སྤྱི་ཟླ་ ༡༠ པའི་ཚེས་ ༡༧ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ རྒྱལ་ཁབ་ནང་འཁོད་ཀྱི་ རྫོང་ཁག་ ༢༠ ག་རའི་ནང་ བཀྲམ་སྤེལ་གྱི་དོན་ལས་ ལྷ་མོ་རྫོང་གཉེར་མའི་ དུས་སྟོན་གྱི་ རྒྱལ་འཛིན་ད་ས་ཡིན་ ཊི་ཀ་ལུ་ བྱིན་གྱིས་བརླབས་གནང་ནུག།
ད་ས་ཡིན་དེ་ འབྲུག་གི་ཧི་དུའི་མི་སྡེ་ནང་ གལ་གནད་ཆེ་བའི་ དུས་སྟོན་ཅིག་ཨིནམ་ད་ དེ་ཡང་ རྒྱལ་ཁབ་ནང་གི་ ཧིན་དུའི་ལྷ་ཁང་ཚུ་ནང་ ཉིན་གྲངས་ ༡༠ གྱི་རིང་ལུ་ གསུང་ཆོག་ཚུ་གནངམ་ཨིན་པས།
དེ་སྦེ་ དུས་སྟོན་གྱི་ གསུང་ཆོག་ཚུ་ མཇུག་བསྡུ་བའི་ཤུལ་ལུ་ ཊི་ཀ་ཟེར་ ཆུམ་དང་ ཞོ་ ཚོས་གསར་ཚུ་ སླ་བསྲེས་ཏེ་ བཟའ་ཚང་ནང་མི་ཚུ་གི་ དཔྱལ་བ་ལུ་ སྦྱར་སྲོལ་ཡོདཔ་ད་ དེ་ཡང་ དཔྱལ་བར་ཊི་ཀ་ཐོབ་མི་ཚུ་ལུ་ ལྷ་མོ་རྫོང་གཉེར་མའི་ བྱིན་རླབས་ལུ་བརྟེན་ཏེ་ འགལ་རྐྱེན་བར་ཆད་ཚུ་ལས་ སྲུང་སྐྱོབ་འབད་བའི་ བརྡ་མཚོན་སྟོནམ་ཨིན་ཟེར་བཀོད་ནུག།
དེ་བཟུམ་མའི་ རྒྱལ་འཛིན་ཊི་ཀའི་ ལམ་སྲོལ་གྱི་ཐེད་ཁར་ རྒྱལ་ཁབ་མཐའ་དབུས་ག་རའི་ནང་ བཀྲམ་སྤེལ་འབད་མི་དེ་གིས་ མི་སེར་ཚུ་ལུ་ འབྲུག་བརྒྱུད་འཛིན་གྱི་ མངའ་བདག་རྒྱལ་པོ་མཆོག་གིས་ སྲུང་སྐྱོབ་མཛད་པའི་ བརྡ་མཚོན་ལུ་ཨིན་ཟེར་ གནས་ཚུལ་གསར་བཏོན་ནང་ བཀོད་འདུག་པའི་གནས་ཚུལ།
མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་མཆོག་གིས་ རྒྱལ་འཛིན་ད་ས་ཡིན་ ཊི་ཀ་ལུ་ བྱིན་གྱིས་བརླབས་གནང་ཡོདཔ།
gyalchi · 1 min read
Related
སྐྱབས་མགོན་རྒྱལ་ཚབ་རིན་པོ་ཆེ་མཆོག་གིས་ ཐིམ་ཕུ་ཅང་གླིང་མའི་ཐང་ནང་ དབུ་ཞྭ་མཐོང་གྲོལ་ཆེན་མོའི་ མཇལ་ཁ་གནང་ཡོདཔ།
