པ་ཀིཛ་ཏཱན་ལུ་ ཁྲིམས་སྲུང་འགག་སྡེའི་ སྣུམ་འཁོར་ཅིག་གི་ ཉེ་འདབས་ལུ་ རྫས་བམ་གས་རྐྱེན།

ཨེ་བི་སི།
སྤྱི་ཟླ་ ༡༠ པའི་ཚེས་ ༣ ལུ་ པ་ཀིཛ་ཏཱན་གྱི་ ནུབ་བྱང་ས་ཁོངས་ཅིག་ནང་ ཁྲིམས་སྲུང་འགག་སྡེའི་ སྣུམ་འཁོར་ཅིག་གི་ ཉེ་འདབས་ལུ་ འཁོར་ལོ་འབད་མི་ སྣུམ་འཁོར་ཅིག་ བཀག་བཞག་མི་ལས་ རྫས་བམ་ཅིག་ གས་ནི་དེ་གིས་ མི་ ༥ ལུ་ ཤི་རྐྱེན་དང་ གཞན་མི་ ༢༠ དེ་ཅིག་ལུ་ རྨ་སྐྱོན་བྱུང་ནུག།
ཁྲིམས་སྲུང་འགག་སྡེའི་འགོ་དཔོན་ གུལ་ཤེར་ཁཱན་གྱིས་ རྫས་བམ་གས་སའི་ས་གནས་ དེ་ར་ཨིཛ་མ་ཡེལ་ཁཱན་ཟེར་མི་དེ་ ཨཕ་གྷ་ནིཛ་ཏཱན་ མཐའ་བསྐོར་ཏེ་ཡོད་མི་ ས་མཚམས་ཁར་ཨིན་ཟེར་བཤད་ནུག།
འཁོར་ལོ་ ༢ འབད་མི་ སྣུམ་འཁོར་དེ་ཡང་ སྐྱེལ་འདྲེན་འགྲུལ་འཁོར་བཱཛ་བཞག་སར་ བཀག་བཞག་ཡོདཔ་ད་ ཁྲིམས་སྲུང་དམག་མི་ཚུ་ ཏག་ཝ་ར་ ས་ཁོངས་ནང་ སྐྱེལ་བར་འགྱོ་མི་ སྣུམ་འཁོར་ཅིག་ ས་གནས་དེ་ཁར་ལྷོདཔ་ད་ ས་ཐག་རིང་ས་ལས་ རྫས་བམ་གྱི་ ལྡེ་མིག་དཀྲོགས་ཏེ་ གས་བཅུག་ནུག་ཟེར་ཨིན་པས།
རྐྱེན་ངན་དེ་གི་སྐོར་ལས་ སྡེ་ཚན་ག་གིས་ཡང་ ཁས་ལེན་འབད་མ་བཏུབ་རུང་ པ་ཀིཛ་ཏཱན་ལུ་ཡོད་མི་ ཏ་ལི་བཱན་གྱི་ སྡེ་ཚན་ཨིན་པའི་ དོགས་པ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།