བང་ལ་དེཤ་ལུ་ འབུ་ནད་དམར་ཅནམ་དེ་ དར་ཁྱབ་སོང་ཡོདཔ་ལས་ སྨན་ཁབ་ཀྱིས་ མ་ལང་པའི་དཀལ་ངལ།

རོའི་ཊརཛ།
བང་ལ་དེཤ་ལུ་ དབུ་ནད་དམར་ཅནམ་ ཐོན་ཏེ་ཡོདཔ་ལས་ གཞན་རྒྱལ་ཁབ་ཚུ་ལུ་ ཉེན་ཁ་ཚབས་ཆེན་ཡོད་པའི་ ཉེན་བརྡ་འབད་ཡོདཔ་ད་ རྒྱལ་ཁབ་དེ་ནང་ དམར་ཅནམ་དེ་ ཚབས་ཆེན་སྦེ་ར་ ཁྱབ་སྤེལ་སོང་སྟེ་ཡོདཔ་ལས་ སྨན་ཁབ་ཀྱིས་ མ་ལང་པའི་ དཀའ་ངལ་ཐོན་ཏེ་ཡོདཔ་ཨིན་པས།
དེ་ཡང་ སྤྱི་ལོ་ ༢༠༢༥ ལུ་ ནམ་རྒྱུན་གྱི་ དམར་ཅན་སྨན་ཁབ་ བཙུགས་ནི་གི་ལས་རིམ་ལུ་ ཐོགས་ཆ་བྱུང་ཡོདཔ་ད་ འཛམ་གླིང་གསོ་བའི་ལས་སྡེ་གིས་ མི་གྲངས་ ༢༠༢,༠༠༠ དེ་ཅིག་ལུ་ དམར་ཅནམ་ཐོབ་སྟེ་ཡོད་པའི་ དོགས་པ་ཡོདཔ་སྦེ་བཀོད་ནུག།
དུས་ཅི་ སྤྱི་ཟླ་ ༣ པའི་ ཟླ་ཕྱེད་ལས་ སྤྱི་ཟླ་ ༡༠ པའི་ཚེས་ ༩ ཚུན་ལུ་ བརྟག་དཔྱད་ཁང་ཚུ་གིས་ མི་གྲངས་ ༢༢,༠༠༠ ལུ་ དམར་ཅན་ཐོབ་ཡོདཔ་སྦེ་ གཏན་འཁེལ་འབད་ཡོདཔ་ད་ ག་ནི་བ་ཡང་ འབུ་ཤུགས་ཆེ་བའི་ དམར་ཅནམ་ལུ་བརྟེན་ཏེ་ ད་ཚུན་གྱི་བར་ན་ མི་གྲངས་ ༡,༡༤༧ དེ་ཅིག་ལུ་ ཤི་རྐྱེན་བྱུང་ཡོད་མི་ལས་ བརྒྱ་ཆ་ ༩༤ དེ་ཅིག་ སྐྱེས་ལོ་ ༥ མན་ཆད་འབད་མི་ ཨ་ལོ་ཚུ་ཨིན་པས།
བང་ལ་དེཤ་ལུ་ དེ་བཟུམ་མའི་ འབུ་ནད་དང་འབྲེལ་བའི་ གནས་སྡུད་ཚུ་ དཀོན་དྲགས་འབདཝ་ལས་ ཨ་ལོ་ས་ཡ་ལས་བཅད་མི་ཚུ་ལུ་ གློ་བུར་སྨན་བཅོས་ཀྱི་ གོ་སྐབས་མི་ཐོབ་དོ་ཡོདཔ་ད་ ནིའུ་ཡོག་རྒྱལ་སྤྱི་མི་མང་འཕྲོད་བསྟེན་སློབ་གྲྭའི་ནང་ འཛམ་གླིང་གསོ་བ་ཚོགས་པའི་ སྨན་ཁབ་གྲོས་དཔོན་ མཱག་ཇིད་ཀྱིས་ དེ་བཟུམ་མའི་ གནས་སྟངས་ནང་ རྒྱལ་ཁབ་ག་ར་ལུ་ ཉེན་བརྡ་འབད་དགོཔ་ གལ་ཆེ་བའི་སྐོར་ལས་ གསལ་བཤད་འབད་ནུག།
སྨན་ཁབ་གྲོས་དཔོན་གྱིས་ འབུ་ནད་ཁྱབ་སྤེལ་སྐབས་ལུ་ གློ་བུར་གྱི་ གདོང་ལན་དང་ཕྱདཔ་ད་ བཀག་ཐབས་འབད་ནི་དེ་ འཇམ་ཏོང་ཏོ་དང་ ཉེན་སྲུང་ཅན་ དེ་ལས་ གནས་གོང་ཡང་ཉུང་སུ་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།