རང་ཟླ་ ༩ པའི་ཚེས་ ༧ སྤྱི་ཟླ་ ༡༠ པའི་ཚེས་ ༡༧ ལུ་ སྐྱབས་མགོན་རྒྱལ་བའི་རྒྱལ་ཚབ་ དྲུང་གཽ་ཤྲི་རིན་པོ་ཆེ་མཆོག་གིས་ ཐིམ་ཕུ་ཅང་གླིང་མའི་ཐང་ འཛམ་གླིང་ཞི་བདེའི་ སྨོན་ལམ་ཆེན་མོའི་ཐང་ནང་སྦེ་ དད་ལྡན་མི་སེར་ལུ་ དབུ་ཞྭ་མཐོང་གྲོལ་རིན་པོ་ཆེའི་ མཇལ་ཁ་དང་འབྲེལ་ཏེ་ མ་གཅིག་གྲུབ་པའི་རྒྱལ་མོའི་ལུགས་ཀྱི་ ཚེ་དབང་གནང་ཡི། དེ་ཡང་ སྐྱབས་མགོན་རྒྱལ་བའི་རྒྱལ་ཚབ་ དྲུང་གཽ་ཤྲི་རིན་པོ་ཆེ་སྐུ་ཕྲེང་གཉིས་པ་ བཀྲ་ཤིས་རྣམ་རྒྱལ་མཆོག་ལས་ འགོ་བཙུགས་ཏེ་ ད་རེས་ ཞལ་བཞུགས་མི་ སྐྱབས་མགོན་རྒྱལ་བའི་རྒྱལ་ཚབ་ དྲུང་གཽ་ཤྲི་རིན་པོ་ཆེ་ སྐུ་ཕྲེང་བཅུ་གཉིས་པ་ གྲགས་པ་མི་འགྱུར་གོ་ཆ་མཆོག་ཚུན་ཚོད་ སྐུ་ཕྲེང་བཅུ་གཅིག་གིས་ མི་ལོ་ ༥༠༠ ལྷགཔ་ཅིག་གི་རིང་ལུ་ བཞེས་གནང་མི་ དབུ་ཞྭ་མཐོང་གྲོལ་ གསེར་གྱི་མདོག་ཅན་ཨིན་པས། དབུ་ཞྭ་དེ་ རྒྱལ་དབང་ཀརྨ་པ་བདུན་པ་ ཆོས་གྲགས་རྒྱ་མཚོ་མཆོག་ལུ་ (༡༤༥༤-༡༥༠༦) ཨོ་རྒྱན་གུ་རུ་རིན་པོ་ཆེ་གིས་ ལུང་བསྟན་གནང་དོ་བཟུམ་སྦེ་ རྒྱལ་དབང་ཀརྨ་པ་ སྐུ་འཕྲེང་བདུན་པ་གིས་ བླ་མ་དགོངས་འདུས་ཀྱི་སྒོ་ལས་ ཞྭ་དམར་གསེར་གྱི་མདོག་ཅན་ བསྒྲུབས་གནང་སྟེ་ མགོན་པོ་འོད་དཔག་མེད་དང་ དབྱེ་བ་མེད་པར་ བྱིན་གྱིས་བརླབས་ཏེ་ རྒྱལ་ཚབ་སྐུ་ཕྲེང་གཉིས་པ་ བཀྲ་ཤིས་རྣམ་རྒྱལ་གྱི་ (༡༤༨༧-༡༥༡༥) དབུ་ལུ་གསོལ་ཏེ་ […]
མི་དབང་རྒྱལ་བཙུན་མཆོག་ དགེ་ལེགས་ཕུག་ལུ་ ཆིབས་བསྐྱོད་གནང་ཡོདཔ།
