛ། ད་རེས་ནངས་པ་ ཨཱཛ་ཊེ་ལི་ཡའི་མངའ་སྡེ་ ནིའུ་ས་འུཐ་ཝཱེལ་གྱི་ལྟེ་བ་ སིཌ་ནི་དང་ ཁྲོམ་ཚོགས་གཙོ་བོ་གཞན་ཚུ་ནང་ མི་སེར་སྟོང་ཕྲག་ལས་བཅད་མི་ཚུ་གིས་ ཨམ་སྲུ་ལུ་ རྩུབ་སྤྱོད་དང་འབྲེལ་བའི་ ངོ་རྒོལ་འགྲེམ་སྟོན་ཚུ་འབད་དོ་ཡོདཔ་ཨིན་པས།སྤྱི་ཟླ་ ༤ པའི་ཚེས་ ༢༧ ལུ་ དེ་གི་སྐོར་ལས་ ཨཱཛ་ཊེ་ལི་ཡའི་བློན་ཆེན་ ཨེན་ཐོ་ནི་ ཨཱལ་བ་ནིཛ་གིས་ ཨམ་སྲུ་ལུ་ རྩུབ་སྤྱོད་འབད་ནི་དེ་ ཁྱབ་ཆེ་བའི་ གནད་དོན་ཅིག་ཨིན་ཟེར་བཤད་ནུག།ངོ་རྒོལ་འགྲེམ་སྟོན་འབད་མི་ཚུ་གིས་ ཕོ་མོའི་ཁྱད་ཆོས་དང་འབྲེལ་བའི་ ཁྲིམས་ལུགས་ཚུ་ ག་ནི་བ་ སྒྲིང་སྒྲིང་བཟོ་དགོ་པའི་ མཁོ་འདོད་བཀོདཔ་ཨིན་པས།འགྲེམ་སྟོན་ཚུ་ཡང་ དུས་ཅི་ ཉིན་གྲངས་ ༤ རེའི་བར་ན་ ཨམ་སྲུ་རེ་ དམར་བསད་འབད་བའི་ གནད་ལུ་བརྟེན་ཏེ་ ཐོན་ཡོདཔ་ད་ མདང་ཞག་ཅིག་ཁར་ ངོ་རྒོལ་འགྲེམ་སྟོན་འབད་ནི་ འགོ་བཙུགས་པའི་ཤུལ་ལས་ སིཌ་ནིའི་ཁྲོམ་ཁར་ ཨམ་སྲུ་ ༥ གིས་གཙོས་པའི་ མི་གྲངས་ ༦ གྱི་གསོབ་སྟེ་ དམར་བསད་འབད་ནུག་ཟེར་ བཀོད་འདུག་པའི་གནས་ཚུལ།