བྱང་ཀོ་རི་ཡའི་ སྲིད་འཛིན་གྱིས་ དམག་འཁྲུག་གི་དོན་ལས་ གྲ་སྒྲིག་སྡོད་དགོ་པའི་ བཀའ་རྒྱ་གནང་ཡོདཔ།

རོའི་ཊརཛ།
སྤྱི་ཟླ་ ༡༢ པའི་ཚེས་ ༡ ལུ་ བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ དྲག་པོའི་དམག་སྡེ་ལུ་ དགྲ་བྱང་ཕྱད་ག་གིས་འབད་རུང་ ཕུང་དཀྲུགས་རེ་འབད་བ་ཅིན་ གདོང་ལན་གྱི་དོན་ལས་ གྲ་སྒྲིག་འབད་ སྡོད་དགོ་པའི་ བཀའ་རྒྱ་གནང་ནུག།
དེ་ཡང་ བྱང་ཀོ་རི་ཡའི་ ཁ་ཐུག་ལས་ རྒྱལ་ཁབ་ཀྱི་ལྷོ་ཕྱོགས་ལུ་ ལྷོ་ཀོ་རི་ཡ་དང་གཅིག་ཁར་ཡོད་མི་ ས་མཚམས་བདའ་སྟེ་ སྔར་བ་སྟོབས་ཤུགས་ཆེ་བའི་ དམག་མི་ཚུ་ གོ་མཚོན་གསརཔ་ཚུ་དང་སྦྲགས་ཏེ་ བཙུགས་ནི་ཨིན་པའི་ ཁས་བླངས་འབད་ཡོདཔ་ཨིན་པས།
བྱང་ཀོ་རི་ཡ་གིས་ འདས་པའི་ཟླཝ་ནང་ གསང་ཞིབ་འཕྲུལ་སྐར་ ༡ མཁའ་དབྱིངས་ལུ་ བཏང་ཞིནམ་ལས་ཚུར་ ལྷོ་ཀོ་རི་ཡ་དང་གཅིག་ཁར་ ཧེང་སྐལ་ར་ མ་འགྲིགསཔ་ཐལཝ་ལས་ ལྷོ་ཀོ་རི་ཡ་གིས་ སྤྱི་ལོ་ ༢༠༡༨ ལུ་ རྒྱལ་ཁབ་གཉིས་ཀྱི་བར་ན་ དྲག་པོའི་ཆིངས་ཡིག་ཅིག་ བཟོ་སྟེ་ཡོད་མིའི་ གནད་དོན་གཙོ་བོ་ཅིག་ལུ་ ཆ་གནས་མཚམས་འཇོག་འབད་ནུག།
ཀིམ་ཇོང་ཨཱན་གྱིས་ ཕྱད་མདའ་ངོ་མ་རྐྱབ་ནི་ལུ་ གྲ་སྒྲིག་གི་དོན་ལས་ ལྕོགས་གྲུབ་ཡར་སེང་འབད་དགོཔ་སྦེ་ གསུངས་པའི་ཁར་ ལེགས་སྒྱུར་གྱི་ ལམ་སྟོན་ཚུ་ཡང་ གནང་ཡོདཔ་སྦེ་ཨིན་པས།
གལ་སྲིད་ བྱང་ཕྱད་ཀྱིས་ ཕུང་དཀྲུགས་རེ་འབད་བ་ཅིན་ དམག་འཐབ་ཀྱི་ གདོང་ལན་དང་འབྲེལ་ཏེ་ ལག་ལེན་དང་ སྲིད་བྱུས་ཚུ་གི་སྐོར་ལས་ གསུངས་ཡོདཔ་མ་ཚད་ བྱ་སྟབས་མ་བདེ་བའི་ གནས་སྟངས་རེ་འཐོན་རུང་ མཁའ་དམག་གི་དོན་ལས་ གྲ་སྒྲིག་ཡོད་མི་ལུ་ཡང་ ཡིད་རངས་དང་ བསྟོད་སྔགས་མཛད་ནུག།
སྤྱི་ཟླ་ ༡༢ པའི་ཚེས་ ༡ ལུ་ ཡུ་ཨེཛ་དང་ ལྷོ་ཀོ་རི་ཡའི་ ཁ་ཐུག་ལས་ཡང་ བྱང་ཀོ་རི་ལུ་ དམིགས་གཏད་བསྐྱེད་ཐོག་ལས་ འབྲེལ་དོན་བཀག་ཆ་ཚུ་གི་ གསལ་བསྒྲགས་འབད་ནུག་ཟེར་ བཀོད་འདུག་པའི་གནས་ཚུལ།