གནམ་ལོ་མེ་རྟ་ཟླཝ་ ༡༠ པའི་ཚེས་ ༣ སྤྱི་ཟླ་ ༡༡ པའི་ཚེས་ ༡༢ ལུ་ རྒྱལ་ཡོངས་ཚོགས་སྡེའི་ ཚོགས་ཐེངས་ ༣༨ པ་འདི་ བཞུགས་གྲལ་ཕུན་སུམ་ཚོགས་པའི་ མཛད་རིམ་དང་བཅསཔ་སྦེ་ འགོ་བཙུགས་གནང་ཡི།
སྤྱི་ཟླ་ ༡༢ པའི་ཚེས་ ༢༦ ཚུན་ ཧ་ལམ་ཟླ་ངོ་ཕྱེད་དང་ ༢ ཀྱི་རིང་ལུ་ཚོགས་གནང་ནི་ཨིན་མི་ རྒྱལ་ཡོངས་ཚོགས་སྡེའི་ ཚོགས་ཐེངས་ ༣༨ པའི་ནང་ གནད་དོན་ཁག་ ༦ དེ་ཅིག་ལུ་ གསུང་གྲོས་གནང་སྟེ་ ཆ་འཇོག་མཛད་ནི་ཨིན་པས།
དེ་ཡང་ ཚོགས་ཐེངས་ ༣༧ པའི་ གྲོས་ཆོད་དང་ལེན་གྱི་ སྙན་ཞུ་དང་ ངན་ལྷད་བཀག་སྡོམ་ལྷན་ཚོགས་ཀྱི་ ལོ་བསྟར་སྙན་ཞུ་ ༢༠༢༥–༢༠༢༦ ཅན་མའི་གུ་ བསྐྱར་ཞིབ་སྙན་ཞུ། འབྲུག་གི་སོ་ནམ་ལས་སྡེའི་ནང་ མ་རྩ་གཞི་བཙུགས་ཀྱི་ བསྐྱར་ཞིབ་སྙན་ཞུ། འབྲུག་གི་ཁྱིམ་བཟོའི་གནས་སྟངས་གུ་ བསྐྱར་ཞིབ་སྙན་ཞུ། འབྲུག་གི་གཉེན་འབྲེལ་(འཕྲི་སྣོན་) དཔྱད་ཡིག་ ༢༠༢༦ ཅན་མ་དང་ རྒྱལ་སྤྱི་ཞི་བའི་མཁའ་འགྲུལ་གྱི་ མཐུན་གྲོས་ (འཕྲི་སྣོན་) ༢༠༢༦ ཅན་མ་ འབྲུག་གི་དངུལ་ཕོགས་བསྐྱར་བཟོའི་ དཔྱད་ཡིག་ ༢༠༢༦ ཅན་མ་ཚུ་ལུ་ གསུང་གྲོས་གནང་ནི་གི་ ལས་རིམ་ཡོདཔ་སྦེ་བཀོད་ནུག།
དེ་མ་ཚད་ རྒྱལ་ཡོངས་ཚོགས་སྡེའི་ བྱ་བའི་གནད་སྤྱོད་དང་འཁྲིལ་ཏེ་ བདུན་རིམ་བཞིན་དུ་ རེས་གཟའ་ཕུར་བུ་དང་ རེས་གཟའ་སྤེནམ་ ༢ ལུ་ དྲི་བཀོད་ལས་རིམ་ཚུ་ཡང་ འགོ་འདྲེན་འཐབ་ནི་ཨིན་པའི་གནས་ཚུལ།
འབྲུག་གི་རྒྱལ་ཡོངས་ཚོགས་སྡེའི་ ཚོགས་ཐེངས་ ༣༨ པ་ བཞུགས་གྲལ་ཕུན་སུམ་ཚོགས་པའི་སྒོ་ལས་ འགོ་བཙུགས་གནང་ཡོདཔ།
gyalchi · 1 min read
Related
འབྲུག་དང་ ཨཱཛ་ཊྲེ་ལི་ཡའི་བར་ན་ མཁའ་འགྲུལ་ཞབས་ཏོག་གི་དོན་ལུ་ གོ་དོན་ཆིངས་ཡིག།
