བྱང་ཀོ་རི་ཡ་གིས་ ར་ཤི་ཡ་ལུ་ གོ་མཚོན་ཚུ་ མཁོ་སྤྲོད་འབད་བ་ཅིན་ ལཱ་ཁག་འོང་ནི་ཨིན་པའི་ཉེན་བརྡ།

རོའི་ཊརཛ།
ར་ཤི་ཡ་དང་ བྱང་ཀོ་རི་ཡའི་བར་ན་ གོ་མཚོན་གྱི་སྐོར་ལས་ སྒྲིག་ཆ་བཟོ་དོ་ཡོདཔ་བཞིན་དུ་ བྱང་ཀོ་རི་ཡ་གིས་ གོ་མཚོན་མཁོ་སྤྲོད་ཐོག་ལས་ ར་ཤི་ཡ་གིས་ ཡུ་ཀེ་རེན་གྱི་ ཕྱད་མདའི་ནང་ ལག་ལེན་འཐབ་པ་ཅིན་ ཡུ་ཨེཛ་གི་ཁ་ཐུག་ལས་ བྱང་ཀོ་རི་ཡའི་དབུ་ཁྲིད་ ཀིམ་ཇོང་ཨཱན་ལུ་ ལཱ་ཁག་འོང་ནི་ཨིན་པའི་ ཉེན་བརྡ་འབད་ནུག།
དེ་ཡང་ ཡུ་ཨེཛ་གི་ རྒྱལ་ཡོངས་སྲུང་སྐྱོབ་གྲོས་དཔོན་ ཇེག་ས་ལི་བཱན་གྱིས་ བཤད་དོ་བཟུམ་འབད་བ་ཅིན་ བྱང་ཀོ་རི་ཡ་གིས་ ར་ཤི་ཡ་ལུ་ མཚོན་ཆ་ཚུ་ མཁོ་སྤྲོད་འབད་བ་ཅིན་ རྒྱལ་སྤྱིའི་གནས་རིན་ནང་ བྱང་ཀོ་རི་ཡ་ལུ་ ལེགས་ཤོམ་ཅིག་ རྩ་ལས་ར་ མི་འོང་ཟེར་ཨིན་པས།.
ཀིམ་ཇོང་ཨཱན་དེ་ སྤྱི་ཟླ་འདི་ནང་ མཚོན་ཆ་མཁོ་སྤྲོད་ཀྱི་སྐོར་ལས་ ར་ཤི་ལུ་ གསུང་གྲོས་གནང་པར་ འགྲུལ་བསྐྱོད་འབད་ནི་གི་ ལས་འཆར་ཡོདཔ་ཨིན་རུང་ ར་ཤི་ཡ་གིས་ ག་ནི་ཡང་ སླབ་ནི་མེད་ཟེར་བཤད་ནུག།
ར་ཤི་ཡ་དེ་ ཡུ་ཀེ་རེན་དང་གཅིག་ཁར་ ཕྱད་མདའ་རྐྱབ་མི་ལུ་བརྟེན་ཏེ་ རྒྱལ་ཁབ་གཞན་ཚུ་དང་ མཐུན་ལམ་མེདཔ་འགྱོཝ་ལས་ ད་རེས་ བྱང་ཀོ་རི་ཡ་དང་གཅིག་ཁར་ མཐུན་ལམ་ལུ་ བརྩི་མཐོང་ཡར་སེང་འབདཝ་ཨིན་པས།
བྱང་ཀོ་རི་ཡའི་ཐེད་ཁར་ ཧེ་མའི་ སོ་བིཏ་ཡུ་ནི་ཡཱན་དང་གཅིག་ཁར་ མཐུན་ལམ་ག་ནི་བ་ ལེགས་ཤོམ་ཡོད་རུང་ ར་ཤི་ཡ་དང་གཅིག་ཁར་ མཐུན་ལམ་དེ་ཅིག་ར་མེདཔ་ད་ ད་རེས་ ར་ཤི་ལུ་ ཆ་རོགས་དགོཔ་ ཐོན་མི་ལུ་བརྟེན་ཏེ་ ཁེ་ཕན་འབྱུངམ་ཨིན་པས་ཟེར་ བཀོད་འདུག་པའི་གནས་ཚུལ།