རྒྱ་ནག་གི་ ཚན་རིག་པ་ཚུ་གིས་ ནད་ཡམས་ཀོ་ཝིཌ་-༡༩ གི་ གནད་སྡུད་དཔེ་བསྐྲུན།
བི་བི་སི། རྒྱ་ནག་གི་ ཞིབ་འཚོལ་སྡེ་ཚན་ཅིག་གིས་ ལོ་ངོ་ ༣ ལྷགཔ་ཅིག་གི་རིང་ལུ་ ནད་ཡམས་ཀོ་ཝིཌ་-༡༩ ཁྱབ་སྤེལ་དང་ འབྲེལ་བ་ཡོད་མི་ ཁྲོམ་ཁ་ལས་ དཔེ་ཚད་ཚུ་ བསྡུ་ལེན་འབད་དེ་ བརྟག་དཔྱད་སྙན་ཞུ་ཅིག་ དཔེ་བསྐྲུན་འབད་ནུག།དེ་ཡང་ ནད་འབུབ་ཀྱི་འབྱུང་ཁུངས་ འཚོལ་ཞིབ་ཀྱི་དོན་ལས་ ཧུ་ནཱན་ཟེར་སར་ཡོད་མི་ རྒྱ་མཚོ་དང་ རི་དྭགས་སེམས་ཅན་གྱི་ ཚོང་ཁྲོམ་དེ་ལུ་ གཙོ་བོར་བཟུང་ཡོདཔ་ད་ ད་རེས་ཀྱི་ སྙན་ཞུ་དེ་ སྤྱི་ལོ་ ༢༠༢༠ ལུ་ ཚོང་ཁྲོམ་དེ་ནང་ལས་ སྐྱེ་ལྡན་གྱི་ སྒྲུབ་བྱེད་ཚུ་ བསྐྱར་ཞིབ་འབད་ཡོད་པའི་ སྙན་ཞུ་དང་པ་ཨིན་པས།ནད་འབུབ་དེ་ ཚོང་ཁྲོམ་ནང་བཙོངས་མི་ སེམས་ཅན་ཚུ་དང་ འབྲེལ་ཆགས་ཡོདཔ་སྦེ་ བཀོད་དེ་ཡོད་རུང་ ཁྱབ་སྤེལ་དེ་ ག་དེ་སྦེ་ འགོ་བཙུགས་ཅི་ག་གི་སྐོར་ལས་ དྲི་དཔྱད་ཀྱི་ གནད་དོན་གསརཔ་ འཐོན་སྲིད་ནི་ཨིནམ་སྦེ་ཡང་བཀོད་ནུག།ཚན་རིག་པ་ཚུ་གིས་ ཞིབ་འཚོལ་གྱི་ གྲུབ་འབྲས་དེ་གིས་ ནད་འབུབ་དེ་ འགོ་དང་པ་ སེམས་ཅན་ལས་ མི་ལུ་འབུ་ཡོད་པའི་ སྒྲུབ་བྱེད་ཁ་སྐོང་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།