ཡུ་ཨེཛ་དང་ འཕྲུལ་རིག་གི་ བྱ་སྟབས་མ་བདེཝ་ ཐོན་ཡོད་པའི་བར་ན་ རྒྱ་ནག་གིས་ གནམ་གྲུ་ཆུང་བ་ཌྲཱོན་ཚུ་ ཕྱིར་ཚོང་ཚད་འཛིན།

རོའི་ཊརཛ།
རྒྱ་ནག་དང་ ཡུ་ཨེཛ་གི་བར་ན་ གནས་ཚད་ལས་ལྷག་པའི་ འཕྲུལ་རིག་གི་ གོ་སྐབས་སྐོར་ལས་ བྱ་སྟབས་མ་བདེཝ་ ཐོན་ཡོདཔ་ལས་ རྒྱ་ནག་གིས་ ཌྲཱོན་ཟེར་མི་ གནམ་གྲུ་ཆུང་བ་དང་ དེ་དང་འབྲེལ་བའི་ ཡན་ལག་ཅ་ཆས་ ལ་ལོ་ཅིག་ ཕྱིར་ཚོང་འཐབ་ནི་ལས་ ཚད་འཛིན་འབད་དགོ་པའི་ གསལ་བསྒྲགས་འབད་ནུག།
དེ་ཡང་ སྤྱི་ཟླ་ ༩ པའི་ཚེས་ ༡ ལས་ བསྟར་སྤྱོད་འབད་ནི་ཨིནམ་ད་ དེ་བཟུམ་མའི་ ཚད་འཛིན་འབད་མི་དེ་ རྒྱལ་སྤྱིའི་ཉེན་སྲུང་དང་ ཞི་བདེའི་དོན་ལས་ རྒྱ་ནག་རྒྱལ་ཁབ་དེ་ འགན་ཁྲི་ཅན་ཅིག་ཨིན་པའི་ བརྡ་སྟོན་གྱི་དོན་ལུ་ཨིན་ཟེར་ འགོ་དཔོན་ཅིག་གིས་ བཤད་ཡོདཔ་ཨིན་པས།
རྒྱ་ནག་ལུ་ གནམ་གྲུ་ཆུང་བ་ བཟོ་བསྐྲུན་འབད་མི་ བཟོ་གྲྭ་ཁང་སྦོམ་ཅིག་ཡོད་མིའི་ནང་ལས་ ཡུ་ཨེཛ་གིས་གཙོས་པའི་ འཛམ་གླིང་ནང་ ཚོང་ལམ་དག་པ་ཅིག་ལུ་ གནམ་གྲུ་ཆུང་བ་ཚུ་ བཀྲམ་སྤེལ་འབད་དོ་ཡོདཔ་ལས་ ད་རེས་ ཚད་འཛིན་འབད་མིའི་སྐོར་ལས་ འབྲེལ་ཡོད་རྒྱལ་ཁབ་ཚུ་ལུ་ཡང་ བརྡ་ལན་འབད་ཡི་ཟེར་བཀོད་ནུག།
ཡུ་ཨེཛ་གི་ ཁྲིམས་བཟོ་མཁས་མཆོག་ཚུ་གིས་ ཡུ་ཨེཛ་ལུ་བཙོང་མི་ གནམ་གྲུ་ཆུང་བ་ ཡོངས་བསྡོམས་ལས་ བརྒྱ་ཆ་ ༥༠ ལྷགཔ་ཅིག་ རྒྱ་ནག་ལུ་ བཟོ་བསྐྲུན་འབད་མི་ཚུ་ཨིནམ་སྦེ་ བཤདཔ་ཨིན་པས།
ཨིན་རུང་ གནམ་གྲུ་ཆུང་བ་ བཟོ་བསྐྲུན་འབད་མི་ཅིག་གིས་ ཁོང་གིས་ དྲག་པོའི་དམག་སྡེའི་དོན་ལས་ ལན་ལེན་དང་ འཁྲུག་ཟིང་ ཕྱད་མདའ་ལ་སོགས་པའི་དོན་ལུ་ གནམ་གྲུ་ཆུང་བ་ཚུ་ བཙོང་བཙོངམ་མེད་ཟེར་བཤད་ནུག།
མདང་ཞག་ སྤྱི་ཟླ་ ༤ པའི་ནང་ རྒྱ་ནག་གི་ ཚོང་འབྲེལ་ལྷན་ཁག་ལས་ ཡུ་ཨེཛ་དང་ ནུབ་ཕྱོགས་རྒྱལ་ཁབ་ཚུ་གིས་ རྒྱ་ནག་ལུ་ གནམ་གྲུ་ཆུང་བ་ཚུ་ ཡུ་ཀེ་རེན་གྱི་ཕྱད་མདའི་དོན་ལུ་ ཕྱིར་ཚོང་འཐབ་ཡོད་པའི་ ཁ་ཉེས་བཀལ་ཡོད་མི་དེ་ མ་བདེནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།