པདྨ་དབང་འདུས། སྤྱི་ཟླ་ ༡༡ པའི་ཚེས་ ༡༢ ལུ་ འབྲུག་གཞུང་དང་ ཨཱཛ་ཊྲེ་ལི་ཡའི་ གཞུང་གི་བར་ན་ ལོ་བསྟར་ཟུང་ཕྱོགས་གྲོས་བསྟུན་དེ་ སྤྱི་ཟླ་ ༡༡ པའི་ཚེས་ ༡༢ ལུ་ ཨཱཛ་ཊྲེ་ལི་ཡའི་རྒྱལ་ས་ ཀེན་བེ་ར་ལུ་སྦེ་ འགོ་འདྲེན་འཐབ་ནུག། གྲོས་བསྟུན་དེ་ནང་ འབྲུག་གི་སྡེ་ཚན་དེ་ ཕྱི་འབྲེལ་ལྷན་ཁག་གི་དྲུང་ཆེན་ པདྨ་ལེགས་གྲུབ་རྡོ་རྗེ་གིས་ འགོ་ཁྲིད་འབད་ཡོདཔ་ད་ ཨཱཛ་ཊྲེ་ལི་ཡའི་སྡེ་ཚན་དེ་ ཨཱཛ་ཊྲེ་ལི་ཡའི་ ཕྱི་འབྲེལ་དང་ ཚོང་འབྲེལ་ལས་ཁུངས་འོག་གི་ ལྷོ་དང་ཤར་ལྷོ་ཨེ་ཤི་ཡའི་ དྲུང་ཆེན་འོགམ་ ཨམ་མི་ཤེལ་ཅཱན་གྱིས་ འགོ་ཁྲིད་འབད་ཡོདཔ་ཨིན་པས། དེ་བསྒང་ ཕྱོགས་གཉིས་ཆ་རའི་ ཁ་ཐུག་ལས་ འབྲུག་དང་ ཨཱཛ་ཊྲེ་ལི་ཡའི་ ཟུང་ཕྱོགས་མཐུན་འབྲེལ་དེ་ ཆེ་མཐོའི་འགོ་དཔོན་ཚུ་གི་ ཕན་ཚུན་བརྗེ་སོར་དང་ མི་སེར་ཚུ་གི་བར་ན་ མཐུན་ལམ་ཚུ་ ཡར་སེང་ཐོག་ལས་ གོང་འཕེལ་སོང་ཡོད་མི་ལུ་ ངལ་རངས་ཡོད་ལུགས་ཚུ་ བཤད་ཡོདཔ་མ་ཚད་ ད་ལས་ཕར་ཡང་ མཐའ་དོན་གཅིག་པའི་ གནད་དོན་དང་ མནོ་དོན་གཅིག་པའི་ བརྩི་མཐོང་ཚུ་ལུ་ གཞི་བརྟེན་ཏེ་ ཟུང་ཕྱོགས་མཐུན་འབྲེལ་དེ་ བཙན་ཐབས་འབད་ནི་ལུ་ ཁས་ལེན་བསྐྱར་གསོ་འབད་ནུག། གྲོས་བསྟུན་དེ་ནང་ […]
ཐིམ་ཕུ་ལུ་ བྱང་སྟོར་ཤོར་མི་ བུམོ་ཅུང་ཅིག་ ཕུངམོ་སྦེ་ཐོབ་ཡོདཔ།
སྤྱི་ཟླ་ ༡༡ པའི་ཚེས་ ༦ ལུ་ སྐྱེས་ལོ་ ༡༢ འབད་མི་ བུམོ་ཅུང་ཅིག་ བྱང་སྟོར་ཤོར་མི་དེ་ སྤྱི་ཟླ་ ༡༡ པའི་ཚེས་ ༧ ལུ་ རྒྱལ་གཞུང་འབྲུག་གི་འགག་སྡེ་གིས་ བྱང་ཐིམ་ཕུ་ལས་ ཕུངམོ་སྦེ་ ཐོབ་ཡོདཔ་ཨིན་པས། དེ་ཡང་ དེ་ཚེ་ནུབ་མོ་ བུམོ་དེ་བྱང་པའི་སྐོར་ལས་ སྙན་ཞུ་འབྱོར་མ་ཐག་ཏུ་ རྒྱལ་གཞུང་འབྲུག་གི་འགག་སྡེ་གིས་ གནད་དོན་དེ་ གལ་གནད་ཅན་སྦེ་རྩིས་ཏེ་ དེ་འཕྲལ་ལས་ འཚོབ་ཞིབ་འབད་ནི་ འགོ་བཙུགས་ནུག། ཨིན་རུང་ དེ་ཚེ་ འཚོལ་མ་ཐོབ་ལས་ དེ་གི་ནངས་པར་ འཕྲོ་མཐུད་དེ་ར་ འཚོལ་ཞིབ་འབད་ཡོདཔ་བཞིན་དུ་ དང་པ་ར་ ཚལ་མའི་ནང་ལས་ སློབ་གྲྭའི་སྒྲིག་གོ་ལྷམ་ཅིག་ མཐོང་ཡོདཔ་ད་ དེ་ལས་ རིམ་པ་བཞིན་དུ་སྦེ་ གྱོན་ཆས་ཚུ་དང་ མཐར་ཐུག་ལུ་ ཕུངམོ་དེ་ཡང་ སྦ་བཞག་ཡོདཔ་སྦེ་ མཐོང་ཡོདཔ་ཨིན་པས། མི་སྡེ་བརྡ་བརྒྱུད་དང་ བརྡ་བརྒྱུད་ལ་ལོ་ཅིག་ནང་ དོགས་པ་ཅན་ ༤ འཛིན་བཟུང་འབད་དེ་ཡོདཔ་སྦེ་ བཀོད་དེ་ཡོད་རུང་ རྒྱལ་གཞུང་འབྲུག་གི་འགག་སྡེ་གིས་ ད་ལྟོ་ དབྱེ་ཞིབ་འབད་བའི་བསྒང་ཨིནམ་ལས་ […]
དགེ་ལེགས་ཕུག་ལུ་བཞེངས་མི་ བྱང་ཆུབ་མཆོད་རྟེན་ ༡༠༨ འགྲོ་བ་མིའི་འབྱུང་རབས་ནང་ ཡ་མཚན་ཅན་གྱི་བརྡ་མཚོན།
སྤྱི་ཟླ་ ༡༡ པའི་ཚེས་ ༡ ལུ་ མི་དབང་མངའ་བདག་རིན་པོ་ཆེ་མཆོག་གི་ ཐུགས་དགོངས་ལས་འཁྲུངས་པའི་ བྱང་ཆུབ་མཆོད་རྟེན་ ༡༠༨ གསར་བཞེངས་གནང་མི་དེ་ གི་ནིཛ་འཛམ་གླིང་གི་ ཐོ་གཞུང་ནང་ལུ་ ས་ཁོངས་མ་འདྲ་བའི་ནང་ མཆོད་རྟེན་གྱངས་ཁ་མཐོ་ཤོས་ དུས་མཉམ་ལུ་ རབ་གནས་གནང་ཡོད་པའི་ ཐོ་བཀོད་གསརཔ་སྦེ་ ཚུད་དེ་ཡོདཔ་ཨིན་པས། བྱང་ཆུབ་མཆོད་རྟེན་ ༡༠༨ བཞེངས་གནང་ནི་གི་ དགོངས་འཆར་དེ་ དུས་ཅི་ སྤྱི་ཟླ་ ༢ པའི་ཚེས་ ༢༡ ལུ་ གསལ་བསྒྲགས་གནང་སྟེ་ ཟླ་ངོ་ ༨ ཀྱི་ཤུལ་ལས་ མཆོད་རྟེན་ཡོངས་རྫོགས་ དུས་ཡུན་ཆུ་ཚོད ༨ དང་ སྐར་ཆ་ ༥༤ གི་ ནང་འཁོད་ལུ་ མཇུག་བསྡུ་ནུག། ཡོ་བྱད་ཐོག་ལས་ མ་ཎི་གྱངས་ནི་དེ་ཡང་ རྒྱལ་སྤྱིའི་གནས་རིམ་ནང་ གོ་སྐབས་སྤེལ་ཡོདཔ་ལས་ སྤྱི་ཟླ་ ༡༡ པའི་ཚེས་ ༡ ཚུན་ལུ་ ས་ཡ་ ༨,༠༠༠ དེ་ཅིག་ ཐོབ་ཡོདཔ་ད་ དགེ་ལེགས་ཕུག་ལུ་ […]
Leave a Reply