བི་བི་སི།
སྤྱི་ཟླ་ ༢ པའི་ཚེས་ ༡༧ ལུ་ ཌེལ་ཊ་ཨེ་ཡར་ལེནཛ་ཟེར་མི་ གནམ་གྲུ་ཅིག་ ཀེ་ན་ཌ་ ཊོ་རོན་ཊོ་ པ་འཱུལ་རྒྱལ་སྤྱི་གནམ་ཐང་ནང་ ཆགས་པའི་སྐབས་ལུ་ ཁ་ཆར་དང་ རླུང་མ་ཤུགས་ཅན་ལུ་བརྟེན་ཏེ་ ཐུག་རྐྱེན་བྱུང་ཡོདཔ་ལས་ མཁའ་འགྲུལཔ་ ༨༠ ཡོད་ས་ལས་ ༡༨ ལུ་ རྨ་སྐྱོན་བྱུང་ནུག།
དེ་སྦེ་ རྨ་སྐྱོན་བྱུང་མི་ཚུ་གི་གྲས་ལས་ ཨ་ལོ་ཅིག་གི་ གནས་སྟངས༌འཚུབ༌དྲགས༌སྦེ༌ཡོདཔ༌མ༌ཚད༌ ནདཔ༌གཞན༌མི༌ ༡༥ ཡང༌ དེ་འཕྲལ་ལས་ སྨན་ཁང་ནང་ བསྐྱལ་ཡི་ཟེར་ གནམ་གྲུ་ཐང་གི་ དབང་འཛིན་ཚུ་གིས་ བཤད་ཡོདཔ་ཨིན་པས།
དེ་བསྒང་ གནམ་གྲུ་དེ་ནང་ མཁའ་འགྲུལཔ་ ༧༦ དང་ གནམ་གྲུའི་ལས་བྱེདཔ་ ༤ སྡོད་ཡོདཔ་ད་ གནམ་གྲུ་དེ་ལུ་ ཐུག་རྐྱེན་བྱུང་པའི་ཤུལ་ལས་ བརྙན་ཐུང་ནང་ བལྟ་བའི་སྐབས་ལུ་ གནམ་གྲུའི་གཤོགཔ་ ལོགས་གཅིག་མེད་པའི་ གསལ་སྟོན་བྱུང་ནུག།
མི་གྲངས་ ༩༠ ཤོང་མི་ སི་ཨར་ཇེ་༩༠༠ གནམ་གྲུ་དེ་ བཟོ་བསྐྲུན་འབད་དེ་ ལོ་ངོ་ ༡༦ སོང་ཡོདཔ་ད་ གནམ་གྲུ་དེ་ལུ་ ཐུག་རྐྱེན་བྱུང་མིའི་སྐོར་ལས་ ཞིབ་དཔྱད་ཚུ་འབད་དོ་ཡོདཔ་ཨིན་རུང་ ཁ་གསལ་སྦེ་ ཤེས་མ་ཚུགས་པས་ཟེར་ བཀོད་འདུག་པའི་གནས་ཚུལ།
