ཨེ་བི་སི།
སྤྱི་ཟླ་ ༨ པའི་ཚེས་ ༡༧ ལུ་ ལྷོ་ཀོ་རི་ཡའི་ མཁའ་དབྱིངས་འཕྲུལ་སྐར་ལས་སྡེ་ཅིག་གིས་ སྤྱི་ལོ་ ༢༠༢༥ ལུ་ རྒྱལ་ཁབ་ཀྱི་ བྱང་ཕྱོགས་ལུ་ཡོད་མི་ མཐའ་ཟུར་ས་ཁོངས་ཅིག་ལས་ དུས་ཚོད་གཏན་འཁེལ་འབད་ཡོད་མི་ འཛམ་གླིང་ལྡིང་སྐོར་གྱི་ འཕྲུལ་སྐར་དང་པ་ མཁའ་དབྱིངས་ལུ་ གཏང་ནི་ཨིན་པས།
དེ་ཡང་ ཨཱཛ་ཊེ་ལི་ཡའི་ མཁའ་དབྱིངས་འཕྲུལ་སྐར་ལས་སྡེ་ ཨི་ཀོའི་ཊོ་རི་ཡཱལ་ལོནཆ་ ཨཱཛ་ཊེ་ལི་ཡ་(ཨི་ཨེལ་ཨེ་)ཟེར་མི་དང་གཅིག་ཁར་ འཕྲུལ་སྐར་ལེ་ཤ་ཅིག་ར་ མཁའ་དབྱིངས་ལུ་ གཏང་ནིའི་དོན་ལས་ སྤྱི་ལོ་ ༢༠༢༨ ཚུན་གྱི་ ཆིངས་ཡིག་གུ་ མཚན་རྟགས་ཚུ་བཀོད་ནུག།
ཨི་ཨེལ་ཨེ་གིས་ སྤྱི་ལོ་ ༢༠༢༢ ལུ་ ཡུ་ཨེཛ་གི་ མཁའ་དབྱིངས་ལས་སྡེ་ ནཱ་ས་གིས་ འཕྲུལ་སྐར་སྦོམ་ ༣ གནམ་ཁར་བཏང་མི་དེ་ནང་ཡང་ འགོ་འདྲེན་པ་སྦེ་ གྲལ་གཏོགས་འབད་ཡོདཔ་ད་ ལྷོ་ཀོ་རི་ཡ་ལུ་འབད་བ་ཅིན་ འཛམ་གླིང་ལྡིང་སྐོར་གྱི་ འཕྲུལ་སྐར་ཚུ་ ནུ་ལུམ་བའི་ ཁྲོམ་གྱི་ཉེ་འདབས་ལུ་ཡོད་མི་ ཨར་ནེམ་མཁའ་དབྱིངས་ འཕྲུལ་སྐར་ལྟེ་བའི་ནང་ལས་ གནམ་མཁར་གཏང་ནི་ཨིན་པས།
ཨི་ཨེལ་ཨེ་གི་ བཀོད་ཁྱབ་ཁྲི་འཛིན་ མའེ་ཀེལ་ཇཱོན་གྱིས་ ཨི་ནོ་སི་པེཛ་དང་གཅིག་ཁར་བཟོ་མི་ ཆིངས་ཡིག་དེ་ གལ་ཅན་ཅིག་ཨིན་ཟེར་ བཤད་ཡོདཔ་ད་ ན་ཧིང་ ཡུ་ཨེཛ་གི་ མཁའ་དབྱིངས་འཕྲུལ་སྐར་ལྟེ་བ་ ནཱ་ས་གི་ འཕྲུལ་སྐར་ ༣ གནམ་ཁ་ལུ་བཏང་མི་དེ་གིས་ འཛམ་གླིང་ནང་ ཁོང་གི་ རིག་རྩལ་དང་ ལྕོགས་གྲུབ་ཚུ་ འགྲེམས་སྟོན་འབད་ནི་གི་ གོ་སྐབས་ཐོབ་ཡོདཔ་སྦེ་ བཤདཔ་ཨིན་པས་ཟེར་ བཀོད་པའི་གནས་ཚུལ།
ལྷོ་ཀོ་རི་ཡའི་ མཁའ་དབྱིངས་འཕྲུལ་སྐར་ལས་སྡེ་ ཨི་ནོ་སི་པེཛ་གིས་ ཨར་ནེམ་ལེནཌ་ ས་ཁོངས་ནང་ལས་ འཕྲུལ་སྐར་གནམ་ཁར་གཏང་ནི་གི་ཆིངས་ཡིག།
Comments are closed.
