བྱང་ཀོ་རི་ཡའི་ སྲིད་འཛིན་གྱིས་ དམག་འཁོར་གསརཔ་ཅིག་བདའ་སྟེ་ འགྲེམ་སྟོན་ནང་གྲལ་གཏོགས།

རོའི་ཊརཛ།
སྤྱི་ཟླ་ ༣ པའི་ཚེས་ ༡༣ ལུ་ བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ དམག་འཁོར་གསརཔ་ཅིག་བདའ་སྟེ་ དམག་སྡེའི་འགྲེམ་སྟོན་ནང་ གྲལ་གཏོགས་མཛད་ཡོདཔ་ད་ དེ་ཡང་ ལྷོ་ཀོ་རི་ཡ་དང་ ཡུ་ཨེཛ་ ༢ མཉམ་འབྲེལ་ཐོག་ལས་ ལོ་བསྟར་དམག་སྦྱོང་ མཇུག་བསྡུ་བའི་ཤུལ་ལུ་ འགོ་འདྲེན་འཐབ་ནུག།
འགྲེམ་སྟོན་དེ་ དམག་འཁོར་ཐོག་ལས་ དམག་རྐྱབ་མི་ཚུ་གི་ ལྕོགས་གྲུབ་དབྱེ་ཞིབ་དང་ དམག་གི་ཐབས་བྱུས་ཚུ་གི་སྐོར་ལས་ དམག་མི་ཚུ་ལུ་ གོམས་འདྲིས་སྦྱོང་བརྡར་གྱི་དོན་ལས་ བཀོད་སྒྲིག་འབད་ཡོདཔ་ཨིན་པས།
འགྲེམ་སྟོན་དེ་ནང་ བྱང་ཀོ་རི་ཡའི་ སྲུང་སྐྱོབ་བློན་པོ་ ཀང་སུན་ནམ་གྱིས་ཡང་ གྲལ་གཏོགས་འབད་ཡོདཔ་ད་ དམག་སྦྱོང་ཚུ་གི་མིང་ཡང་ རང་དབང་གི་ དགྲ་ལི་ཟེར་བཏགས་ནུག།
ལྷོ་ཀོ་རི་ཡ་དང་ ཡུ་ཨེཛ་མཉམ་འབྲེལ་གྱི་ དམག་སྦྱོང་དང་འབྲེལ་ཏེ་ ལྷོ་ཀོ་རི་ཡའི་ དམག་སྡེ་གིས་ འདས་པའི་བདུན་ཕྲག་ནང་ ས་གནས་པུན་ཅེན་ཟེར་སར་ཡོད་མི་ དམག་སྒར་ནང་སྦེ་ མཚོན་ཆའི་ལྡེའུ་ཚུ་ ངོ་མ་སྦེ་ར་ ལག་ལེན་འཐབ་སྟེ་ དམག་སྦྱོང་འབད་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།