ར་ཤི་ཡ་གིས་ ཏཱ་ལི་བཱན་གཞུང་གི་ དབང་འཛིན་ཚུ་ལུ་ ཕྱད་མདའི་གྲོགས་རམ་འབད་ནི།

རོའི་ཊརཛ།
སྤྱི་ཟླ་ ༥ པའི་ཚེས་ ༢ ལུ་ ར་ཤི་ཡའི་ གཞུང་ཚབ་བགྲེསཔ་ ཟ་མིར་ཀ་བུ་ལོབ་ཀྱིས་ བཤད་དོ་བཟུམ་འབད་བ་ཅིན་ ར་ཤི་ཡའི་ཁ་ཐུག་ལས་ ཨཕ་གྷ་ནིཛ་ཏཱན་གྱི་ ཏཱ་ལི་བཱན་གཞུང་ལུ་ ཨིཛ་ལཱ་མིག་ གཡིབ་དམག་ཚུ་དང་ ཕྱད་མདའ་རྐྱབ་ནིའི་དོན་ལས་ གྲོགས་རམ་འབད་འོང་ཟེར་ཨིན་པས།
དེ་ཡང་ ཏཱ་ལི་བཱན་གཞུང་ལུ་ ངོ་རྒོལ་འབད་མི་ ཨིཛ་ལཱ་མིག་མངའ་སྡེ་ ཁོ་ར་སཱན་གྱི་ ཨའི་ཨེཛ་ཨའི་ཨེཛ་ཟེར་མི་ གཡིབ་དམག་དེ་ ར་ཤི་ཡ་དང་ ཨཕ་གྷ་ནིཛ་ཏཱན་ ༢ སྤྱི་མཐུན་གྱི་ དགྲ་བྱང་ཕྱད་ཨིནམ་སྦེ་ གནས་ཚུལཞལ་འཛོམས་ཅིག་ནང་ གསལ་བཤད་འབད་ནུག།
སྤྱི་ལོ་ ༢༠༢༡ སྤྱི་ཟླ་ ༨ པའི་ནང་ ཡུ་ཨེཛ་གིས་ འགོ་འཁྲིད་འབད་མི་ དམག་མི་ཚུ་གིས་ ལོ་ངོ་ ༢༠ གི་རིང་ལུ་ དམག་འཁྲུག་ལང་པའི་ཤུལ་ལས་ ཡུ་ཨེཛ་གི་ དམག་མི་ཚུ་ ཨཕ་གྷ་ནིཛ་ཏཱན་ལས་ ཕྱིར་འཐེན་འབད་མི་ལུ་བརྟེན་ཏེ་ དབང་ཚད་འཕྱོག་མི་ ཏཱ་ལི་བཱན་གཞུང་དེ་ ད་ཚུན་གྱི་བར་ན་ རྒྱལ་ཁབ་ག་གིས་ཡང་ ངོས་ལེན་མ་འབད་བར་ཡོདཔ་ཨིན་པས།
ཨིན་རུང་ ར་ཤི་ཡ་གིས་ སྤྱི་ལོ་ ༢༠༠༣ ལུ་ ཏཱ་ལི་བཱན་དེ་ ངོ་རྒོལ་ཚོགས་པའི་ ཐོ་ནང་ལས་ གཞུང་འབྲེལ་དུ་ བཏོན་བཏང་ནུག་ཟེར་ བཀོད་འདུག་པའི་གནས་ཚུལ།