Related
རྒྱ་གར་གྱི་རྒྱལ་ས་ དིལླིའི་ས་ཁོངས་ཚུ་ནང་ ངོ་རྒོལ་འབད་མི་ཚུ་འཛིན་བཟུང་།
རོའི་ཊརཛ། སྤྱི་ཟླ་ ༡༠ པའི་ཚེས་ ༡༠ ལུ་ རྒྱ་གར་གྱི་ བཙག་འཐུ་ལྷན་འཛིན་སྤྱི་ཁྱབ་ དགོངས་ཞུ་འབད་དགོཔ་སྦེ་ ངོ་རྒོལ་འབད་མི་ཚུ་ ཁ་ཕྱལ་བཏང་ཐབས་ལུ་ ཉེན་སྲུང་དམག་མི་ཚུ་གིས་ དིལླིའི་ས་ཁོངས་ཚུ་ནང་ འགྲུལ་སྐྱོད་བཀག་དམ་འབད་བའི་ཁཡ་ ཁྲིམས་སྲུང་འགག་སྡེ་གིས་ ངོ་རྒོལ་འབད་མི་ཚུ་ཡང་ བརྒྱ་ཕྲག་ལས་བཅད་དེ་ འཛིན་བཟུང་འབད་ནུག། དེ་བཟུམ་སྦེ་ ཁྲོམ་སྡེའི་ནང་འཁོད་ལུ་ ཁྲིམས་སྲུང་འགག་པ་དང་ ཞི་བའི་དམག་མི་ སྟོང་ཕྲག་ལས་བཅད་དེ་ བཀྲམ་སྤེལ་འབད་ཡོདཔ་མ་ཚད་ ཚོང་འབྲེལ་ལྟེ་བ་དང་ འགྲུལ་འཕྲིན་ཡོངས་འབྲེལ་གྱི་ ཞབས་ཏོག་ཚུ་ཡང་ མཚམས་བཀག་འབད་ནུག། ངོ་རྒོལ་གྱི་ ས་ཁོངས་ཅིག་ཨིན་མི་ ཇཱན་ཏར་མན་ཏར་ལུ་ མི་སྟོང་ཕྲག་ལས་བཅད་དེ་ འཛོམས་ནི་གི་ འཆར་གཞི་ཡོདཔ་ཨིན་རུང་ ངོ་རྒོལ་འགོ་མ་བཙུགས་པའི་ཧེ་མ་ལས་ ཉེན་སྲུང་དམག་མི་ཚུ་གིས་ སྒོ་བསྡམས་ཡོདཔ་ཨིན་པས། ཨིན་རུང་ ཁྲོམ་སྡེའི་ས་གནས་ ལག་བཟོའི་ཚོང་ཁང་དང་ མ་ཧཱཏ་མ་གཱན་དྷིའི་ དྲན་རྟེན་ཚུ་ནང་ ངོ་རྒོལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
འགྲོ་བ་མིའི་དབང་ཆའི་ གཙོ་འཛིན་བགྲེསཔ་ ཨམ་ནཱ་ཝི་པི་ལེ་གིས་ འཛམ་གླིང་ཞི་བདེའི་ གཟེངས་རྟགས་ཐོབ་ཡོདཔ།
བི་བི་སི། སྤྱི་ལོ་ ༢༠༢༦ ལོའི་ འཛམ་གླིང་ཞི་བདེའི་གཟེངས་རྟགས་དེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་བགྲེསཔ་དང་ རྒྱལ་སྤྱི་ཁྲིམས་འདུན་གྱི་དྲང་དཔོན་ ཨམ་ནཱ་ཝི་པི་ལེ་ལུ་ གནང་ཡོདཔ་ཨིན་པས། ལྷོ་ཨཕ་རི་ཀའི་ དྲང་དཔོན་དེ་གིས་ ཞི་བདེ་དང་ རྒྱལ་སྤྱིའི་ཁྲིམས་ལུགས་ ཡར་དྲགས་གཏང་ནི་ལུ་ བརྩོན་ཤུགས་བསྐྱེད་ཡོད་པའི་ ངོས་འཛིན་བྱུང་ཡོདཔ་མ་ཚད་ རྒྱལ་སྤྱི་ཁྲིམས་ལུགས་ཀྱི་ སྒྲིག་གཞི་ཡོངས་རྫོགས་ཀྱི་དོན་ལུ་ཡང་ ལམ་སྟོན་འབད་ཡོདཔ་སྦེ་ འཛམ་གླིང་ཞི་བདེའི་ གཟེངས་རྟགས་ཚོགས་ཆུང་གིས་ གསལ་བཤད་འབད་ནུག། སྐྱེས་ལོ་ ༨༥ འབད་མི་ ཨམ་པི་ལེ་གིས་ ལོ་ངོ་བཅུ་ཕྲག་ལས་བཅད་དེ་ རེ་ཝང་ཌ་དང་ མི་ཡེན་མར་ གཱ་ཛ་ཚུ་རྩིས་ཏེ་ འགྲོ་བ་མིའི་ཐོབ་དབང་ལུ་ གནོད་སྐྱོན་རྐྱབ་ཡོད་པའི་ ཉེས་འཛུགས་བཀལ་མི་ཚུ་ལུ་ གཞི་བཞག་སྟེ་ མཐོ་རིམ་གྱི་ལཱ་ཚུ་ནང་ བཅའ་མར་གཏོགས་ཡོདཔ་ཨིན་པས། མོ་གི་ཧེ་མའི་ལཱ་ཚུ་ཡང་ ལྷོ་ཨཕ་རི་ཀ་ལུ་ མི་རིགས་དཀར་ནག་ཕྱེ་མི་ལུ་ རྒྱབ་འགལ་འབད་མི་ རྩོལ་འདོད་ཅན་ཚུ་ལུ་ རྒྱབ་སྐྱོར་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༨ ལུ་ རྒྱལ་ཁབ་ནང་ ཞི་བདེའི་གཟེངས་རྟགས་ཐོབ་མི་ མི་ངོམ་ ༥ པ་ཨིནམ་སྦེ་བཀོད་ནུག། ནོར་ཝེ་ཇིན་ལས་ […]
ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་ཡོདཔ།
བི་བི་སི། ཨ་མི་རི་ཀའི་སྲིད་འཛིན་ ཌོ་ནཱལ་ཊཱམ་གྱིས་ ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་མི་ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱོན་བརྗོད་འབད་ནུག། དེ་མ་ཚད་ སྲིད་འཛི་ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ དེ་སྦེ་ ཕྱད་མདའི་ནང་ མ་རྩ་བཙུགས་མི་དེ་ ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་ལུ་ གསོལ་རས་སྦེ་ འོང་ནི་མས་ཟེར་ཨིན་པས། སྲིད་འཛིན་པུ་ཊིན་གྱིས་ ཨ་མི་རི་ཀ་དང་ འཛམ་གླིང་ཚོང་འབྲེལ་ནང་ དེ་འཕྲལ་ལས་ ས་སྣུམ་ཌི་ཟེལ་ ཊཱོན་ ༣༠༠,༠༠༠ དེ་ཅིག་ གཏོན་ནི་ཨིནམ་མ་ཚད་ སྤྱི་ཟླ་ ༡༡ པའི་ནང་ ཊཱོན་ ༥༠༠,༠༠༠ དང་ དེ་གི་ཤུལ་ལས་ ས་ཡ་ ༡ གཏོན་ནི་ཨིན་པའི་ ཁས་བླངས་ཡང་འབད་ནུག།