སྤྱི་ཟླ་ ༡༠ པའི་ཚེས་ ༡༤ ལུ་ མི་དབང་རྒྱལ་བཙུན་མཆོག་ སྤྱི་ཟླ་ ༡༡ པའི་ཚེས་ ༡ ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བྱང་ཆུབ་མཆོད་རྟེན་ ༡༠༨ བཞེངས་གནང་ནི་ཨིན་མི་ལུ་ གྲ་སྒྲིག་ཚུ་ ཞིབ་དཔྱད་གནང་པར་ དགེ་ལེགས་ཕུག་ལུ་ ཕྱག་ཕེབས་གནང་ནུག། རིང་ཚད་མི་ཊར་ ༡༥ རེ་འབད་མི་ བྱང་ཆུབ་མཆོད་རྟེན་ཚུ་ བར་ན་ས་སྟོང་ མི་ཊར་ ༡༠༠ རེ་ བཞག་གནང་སྟེ་ མའུ་གཙང་ཆུའི་ མཐའམ་བདའ་སྟེ་ བཞེངས་གནང་ནི་དང་ དེ་ཡང་ དུས་ཅི་ སྤྱི་ཟླ་ ༢ པའི་ནང་ གསལ་བསྒྲགས་གནང་མི་ མི་དབང་མངའ་བདག་རིན་པོ་ཆེའི་ ཐུགས་དགོངས་ལས་འཁྲུངས་པའི་ རྒྱལ་རབས་ཅན་གྱི་ ལས་འགུལ་ཅིག་ཨིན་པས། སྤྱི་ཟླ་ ༡༡ པའི་ཚེས་ ༡ ལུ་ བྱང་ཆུབ་མཆོད་རྟེན་དེ་ཚུ་ བཞེངས་གནང་པའི་སྐབས་ལུ་ མི་དབང་མངའ་བདག་རིན་པོ་ཆེ་ ཡབ་མེས་སྲས་སྲོས་དང་ མི་དབང་སྐུ་འཁོར་ལྷན་རྒྱས་ཀྱིས་ དབུ་གཙོས་པའི་ གཞུང་གི་འགོ་དཔོན་ཚུ་དང་ ཆོས་འབྲེལ་འགོ་ཁྲིདཔ་ […]
སྤ་རོ་རྫོང་ཁག་གི་ ལོ་བསྟར་སྨོན་ལམ་ཆེན་མོ་ འགོ་བཙུགས་གནང་ཡོདཔ།
མེ་རྟ་ཟླཝ་ ༨ པའི་ཚེས་ ༣༠ སྤྱི་ཟླ་ ༡༠ པའི་ཚེས་ ༡༠ ལས་ ཉིན་གྲངས་ ༣ གྱི་རིང་ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལས་ སྤ་རོ་རྫོང་ཁག་གི་ འཛམ་གླིང་ཞི་བདེའི་ ལོ་བསྟར་སྨོན་ལམ་ཆེན་མོ་ འགོ་བཙུགས་གནང་ནུག། དེ་ཡང་ རང་ཟླ་ ༨ པའི་ཚེས་ ༡༥ སྤྱི་ཟླ་ ༩ པའི་ཚེས་ ༢༦ ལས་ བདུན་ཕྲག་ ༢ ཀྱི་རིང་ལུ་ དཔལ་ལྡན་འབྲུག་པའི་ བཀའ་ཁྲིད་གནང་མི་དེ་ རང་ཟླ་ ༨ པའི་ཚེས་ ༢༩ སྤྱི་ཟླ་ ༡༠ པའི་ཚེས་ ༩ ལུ་ བླ་མ་དགོངས་པ་འདུས་པའི་ བཀའ་དབང་ཡོངས་རྫོགས་གནང་སྟེ་ གྲོལ་གནང་མི་དང་ འཕྲོ་མཐུད་དེ་ར་ སྨོན་ལམ་ཆེན་མོ་ ཐེངས་ ༡༢ པ་དེ་ གནང་དོ་ཡོདཔ་ཨིན་པས། དེ་བསྒང་ སྤ་རོ་ལུ་ སྐྱབས་རྗེ་རིན་པོ་ཆེའི་ཞབས་ལས་ བཀའ་ཁྲིད་ཟབ་མོ་དང་ […]
Leave a Reply